18 shlokas
- 1
आहवनीयं चेष्यत्सु यजुषोपविशेत्
āhavanīyaṃ ceṣyatsu yajuṣopaviśet
- 2
तस्मिन्संचित उख्याम् आसन्दीं नैरृतीश्चेष्टका अरण्यं ह्रियमाणा अनुगच्छेत्
tasminsaṃcita ukhyām āsandīṃ nairṛtīśceṣṭakā araṇyaṃ hriyamāṇā anugacchet
- 3
निधीयमानानां दक्षिणतः स्थित्वा निहितास्व् अप उपस्पृश्यानपेक्षं प्रत्याव्रजेत्
nidhīyamānānāṃ dakṣiṇataḥ sthitvā nihitāsv apa upaspṛśyānapekṣaṃ pratyāvrajet
- 4
अग्निं विक्रक्ष्यत्सु सर्वौषधं च वप्स्यत्सु तत्र गत्वा तूष्णीम् उपविशेत्
agniṃ vikrakṣyatsu sarvauṣadhaṃ ca vapsyatsu tatra gatvā tūṣṇīm upaviśet
- 5
तैः सार्धं प्रत्याव्रज्य चितीः प्रणीयमाना अनुगच्छेत्
taiḥ sārdhaṃ pratyāvrajya citīḥ praṇīyamānā anugacchet
- 6
निधीयमानानां दक्षिणतः स्थित्वा निहितासु दक्षिणस्य पक्षस्यासन्नो यजुषोपविशेत्
nidhīyamānānāṃ dakṣiṇataḥ sthitvā nihitāsu dakṣiṇasya pakṣasyāsanno yajuṣopaviśet
- 7
लोकंपृणासूपधीयमानासु ब्राह्मणं तत्र समादिश्य यथार्थं स्यादिति शाण्डिल्यः
lokaṃpṛṇāsūpadhīyamānāsu brāhmaṇaṃ tatra samādiśya yathārthaṃ syāditi śāṇḍilyaḥ
- 8
आसीतैवेति धानंजय्यः
āsītaiveti dhānaṃjayyaḥ
- 9
एवं सदा चितिषु कुर्यात्
evaṃ sadā citiṣu kuryāt
- 10
संचितकर्माणि करिष्यत्स्व् आव्राजम् आसीत
saṃcitakarmāṇi kariṣyatsv āvrājam āsīta
- 11
सम्राडासन्दीं ह्रियमाणाम् अनुगच्छेत्
samrāḍāsandīṃ hriyamāṇām anugacchet
- 12
निधीयमानानां दक्षिणतः स्थित्वा परिषिच्यमाने ऽप उपस्पृश्य तैः सार्धं प्रत्याव्रज्याग्निं प्रणीयमानम् अनुगच्छेद् अप्रतिरथं जपन्
nidhīyamānānāṃ dakṣiṇataḥ sthitvā pariṣicyamāne 'pa upaspṛśya taiḥ sārdhaṃ pratyāvrajyāgniṃ praṇīyamānam anugacched apratirathaṃ japan
- 13
तूष्णीम् अनग्निचित्या चेत्
tūṣṇīm anagnicityā cet
- 14
निधीयमानस्य दक्षिणतः स्थित्वा निहिते दक्षिणा बहिर्वेदि यजुषोपविशेत्
nidhīyamānasya dakṣiṇataḥ sthitvā nihite dakṣiṇā bahirvedi yajuṣopaviśet
- 15
हविर्धाने प्रवर्त्यमाने अनुगच्छेत्
havirdhāne pravartyamāne anugacchet
- 16
परिवार्यमाणयोस्तत्रैव गत्वासीत
parivāryamāṇayostatraiva gatvāsīta
- 17
उच्छ्रितायाम् औदुम्बर्यां यथार्थं स्यात्
ucchritāyām audumbaryāṃ yathārthaṃ syāt
- 18
वेदिकर्मप्रभृति वाग्नीषोमप्रणयनात्प्रणयनात्
vedikarmaprabhṛti vāgnīṣomapraṇayanātpraṇayanāt

