16 shlokas
- 1
शामित्रे वपां प्रतितपति प्रत्युष्टं रक्षः प्रत्युष्टा अरातय इति
śāmitre vapāṃ pratitapati pratyuṣṭaṃ rakṣaḥ pratyuṣṭā arātaya iti
- 2
पुनर् उल्मुकम् आदायाग्नीध्रः पूर्वः प्रतिपद्यते
punar ulmukam ādāyāgnīdhraḥ pūrvaḥ pratipadyate
- 3
एवम् अध्वर्युर् आहवनीयम् अभिप्रव्रजति
evam adhvaryur āhavanīyam abhipravrajati
- 4
एवम् अन्तिमे ऽङ्गारे वपां नितंसयति
evam antime 'ṅgāre vapāṃ nitaṃsayati
- 5
आहवनीय आग्नीध्र उल्मुकम् अपिसृजति
āhavanīya āgnīdhra ulmukam apisṛjati
- 6
अन्तरेण चात्वालोत्कराव् अन्तरेण यूपं चाहवनीयं च वपाम् अत्याहृत्य दक्षिणत उदङ्ङ् आसीनः प्रतिप्रस्थाताहवनीये वपां श्रपयति
antareṇa cātvālotkarāv antareṇa yūpaṃ cāhavanīyaṃ ca vapām atyāhṛtya dakṣiṇata udaṅṅ āsīnaḥ pratiprasthātāhavanīye vapāṃ śrapayati
- 7
अधस्ताद्वपाया बर्हिषो ऽग्रम् अपास्यति वायो वीहि स्तोकानाम् इति
adhastādvapāyā barhiṣo 'gram apāsyati vāyo vīhi stokānām iti
- 8
स्रुवेणाज्यम् आदायाभिजुहोति त्वाम् उ ते दधिरे हव्यवाहम् इति
sruveṇājyam ādāyābhijuhoti tvām u te dadhire havyavāham iti
- 9
अभिजुह्वत्संप्रेष्यति स्तोकेभ्यो ऽनुब्रूहीति
abhijuhvatsaṃpreṣyati stokebhyo 'nubrūhīti
- 10
यदा शृता श्येनी भवत्य् अथैनां सांनाय्यवद् अभिघार्य तथोद्वास्य बर्हिषि प्लक्षशाखायाम् इति प्रतिष्ठापयति सुपिप्पला ओषधीः कृधीति
yadā śṛtā śyenī bhavaty athaināṃ sāṃnāyyavad abhighārya tathodvāsya barhiṣi plakṣaśākhāyām iti pratiṣṭhāpayati supippalā oṣadhīḥ kṛdhīti
- 11
प्रयुता द्वेषांसीति वपाश्रपणीभ्यां प्रमुच्य घृतवतीम् इत्य् अभिज्ञायोत्तमाय प्रयाजायात्याक्रम्याश्राव्याह स्वाहाकृतीभ्यः प्रेष्येति
prayutā dveṣāṃsīti vapāśrapaṇībhyāṃ pramucya ghṛtavatīm ity abhijñāyottamāya prayājāyātyākramyāśrāvyāha svāhākṛtībhyaḥ preṣyeti
- 12
वषट्कृते जुहोति
vaṣaṭkṛte juhoti
- 13
प्रत्याक्रम्य जुह्वा ध्रुवाम् अभिघारयति यद्याज्यभागौ करिष्यन्भवत्य् अथ पृषदाज्यम् अथ वपाम्
नोपभृतम्
pratyākramya juhvā dhruvām abhighārayati yadyājyabhāgau kariṣyanbhavaty atha pṛṣadājyam atha vapām
nopabhṛtam
- 14
तत आज्यभागाभ्यां प्रचरति यद्य् आज्यभागौ जुहोति
tata ājyabhāgābhyāṃ pracarati yady ājyabhāgau juhoti
- 15
ततः पूर्वं परिवप्यं जुहोति स्वाहा देवेभ्य इति
tataḥ pūrvaṃ parivapyaṃ juhoti svāhā devebhya iti
- 16
ततः संप्रेष्यति
tataḥ saṃpreṣyati

