23 shlokas
- 1
अभिप्लवपृष्ठ्यानि
abhiplavapṛṣṭhyāni
- 2
रथन्तरपृष्ठान्य् अयुजानि
rathantarapṛṣṭhāny ayujāni
- 3
बृहत्पृष्ठानीतराणि
bṛhatpṛṣṭhānītarāṇi
- 4
तृतीयादिषु पृष्ठ्यस्यान्वहं द्वितीयानि वैरूपवैराजशाक्वररैवतानि
tṛtīyādiṣu pṛṣṭhyasyānvahaṃ dvitīyāni vairūpavairājaśākvararaivatāni
- 5
तेषां यथास्थाने क्रियायां योनीः शंसेत्
teṣāṃ yathāsthāne kriyāyāṃ yonīḥ śaṃset
- 6
सर्वत्र चास्वयोनिभावे ऽन्यत्राश्विनात्
sarvatra cāsvayonibhāve 'nyatrāśvināt
- 7
यज्ञायज्ञीयस्य त्व् अक्रियमाणस्यापि सानुरूपां योनिं व्याहावम्शंसेद् ऊर्ध्वम् इतरस्यानुरूपात्
yajñāyajñīyasya tv akriyamāṇasyāpi sānurūpāṃ yoniṃ vyāhāvamśaṃsed ūrdhvam itarasyānurūpāt
- 8
होत्रकाः परिशिष्टान् आवापान् उद्धृत्य
hotrakāḥ pariśiṣṭān āvāpān uddhṛtya
- 9
मित्रं वयं हवामहे मित्रं हुवे पूतदक्षम् अयं वां मित्रावरुणा नो मित्रावरुणेति तृचाः
प्र वो मित्रायेति चतुर्णां द्वितीयम् उद्धरेत्प्र मित्रयोर्वरुणयोर् इति षट्काव्येभिर् अदाभ्येति तिस्रो मित्रस्य चर्षणीधृत इति चतस्रो मैत्र्यो यच्चिद्धि ते विश इति वारुणम्
mitraṃ vayaṃ havāmahe mitraṃ huve pūtadakṣam ayaṃ vāṃ mitrāvaruṇā no mitrāvaruṇeti tṛcāḥ
pra vo mitrāyeti caturṇāṃ dvitīyam uddharetpra mitrayorvaruṇayor iti ṣaṭkāvyebhir adābhyeti tisro mitrasya carṣaṇīdhṛta iti catasro maitryo yacciddhi te viśa iti vāruṇam
- 10
एतस्य तृचम् आवपेत मैत्रावरुणो नित्याद् अधिकं स्तोमकारणात्
etasya tṛcam āvapeta maitrāvaruṇo nityād adhikaṃ stomakāraṇāt
- 11
पञ्च सप्तदशे
नवैकविंशे
द्वादश चतुर्विंशे
पञ्चदश त्रिणवे
एकविंशतिं त्रयस्त्रिंशे
द्वात्रिंशतं चतुश्चत्वारिंशे
षट्त्रिंशतम् अष्टाचत्वारिंशे
pañca saptadaśe
navaikaviṃśe
dvādaśa caturviṃśe
pañcadaśa triṇave
ekaviṃśatiṃ trayastriṃśe
dvātriṃśataṃ catuścatvāriṃśe
ṣaṭtriṃśatam aṣṭācatvāriṃśe
- 12
एकाल्पीयसीर्वा
ekālpīyasīrvā
- 13
एकाहेष्व् एकभूयसीर्वा
ekāheṣv ekabhūyasīrvā
- 14
नारम्भणीया न पर्यासा अन्त्या ऐकाहिकास्तृचाः पर्यासस्थानेषु
nārambhaṇīyā na paryāsā antyā aikāhikāstṛcāḥ paryāsasthāneṣu
- 15
ब्राह्मणाच्छंसिनः सुरूपकृत्नुम् ऊतय इति षट्सूक्तानि
brāhmaṇācchaṃsinaḥ surūpakṛtnum ūtaya iti ṣaṭsūktāni
- 16
आवाप उक्तो मैत्रावरुणेन
āvāpa ukto maitrāvaruṇena
- 17
इहेन्द्राग्नी इन्द्राग्नी आ गतं ता हुवे ययोर् इदम् इति नवेयं वामस्य मन्मन इत्य् एकादश यज्ञस्य हि स्थ इत्य् अच्छावाकस्य
ihendrāgnī indrāgnī ā gataṃ tā huve yayor idam iti naveyaṃ vāmasya manmana ity ekādaśa yajñasya hi stha ity acchāvākasya
- 18
आ यात्व् इन्द्रो अवस इति मरुत्वतीयम् आ न इन्द्र इति निष्केवल्यं प्रथमस्याभिप्लविकस्य
ā yātv indro avasa iti marutvatīyam ā na indra iti niṣkevalyaṃ prathamasyābhiplavikasya
- 19
मध्यंदिन इत्य् उक्त एते शस्त्रे प्रतीयात्
madhyaṃdina ity ukta ete śastre pratīyāt
- 20
अहीनसूक्तस्थान एवा त्वाम् इन्द्र यन्न इन्द्र कथा महाम् इन्द्रः पूर्भिद्य एक इद्यस्तिग्मशृङ्ग इमाम् ऊ ष्व् इच्छन्ति त्वा शासद्वह्निर् इति सम्पाताः
ahīnasūktasthāna evā tvām indra yanna indra kathā mahām indraḥ pūrbhidya eka idyastigmaśṛṅga imām ū ṣv icchanti tvā śāsadvahnir iti sampātāḥ
- 21
एकैकस्य त्रयस्त्रयः
ekaikasya trayastrayaḥ
- 22
उक्ता मरुत्वतीयैः
uktā marutvatīyaiḥ
- 23
युञ्जते मन इहेह व इति चतस्रो देवान्हुव इति वैश्वदेवम्
yuñjate mana iheha va iti catasro devānhuva iti vaiśvadevam

