7 shlokas
- 1
द्वितीयस्य चतुर्विंशेन आज्यम्
dvitīyasya caturviṃśena ājyam
- 2
वायो ये ते सहस्रिण इति द्वे तीव्राः सोमास आ गहीत्य् एकोभा देवा दिविस्पृशेति द्वे शुक्रस्याद्यगवाशिर इत्य् एकायं वां मित्रावरुणेति पञ्च तृचाः
vāyo ye te sahasriṇa iti dve tīvrāḥ somāsa ā gahīty ekobhā devā divispṛśeti dve śukrasyādyagavāśira ity ekāyaṃ vāṃ mitrāvaruṇeti pañca tṛcāḥ
- 3
गार्त्समदं प्रौगम् इत्य् एतद् आचक्षते
gārtsamadaṃ praugam ity etad ācakṣate
- 4
विश्वानरस्य वस्पतिम् इन्द्र इत्सोमपा एक इति मरुत्वतीयस्य प्रतिपदनुचराव् इन्द्र सोमं या त ऊतिर् अवमेति मध्यंदिनः
viśvānarasya vaspatim indra itsomapā eka iti marutvatīyasya pratipadanucarāv indra somaṃ yā ta ūtir avameti madhyaṃdinaḥ
- 5
भारद्वाजो होता चेत्प्रकृत्या
bhāradvājo hotā cetprakṛtyā
- 6
चातुर्विंशिकं तृतीयसवनं विश्वो देवस्य नेतुर् इत्य् एका तत्सवितुर्वरेण्यम् इति द्वे आ विश्वदेवं सप्ततिम् इति तु वैश्वदेवस्य प्रतिपदनुचरौ
cāturviṃśikaṃ tṛtīyasavanaṃ viśvo devasya netur ity ekā tatsaviturvareṇyam iti dve ā viśvadevaṃ saptatim iti tu vaiśvadevasya pratipadanucarau
- 7
आज्यप्रौगे प्रतिपदनुचराश्चोभयोर्युग्मेष्व् एवम् अभिप्लवे
ājyaprauge pratipadanucarāścobhayoryugmeṣv evam abhiplave

