22 shlokas
- 1
वामदेव्येन स्तोष्यमाणः प्राक्स्तोमयोगाद्गावो ऽश्वा अजावयो व्रीहयो यवा इति मनसा ध्यायेत्
vāmadevyena stoṣyamāṇaḥ prākstomayogādgāvo 'śvā ajāvayo vrīhayo yavā iti manasā dhyāyet
- 2
ब्रह्मसाम्नि यः कामो यजमानस्य स्यात्स सिध्यत्व् इति ध्यायन्नुपासीत
brahmasāmni yaḥ kāmo yajamānasya syātsa sidhyatv iti dhyāyannupāsīta
- 3
तथेतर उद्गायन्
tathetara udgāyan
- 4
आर्भवेण स्तुत्वा पुरोडाशाद् एकैकं पिण्डं त्रींस्त्रीन्वापरया द्वारा हविर्धानं प्रपद्याधस्तात्स्वस्य चमसस्य कुर्युर्यदासन्नः स्याद् अत्र पितरो मादयध्वं यथाभागम् आवृषायध्वम् इति
ārbhaveṇa stutvā puroḍāśād ekaikaṃ piṇḍaṃ trīṃstrīnvāparayā dvārā havirdhānaṃ prapadyādhastātsvasya camasasya kuryuryadāsannaḥ syād atra pitaro mādayadhvaṃ yathābhāgam āvṛṣāyadhvam iti
- 5
तम् आह्रियमाणं प्रतिमन्त्रयेरन्न् अमीमदन्त पितरो यथाभागम् आवृषायिषत इति
tam āhriyamāṇaṃ pratimantrayerann amīmadanta pitaro yathābhāgam āvṛṣāyiṣata iti
- 6
सौम्यम् आहृतम् उद्गातावेक्षेतायुर्मे प्राण इति
saumyam āhṛtam udgātāvekṣetāyurme prāṇa iti
- 7
पुनर् अस्मासु दध्मसीत्य् अन्तः
punar asmāsu dadhmasīty antaḥ
- 8
तं दशमे ऽहन्य् अभ्यस्येत्
taṃ daśame 'hany abhyasyet
- 9
यन्मे मादेः स्थाने यन्मे यमम् इत्य् एके
yanme mādeḥ sthāne yanme yamam ity eke
- 10
पूर्वेण त्व् एवावेक्षेत
pūrveṇa tv evāvekṣeta
- 11
तस्मिन्न् अङ्गुली अवधायाङ्गुष्ठानामिके इत्य् एके ऽक्षिणी विमृजीत येना ह्य् आजिम् इति
tasminn aṅgulī avadhāyāṅguṣṭhānāmike ity eke 'kṣiṇī vimṛjīta yenā hy ājim iti
- 12
एवम् इतरौ कुर्यातां प्रतिहर्ता पश्चात्
evam itarau kuryātāṃ pratihartā paścāt
- 13
तम् उत्तरेण प्रतिहर्तारं हरेयुः
tam uttareṇa pratihartāraṃ hareyuḥ
- 14
द्रव्येप्सुर्भुञ्जीतैनं गच्छत्य् अन्यतरां रोगार्तो वाहतेन वाससा प्रच्छाद्य दक्षिणार्धं सदसो गत्वा
dravyepsurbhuñjītainaṃ gacchaty anyatarāṃ rogārto vāhatena vāsasā pracchādya dakṣiṇārdhaṃ sadaso gatvā
- 15
यज्ञायज्ञीयस्य हिंकारं प्रति पत्नीम् उद्गातेक्षेत
yajñāyajñīyasya hiṃkāraṃ prati patnīm udgātekṣeta
- 16
निधनं प्रति पत्नी दक्षिणम् ऊरुम् अभिषिञ्चेत्
nidhanaṃ prati patnī dakṣiṇam ūrum abhiṣiñcet
- 17
तृतीयायां स्तोत्रीयायां प्रस्तुतायां सर्वं तद् उदकं निनयेत्
tṛtīyāyāṃ stotrīyāyāṃ prastutāyāṃ sarvaṃ tad udakaṃ ninayet
- 18
उत्तमायां स्तोत्रीयायां भुवद्वाजायि भुवद्वाजेष्व् इत्य् अभ्यस्येन्नाम् इति च निधनम् अनुष्टुभम् उत्तमाम् अक्षरेणान्तत इति ह्याहेति
uttamāyāṃ stotrīyāyāṃ bhuvadvājāyi bhuvadvājeṣv ity abhyasyennām iti ca nidhanam anuṣṭubham uttamām akṣareṇāntata iti hyāheti
- 19
अनभ्यासं त्व् आचार्याः
anabhyāsaṃ tv ācāryāḥ
- 20
निधनं च यथाम्नायं शाण्डिल्यः
nidhanaṃ ca yathāmnāyaṃ śāṇḍilyaḥ
- 21
तद्यदानुशंसन्होतापोहिष्ठीयां ब्रूयात्तदैनम् अन्वालभेरन्न् अपावृण्वानाः
tadyadānuśaṃsanhotāpohiṣṭhīyāṃ brūyāttadainam anvālabherann apāvṛṇvānāḥ
- 22
अन्यस्थानगतस्य सतो निवर्तेरन्धर्माः
anyasthānagatasya sato nivarterandharmāḥ

