19 shlokas
- 1
सुत्यायां ब्रह्मणः प्राक्सुब्रह्मण्याया औद्गात्रेण समानं कर्म
sutyāyāṃ brahmaṇaḥ prāksubrahmaṇyāyā audgātreṇa samānaṃ karma
- 2
ईक्षणाक्रमणे वेदेः
īkṣaṇākramaṇe vedeḥ
- 3
संचरधिष्ण्योपस्थानदक्षिणाप्रतिग्रहभक्षाः
saṃcaradhiṣṇyopasthānadakṣiṇāpratigrahabhakṣāḥ
- 4
स्तोमविमोचनाच्चोर्ध्वम् अन्यत्समानम्
stomavimocanāccordhvam anyatsamānam
- 5
अनुष्यात्तु दीक्षणीयायाम्
anuṣyāttu dīkṣaṇīyāyām
- 6
तस्यां संस्थितायाम् आसीतादीक्षणाद्यजमानस्य
tasyāṃ saṃsthitāyām āsītādīkṣaṇādyajamānasya
- 7
तं यदाध्वर्युर्वाचं यमयेद् अथ यथार्थं स्यात्
taṃ yadādhvaryurvācaṃ yamayed atha yathārthaṃ syāt
- 8
महावीरान्त्सम्भरिष्यत्सु तूष्णीम् उपविशेत्
mahāvīrāntsambhariṣyatsu tūṣṇīm upaviśet
- 9
संभृतेषु यथार्थं स्यात्
saṃbhṛteṣu yathārthaṃ syāt
- 10
प्रायणीयायां संस्थितायां पूर्वेण पत्नीशालां तिष्ठेद् आभिहोमात्पदस्य राजक्रयण्याः
prāyaṇīyāyāṃ saṃsthitāyāṃ pūrveṇa patnīśālāṃ tiṣṭhed ābhihomātpadasya rājakrayaṇyāḥ
- 11
अभिहुत उत्तरेण सोमवहनं गत्वा प्राग्वा पदाभिहोमाद्दक्षिणेन यत्र राजानं क्रेष्यन्तः स्युस्तत्र गत्वा तूष्णीम् उपविशेत्
abhihuta uttareṇa somavahanaṃ gatvā prāgvā padābhihomāddakṣiṇena yatra rājānaṃ kreṣyantaḥ syustatra gatvā tūṣṇīm upaviśet
- 12
क्रीते प्राङ् उत्क्रामेत्पश्चिमेनैनं हुत्वा राजानम् आदध्युर् आहितं पूर्वेण परीत्योह्यमानमनुगच्छेद्दक्षिणेन चेद्गतः स्यात्
krīte prāṅ utkrāmetpaścimenainaṃ hutvā rājānam ādadhyur āhitaṃ pūrveṇa parītyohyamānamanugaccheddakṣiṇena cedgataḥ syāt
- 13
उत्तरेण चेत्क्रीते प्रत्यङ् उत्क्रामेत्पूर्वेणैनं हृत्वा राजानम् आदध्युर् आहितं पश्चिमेन परीत्योह्यमानम् अनुगच्छेत्
uttareṇa cetkrīte pratyaṅ utkrāmetpūrveṇainaṃ hṛtvā rājānam ādadhyur āhitaṃ paścimena parītyohyamānam anugacchet
- 14
ताम् एवात्रेषाम् अन्वावर्तेत
tām evātreṣām anvāvarteta
- 15
सा ह्यस्य प्राचि वर्तमानस्य दक्षिणेषा भवति
sā hyasya prāci vartamānasya dakṣiṇeṣā bhavati
- 16
विमुक्ते चान्तरेण सोमवहनं पत्नीशालां च दक्षिणेनोत्क्रम्य तिष्ठेद्दीक्षितश्चेद् आ राज्ञो ऽवहरणात्
vimukte cāntareṇa somavahanaṃ patnīśālāṃ ca dakṣiṇenotkramya tiṣṭheddīkṣitaśced ā rājño 'vaharaṇāt
- 17
प्रवेश्यमानं राजानम् अनुप्रविशेद् अव्यवयन्नग्निना
praveśyamānaṃ rājānam anupraviśed avyavayannagninā
- 18
संबाधश्चेत्स्याद्दक्षिणयापि द्वारा प्रविशेत्
saṃbādhaścetsyāddakṣiṇayāpi dvārā praviśet
- 19
उत्तरेणाहवनीयं पश्चिमेन वेदिं संचरेद्दीक्षितश्चेत्
uttareṇāhavanīyaṃ paścimena vediṃ saṃcareddīkṣitaścet

