14 shlokas
- 1
उपनिष्क्रम्य हृदयशूलेन चरन्ति
upaniṣkramya hṛdayaśūlena caranti
- 2
शुष्कस्य चार्द्रस्य च संधौ हृदयशूलम् उद्वासयति शुग् असि तम् अभिशोच यो ऽस्मान्द्वेष्टि यं च वयं द्विष्म इति
śuṣkasya cārdrasya ca saṃdhau hṛdayaśūlam udvāsayati śug asi tam abhiśoca yo 'smāndveṣṭi yaṃ ca vayaṃ dviṣma iti
- 3
धाम्नो धाम्नो राजन्न् उद् उत्तमं वरुण पाशम् इत्य् एताभ्याम् आदित्यम् उपस्थाय चात्वाले मार्जयन्ते सुमित्रा न आप ओषधयः सन्त्व् इति
dhāmno dhāmno rājann ud uttamaṃ varuṇa pāśam ity etābhyām ādityam upasthāya cātvāle mārjayante sumitrā na āpa oṣadhayaḥ santv iti
- 4
समिधः कृत्वाप्रतीक्षम् आयन्ति
samidhaḥ kṛtvāpratīkṣam āyanti
- 5
एधो ऽस्य् एधिषीमहीत्य् आहवनीये समिध आधायोपतिष्ठन्ते अपो अन्वचारिषम् इति
edho 'sy edhiṣīmahīty āhavanīye samidha ādhāyopatiṣṭhante apo anvacāriṣam iti
- 6
एवं पत्नी गार्हपत्ये ऽभ्याधायोपतिष्ठते
evaṃ patnī gārhapatye 'bhyādhāyopatiṣṭhate
- 7
यूपं यजमान उपतिष्ठते आशासानः सुवीर्यम् इत्य् एतया
yūpaṃ yajamāna upatiṣṭhate āśāsānaḥ suvīryam ity etayā
- 8
संतिष्ठते पशुबन्धः
saṃtiṣṭhate paśubandhaḥ
- 9
एवम् एव षट्सु षट्सु मासेषु संवत्सरे संवत्सरे वा पशुना यजेत
evam eva ṣaṭsu ṣaṭsu māseṣu saṃvatsare saṃvatsare vā paśunā yajeta
- 10
नाहिताग्निं पशुनानीजानं संवत्सरो ऽतीयात्
nāhitāgniṃ paśunānījānaṃ saṃvatsaro 'tīyāt
- 11
यद्य् अतीयाद् अमांसखादः स्यात्
yady atīyād amāṃsakhādaḥ syāt
- 12
अत्यशिता ह वा एतस्याग्नयो भवन्ति य आहिताग्निः संवत्सरं पशुनानिष्ट्वा मांसं खादतीति विज्ञायते
atyaśitā ha vā etasyāgnayo bhavanti ya āhitāgniḥ saṃvatsaraṃ paśunāniṣṭvā māṃsaṃ khādatīti vijñāyate
- 13
स यदि भक्षयेद् एतया भक्षयेत्मनसाग्निभ्यः प्रहिणोमि भक्षं मम वाचा तं सह भक्षयन्त्व् अप्रमाद्यन्न् अप्रमत्तश्चरामि शिवेन मनसा सह भक्षयत
sa yadi bhakṣayed etayā bhakṣayetmanasāgnibhyaḥ prahiṇomi bhakṣaṃ mama vācā taṃ saha bhakṣayantv apramādyann apramattaścarāmi śivena manasā saha bhakṣayata
- 14
यद्य् आदिष्टो भक्षयेद् एतं मन्त्रम् उक्त्वा भक्षयेद् एतं मन्त्रम् उक्त्वा भक्षयेत्
yady ādiṣṭo bhakṣayed etaṃ mantram uktvā bhakṣayed etaṃ mantram uktvā bhakṣayet

