12 shlokas
- 1
आतिथ्याम् इष्टिं निर्वपन्ते
ātithyām iṣṭiṃ nirvapante
- 2
तां चेद् अनवहृते राजनि निर्वपेरन्ब्राह्मणं राजनि समादिश्य तत्र गत्वासीत
tāṃ ced anavahṛte rājani nirvaperanbrāhmaṇaṃ rājani samādiśya tatra gatvāsīta
- 3
तस्यां संस्थितायां तानूनप्त्रम् आज्यम् अवमृशन्तो जपेयुर्हविर् असि वैश्वानरम् अनाधृष्टम् अनाधृष्यं देवानामोजो ऽनभिशस्त्यम् अभिशस्तिपा अनभिशस्तेन्यम् अञ्जसा सत्यम् उपगेषं सुविते माधा इति
tasyāṃ saṃsthitāyāṃ tānūnaptram ājyam avamṛśanto japeyurhavir asi vaiśvānaram anādhṛṣṭam anādhṛṣyaṃ devānāmojo 'nabhiśastyam abhiśastipā anabhiśastenyam añjasā satyam upageṣaṃ suvite mādhā iti
- 4
अप उपस्पृश्याध्वर्युणोक्तो राजानं विस्रम्भयेत्
apa upaspṛśyādhvaryuṇokto rājānaṃ visrambhayet
- 5
तं हिरण्यम् अन्तर्धायाभिमृशेयुर् अंशुर् अंशुष्टे देव
सोमाप्यायताम् इन्द्रायैकधनविदे
आ तुभ्यम् इन्द्रः प्यायताम् आ त्वम् इन्द्राय प्यायस्व
आप्याययास्मान्त्सखीन्सन्या मेधया
स्वस्ति ते देव सोम सुत्याम् उदृचम् अशीयेति
taṃ hiraṇyam antardhāyābhimṛśeyur aṃśur aṃśuṣṭe deva
somāpyāyatām indrāyaikadhanavide
ā tubhyam indraḥ pyāyatām ā tvam indrāya pyāyasva
āpyāyayāsmāntsakhīnsanyā medhayā
svasti te deva soma sutyām udṛcam aśīyeti
- 6
काशमये प्रस्तरे निह्नुवीरन्दक्षिणान्पाणीन् उत्तानान्कृत्वा सव्यान्नीचः
एष्टा राय एष्टा वामानि प्रेषे भगायर्तम् ऋतवादिभ्यो नमो दिवे नमः पृथिव्या इति
kāśamaye prastare nihnuvīrandakṣiṇānpāṇīn uttānānkṛtvā savyānnīcaḥ
eṣṭā rāya eṣṭā vāmāni preṣe bhagāyartam ṛtavādibhyo namo dive namaḥ pṛthivyā iti
- 7
सुब्रह्मण्यास्वाहूयमानासु दक्षिणोत्क्रम्य तिष्ठेद्दीक्षितश्चेत्
subrahmaṇyāsvāhūyamānāsu dakṣiṇotkramya tiṣṭheddīkṣitaścet
- 8
आहूतासु यथार्थं स्यात्
āhūtāsu yathārthaṃ syāt
- 9
उपसद् इष्टिर् अत ऊर्ध्वं तस्यां तथैवाभिमर्शननिह्नवने
upasad iṣṭir ata ūrdhvaṃ tasyāṃ tathaivābhimarśananihnavane
- 10
सव्या अपराह्न उत्तानाः स्युर्दक्षिणा न्यञ्चः
savyā aparāhna uttānāḥ syurdakṣiṇā nyañcaḥ
- 11
स्रुवेणोपसद्धोमे हुते विद्यात्संस्थितेति
sruveṇopasaddhome hute vidyātsaṃsthiteti
- 12
तस्या घर्मः प्रवर्ग्यवति पूर्वः
tasyā gharmaḥ pravargyavati pūrvaḥ

