15 shlokas
- 1
अपि वा त्रयाणाम् एव मुख्यानाम् अनुपूर्वम् अवदाय यथाकामम् उत्तरेषाम् अवद्यति
api vā trayāṇām eva mukhyānām anupūrvam avadāya yathākāmam uttareṣām avadyati
- 2
यूषे मेदो ऽवधाय मेदसा जुहूं प्रोर्णोति
yūṣe medo 'vadhāya medasā juhūṃ prorṇoti
- 3
उपरिष्टाद्धिरण्यशकलं निधायाभिघारयति
upariṣṭāddhiraṇyaśakalaṃ nidhāyābhighārayati
- 4
त्र्यङ्गाणि प्रत्यभिघार्योपभृति त्र्यङ्गाणां स्विष्टकृते सकृत्सकृद् अवद्यति दक्षिणस्य दोष्णः सव्यायाः श्रोणेर्गुदकाण्डम् इति
tryaṅgāṇi pratyabhighāryopabhṛti tryaṅgāṇāṃ sviṣṭakṛte sakṛtsakṛd avadyati dakṣiṇasya doṣṇaḥ savyāyāḥ śroṇergudakāṇḍam iti
- 5
पुरस्ताद् एव गुदं द्वैधं कृत्वा स्थविमद् उपयड्भ्यो निदधाति
purastād eva gudaṃ dvaidhaṃ kṛtvā sthavimad upayaḍbhyo nidadhāti
- 6
अणिमत्त्रैधं करोति
aṇimattraidhaṃ karoti
- 7
तस्य मध्यमं जुह्वां द्वैधं कृत्वावदधाति स्थविष्ठम् उपभृत्य् अणिष्ठम् इडायां द्वैधं कृत्वा
tasya madhyamaṃ juhvāṃ dvaidhaṃ kṛtvāvadadhāti sthaviṣṭham upabhṛty aṇiṣṭham iḍāyāṃ dvaidhaṃ kṛtvā
- 8
यूषे मेदो ऽवधाय मेदसोपभृतं प्रोर्णोति
yūṣe medo 'vadhāya medasopabhṛtaṃ prorṇoti
- 9
उपरिष्टाद्धिरण्यशकलं निधाय द्विर् अभिघारयति
upariṣṭāddhiraṇyaśakalaṃ nidhāya dvir abhighārayati
- 10
पात्र्याम् इडां समवद्यति हृदयाज्जिह्वाया यक्नो वृक्कयोर्गुदयोर्गुदाद्वनिष्ठोः सप्तमात्
pātryām iḍāṃ samavadyati hṛdayājjihvāyā yakno vṛkkayorgudayorgudādvaniṣṭhoḥ saptamāt
- 11
अत्रैव दक्षिणां श्रोणिम् अध्युद्धिं क्लोमानं प्लीहानं पुरीततं मेद इत्य् अन्ववधाय यूष्णोपसिच्याभिघारयति
atraiva dakṣiṇāṃ śroṇim adhyuddhiṃ klomānaṃ plīhānaṃ purītataṃ meda ity anvavadhāya yūṣṇopasicyābhighārayati
- 12
यूष्णो वसाहोमं गृह्णाति
yūṣṇo vasāhomaṃ gṛhṇāti
- 13
स्वधितिना धारां प्रयौति
svadhitinā dhārāṃ prayauti
- 14
सकृच्चतुरवदानस्य द्विः पञ्चावदानस्य
sakṛccaturavadānasya dviḥ pañcāvadānasya
- 15
अभिघार्य यानि चावत्तानि यानि चानवत्तानि शृतं चाशृतं च सर्वं पशुं संनिधायाभिमृशति ऐन्द्रः प्राणो अङ्गे अङ्गे निदेध्यद् इति
abhighārya yāni cāvattāni yāni cānavattāni śṛtaṃ cāśṛtaṃ ca sarvaṃ paśuṃ saṃnidhāyābhimṛśati aindraḥ prāṇo aṅge aṅge nidedhyad iti

