17 shlokas
- 1
चतुर्विंशे होता अजनिष्टेत्य् आज्यम्
caturviṃśe hotā ajaniṣṭety ājyam
- 2
आ नो मित्रावरुणा मित्रं वयं हवामहे मित्रं हुवे पूतदक्षम् अयं वां मित्रावरुणा पुरूरुणा चिद्ध्य् अस्ति प्रति वां सूर उदित इति षडहस्तोत्रिया मैत्रावरुणस्य
ā no mitrāvaruṇā mitraṃ vayaṃ havāmahe mitraṃ huve pūtadakṣam ayaṃ vāṃ mitrāvaruṇā purūruṇā ciddhy asti prati vāṃ sūra udita iti ṣaḍahastotriyā maitrāvaruṇasya
- 3
आ याहि सुषुमा हि त इन्द्रम् इद्गाथिनो बृहद् इन्द्रेण सं हि दृक्षस आद् अह स्वधाम् अन्व् इत्य् एका द्वे चेन्द्रो दधीचो अस्थभिर् उत्तिष्ठन्न् ओजसा सह भिन्द्धि विश्वा अप द्विष इति ब्राह्मणाच्छंसिनः
ā yāhi suṣumā hi ta indram idgāthino bṛhad indreṇa saṃ hi dṛkṣasa ād aha svadhām anv ity ekā dve cendro dadhīco asthabhir uttiṣṭhann ojasā saha bhinddhi viśvā apa dviṣa iti brāhmaṇācchaṃsinaḥ
- 4
इन्द्राग्नी आ गतं सुतम् इन्द्रे अग्ना नमो बृहत्ता हुवे ययोर् इदम् इयं वाम् अस्य मन्मन इन्द्राग्नी युवाम् इमे यज्ञस्य हि स्थ ऋत्विजेत्य् अच्छावाकस्य
indrāgnī ā gataṃ sutam indre agnā namo bṛhattā huve yayor idam iyaṃ vām asya manmana indrāgnī yuvām ime yajñasya hi stha ṛtvijety acchāvākasya
- 5
तेषां यस्मिन्त्स्तुवीरन्स स्तोत्रियः
teṣāṃ yasmintstuvīransa stotriyaḥ
- 6
यस्मिञ्श्वः सो ऽनुरूपः
yasmiñśvaḥ so 'nurūpaḥ
- 7
एकस्तोत्रियेष्व् अहःसु यो ऽन्यो ऽनन्तरः सो ऽनुरूपो न चेत्सर्वो ऽहर्गणः षडहो वा
ekastotriyeṣv ahaḥsu yo 'nyo 'nantaraḥ so 'nurūpo na cetsarvo 'hargaṇaḥ ṣaḍaho vā
- 8
ऐकाहिकस्तथा सति
aikāhikastathā sati
- 9
अन्त्ये च
antye ca
- 10
ऊर्ध्वम् अनुरूपेभ्य ऋजुनीती नो वरुण इन्द्रं वो विश्वतस्परि यत्सोम आसुते नर इत्य् आरम्भणीयाः शस्त्वा स्वान्स्वान्परिशिष्टान् आवपेरंश्चतुर्विंशमहाव्रताभिजिद्विश्वजिद्विषुवत्सु
ūrdhvam anurūpebhya ṛjunītī no varuṇa indraṃ vo viśvataspari yatsoma āsute nara ity ārambhaṇīyāḥ śastvā svānsvānpariśiṣṭān āvaperaṃścaturviṃśamahāvratābhijidviśvajidviṣuvatsu
- 11
सर्वस्तोमेषु सर्वपृष्ठेषु च
sarvastomeṣu sarvapṛṣṭheṣu ca
- 12
ऊर्ध्वम् आवापात्प्रति वां सूर उदिते व्य् अन्तरिक्षम् अतिरत्श्यावाश्वस्य सुन्वत इति तृचाः पर्यासाः
ūrdhvam āvāpātprati vāṃ sūra udite vy antarikṣam atiratśyāvāśvasya sunvata iti tṛcāḥ paryāsāḥ
- 13
स त्व् एव मैत्रावरुणस्य षडहस्तोत्रिय उत्तमः सपर्यासः
sa tv eva maitrāvaruṇasya ṣaḍahastotriya uttamaḥ saparyāsaḥ
- 14
तद्दैवतम् अन्यं पूर्वस्य स्थाने कुर्वीत
taddaivatam anyaṃ pūrvasya sthāne kurvīta
- 15
अन्यत्रापि संनिपाते न तृचं सूक्तं वानन्तर्हितम् एकासने द्विः शंसेत्
anyatrāpi saṃnipāte na tṛcaṃ sūktaṃ vānantarhitam ekāsane dviḥ śaṃset
- 16
महावालभिदं चेत्शंसेद् ऊर्ध्वम् अनुरूपेभ्य आरम्भणीयाभ्यो वा नाभाकांस्तृचान् आवपेरन्गायत्रीकारम्
mahāvālabhidaṃ cetśaṃsed ūrdhvam anurūpebhya ārambhaṇīyābhyo vā nābhākāṃstṛcān āvaperangāyatrīkāram
- 17
स क्षपः परिष्वज इति मैत्रावरुणो यः ककुभो निधारय इति वा पूर्वीष्ट इन्द्रोपमातय इति ब्राह्मणाच्छंसी ता हि मध्यं भराणाम् इत्य् अच्छावाकः
sa kṣapaḥ pariṣvaja iti maitrāvaruṇo yaḥ kakubho nidhāraya iti vā pūrvīṣṭa indropamātaya iti brāhmaṇācchaṃsī tā hi madhyaṃ bharāṇām ity acchāvākaḥ

