12 shlokas
- 1
नित्यं शुद्धः कारुहस्तः पण्यं यच्च प्रसारितम्
ब्रह्मचारिगतं भैक्षं नित्यं मेध्यम् इति श्रुतिः
nityaṃ śuddhaḥ kāruhastaḥ paṇyaṃ yacca prasāritam
brahmacārigataṃ bhaikṣaṃ nityaṃ medhyam iti śrutiḥ
- 2
वत्सः प्रस्नवने मेध्यः शकुनिः फलशातने
स्त्रियश्च रतिसंसर्गे श्वा मृगग्रहणे शुचिः
vatsaḥ prasnavane medhyaḥ śakuniḥ phalaśātane
striyaśca ratisaṃsarge śvā mṛgagrahaṇe śuciḥ
- 3
आकराः शुचयः सर्वे वर्जयित्वा सुराकरम्
अदूष्याः संतता धारा वातोद्भूताश्च रेणवः
ākarāḥ śucayaḥ sarve varjayitvā surākaram
adūṣyāḥ saṃtatā dhārā vātodbhūtāśca reṇavaḥ
- 4
अमेध्येषु च ये वृक्षा उप्ताः पुष्पफलोपगाः
तेषाम् अपि न दुष्यन्ति पुष्पाणि च फलानि च
amedhyeṣu ca ye vṛkṣā uptāḥ puṣpaphalopagāḥ
teṣām api na duṣyanti puṣpāṇi ca phalāni ca
- 5
चैत्यवृक्षं चितिं यूपं चण्डालं वेदविक्रयम्
एतानि ब्राह्मणः स्पृष्ट्वा सचेलो जलम् आविशेत्
caityavṛkṣaṃ citiṃ yūpaṃ caṇḍālaṃ vedavikrayam
etāni brāhmaṇaḥ spṛṣṭvā sacelo jalam āviśet
- 6
आत्मशय्यासनं वस्त्रं जायापत्यं कमण्डलुः
शुचीन्य् आत्मन एतानि परेषाम् अशुचीनि तु
ātmaśayyāsanaṃ vastraṃ jāyāpatyaṃ kamaṇḍaluḥ
śucīny ātmana etāni pareṣām aśucīni tu
- 7
आसनं शयनं यानं नावः पथि तृणानि च
चण्डालपतितस्पृष्टं मारुतेनैव शुध्यति
āsanaṃ śayanaṃ yānaṃ nāvaḥ pathi tṛṇāni ca
caṇḍālapatitaspṛṣṭaṃ mārutenaiva śudhyati
- 8
खलक्षेत्रेषु यद्धान्यं कूपवापीषु यज्जलम्
अभोज्याद् अपि तद्भोज्यं यच्च गोष्ठगतं पयः
khalakṣetreṣu yaddhānyaṃ kūpavāpīṣu yajjalam
abhojyād api tadbhojyaṃ yacca goṣṭhagataṃ payaḥ
- 9
त्रीणि देवाः पवित्राणि ब्राह्मणानाम् अकल्पयन्
अदृष्टम् अद्भिर्निर्णिक्तं यच्च वाचा प्रशस्यते
trīṇi devāḥ pavitrāṇi brāhmaṇānām akalpayan
adṛṣṭam adbhirnirṇiktaṃ yacca vācā praśasyate
- 10
आपः पवित्रं भूमिगता गोतृप्तिर्यासु जायते
अव्याप्ताश्चेद् अमेध्येन गन्धवर्णरसान्विताः
āpaḥ pavitraṃ bhūmigatā gotṛptiryāsu jāyate
avyāptāśced amedhyena gandhavarṇarasānvitāḥ
- 11
भूमेस्तु संमार्जनप्रोक्षणोपलेपनावस्तरणोल्लेखनैर्यथास्थानं दोषविशेषात्प्रायत्यम्
bhūmestu saṃmārjanaprokṣaṇopalepanāvastaraṇollekhanairyathāsthānaṃ doṣaviśeṣātprāyatyam
- 12
अथाप्य् उदाहरन्ति
athāpy udāharanti

