27 shlokas
- 1
शय्यादेशे कामलिङ्गेन
śayyādeśe kāmaliṅgena
- 2
देहल्याम् अन्तरिक्षलिङ्गेन
dehalyām antarikṣaliṅgena
- 3
उत्तरेणापिधान्याम्
uttareṇāpidhānyām
- 4
उत्तरैर्ब्रह्मसदने
uttarairbrahmasadane
- 5
दक्षिणतः पितृलिङ्गेन प्राचीनावीत्यवाचीनपाणिः कुर्यात्
dakṣiṇataḥ pitṛliṅgena prācīnāvītyavācīnapāṇiḥ kuryāt
- 6
रौद्र उत्तरो यथा देवताभ्यः
raudra uttaro yathā devatābhyaḥ
- 7
तयोर्नाना परिषेचनं धर्मभेदात्
tayornānā pariṣecanaṃ dharmabhedāt
- 8
नक्तम् एवोत्तमेन वैहायसम्
naktam evottamena vaihāyasam
- 9
य एतान् अव्यग्रो यथोपदेशं कुरुते नित्यः स्वर्गः पुष्टिश्च
ya etān avyagro yathopadeśaṃ kurute nityaḥ svargaḥ puṣṭiśca
- 10
अग्रं च देयम्
agraṃ ca deyam
- 11
अतिथीन् एवाग्रे भोजयेत्
atithīn evāgre bhojayet
- 12
बालान्वृद्धान्रोगसंबन्धान्स्त्रीश्चान्तर्वत्नीः
bālānvṛddhānrogasaṃbandhānstrīścāntarvatnīḥ
- 13
काले स्वामिनाव् अन्नार्थिनं न प्रत्याचक्षीयाताम्
kāle svāmināv annārthinaṃ na pratyācakṣīyātām
- 14
अभावे भूमिर् उदकं तृणानि कल्याणी वाग् इति
एतानि वै सतो ऽगारे न क्षीयन्ते कदाचनेति
abhāve bhūmir udakaṃ tṛṇāni kalyāṇī vāg iti
etāni vai sato 'gāre na kṣīyante kadācaneti
- 15
एवंवृत्ताव् अनन्तलोकौ भवतः
evaṃvṛttāv anantalokau bhavataḥ
- 16
ब्राह्मणायानधीयानायासनम् उदकम् अन्नम् इति देयम्
न प्रत्युत्तिष्ठेत्
brāhmaṇāyānadhīyānāyāsanam udakam annam iti deyam
na pratyuttiṣṭhet
- 17
अभिवादनायैवोत्तिष्ठेद् अभिवाद्यश्चेत्
abhivādanāyaivottiṣṭhed abhivādyaścet
- 18
राजन्यवैश्यौ च
rājanyavaiśyau ca
- 19
शूद्रम् अभ्यागतं कर्मणि नियुञ्ज्यात्
अथास्मै दद्यात्
śūdram abhyāgataṃ karmaṇi niyuñjyāt
athāsmai dadyāt
- 20
दासा वा राजकुलाद् आहृत्यातिथिवच्छूद्रम्पूजयेयुः
dāsā vā rājakulād āhṛtyātithivacchūdrampūjayeyuḥ
- 21
नित्यम् उत्तरं वासः कार्यम्
nityam uttaraṃ vāsaḥ kāryam
- 22
अपि वा सूत्रम् एवोपवीतार्थे
api vā sūtram evopavītārthe
- 23
यत्र भुज्यते तत्समूह्य निर्हृत्यावोक्ष्य तं देशम् अमत्रेभ्यो लेपान्संकृष्याद्भिः संसृज्योत्तरतः शुचौ देशे रुद्राय निनयेत्
एवं वास्तु शिवं भवति
yatra bhujyate tatsamūhya nirhṛtyāvokṣya taṃ deśam amatrebhyo lepānsaṃkṛṣyādbhiḥ saṃsṛjyottarataḥ śucau deśe rudrāya ninayet
evaṃ vāstu śivaṃ bhavati
- 24
ब्राह्मण आचार्यः स्मर्यते तु
brāhmaṇa ācāryaḥ smaryate tu
- 25
आपदि ब्राह्मणेन राजन्ये वैश्ये वाध्ययनम्
āpadi brāhmaṇena rājanye vaiśye vādhyayanam
- 26
अनुगमनं च पश्चात्
anugamanaṃ ca paścāt
- 27
तत ऊर्ध्वं ब्राह्मण एवाग्रे गतौ स्यात्
tata ūrdhvaṃ brāhmaṇa evāgre gatau syāt

