15 shlokas
- 1
तम् अभीन्धिष्यत्सु गार्हपत्यं गत्वा यजुषोपविशेद्दक्षिणेन
tam abhīndhiṣyatsu gārhapatyaṃ gatvā yajuṣopaviśeddakṣiṇena
- 2
दक्षिणाग्निम् उत्तरेण बहिश्चेत्
dakṣiṇāgnim uttareṇa bahiścet
- 3
रुचितो घर्म इत्युक्ते ऽनुवाकेन तिष्ठन्तो ऽवेक्षेरन्यम् अध्वर्युर्ब्रूयात्
rucito gharma ityukte 'nuvākena tiṣṭhanto 'vekṣeranyam adhvaryurbrūyāt
- 4
तं ह्रियमाणं यथेतम् अनुव्रजन्जपेत्
विश्वा आशा दक्षिणसत्सर्वान्देवानयाडिह
स्वाहाकृतस्य घर्मस्य मधोः पिबतमश्विना इति
taṃ hriyamāṇaṃ yathetam anuvrajanjapet
viśvā āśā dakṣiṇasatsarvāndevānayāḍiha
svāhākṛtasya gharmasya madhoḥ pibatamaśvinā iti
- 5
आश्रावित उपविश्य जपेत्
अश्विना घर्मं पातं हार्दिवानम् अहर्दिवाभिर् ऊतिभिः
तन्त्रायणेन नमो द्यावापृथिवीभ्यामिति
āśrāvita upaviśya japet
aśvinā gharmaṃ pātaṃ hārdivānam ahardivābhir ūtibhiḥ
tantrāyaṇena namo dyāvāpṛthivībhyāmiti
- 6
हुते यजमानं वाचयेत्
आपाताम् अश्विना घर्मम् अनु द्यावापृथिवी अमंसाताम्
इहैव रातयः सन्त्विति
hute yajamānaṃ vācayet
āpātām aśvinā gharmam anu dyāvāpṛthivī amaṃsātām
ihaiva rātayaḥ santviti
- 7
घर्मशेषस्य भक्षयेत्
मधु हुतम् इन्द्रतमे ऽग्नाव् अश्याम ते देव घर्म नमस्ते ऽस्तु मा मा हिंसीरिति
gharmaśeṣasya bhakṣayet
madhu hutam indratame 'gnāv aśyāma te deva gharma namaste 'stu mā mā hiṃsīriti
- 8
सत्त्रं चेत्स्याद्यजमाना उपह्वयध्वम् इत्य् एवोपह्वानम्
sattraṃ cetsyādyajamānā upahvayadhvam ity evopahvānam
- 9
एवं सदा प्रवर्ग्योपसदः कुर्यात्
evaṃ sadā pravargyopasadaḥ kuryāt
- 10
महावेदेः स्तम्बयजुर्हरिष्यत्सु यजुषोपविशेत्
mahāvedeḥ stambayajurhariṣyatsu yajuṣopaviśet
- 11
विलिखिते चात्वाले यथार्थं स्यात्
vilikhite cātvāle yathārthaṃ syāt
- 12
उत्तरवेदिं निर्वप्स्यत्सु तूष्णीम् उपविशेत्न्युप्तायां यथार्थं स्यात्
uttaravediṃ nirvapsyatsu tūṣṇīm upaviśetnyuptāyāṃ yathārthaṃ syāt
- 13
अग्निचित्यायां प्राग्दीक्षणीयायाः सावित्रान्होमान्होष्यत्सु यजुषोपविशेत्
agnicityāyāṃ prāgdīkṣaṇīyāyāḥ sāvitrānhomānhoṣyatsu yajuṣopaviśet
- 14
तेषु हुतेषूख्यां मृत्तिकाम् आह्रियमाणाम् अनुगच्छेत्
teṣu huteṣūkhyāṃ mṛttikām āhriyamāṇām anugacchet
- 15
तस्यां संभ्रियमाणायाम् आसित्वा संभृतायां यथार्थं स्यात्
tasyāṃ saṃbhriyamāṇāyām āsitvā saṃbhṛtāyāṃ yathārthaṃ syāt

