18 shlokas
- 1
खट्वाङ्गम्दण्डार्थे कर्मनामधेयं प्रब्रुवाणश्चङ्क्रम्येत को भ्रूणघ्ने भिक्षाम् इति
ग्रामे प्राणवृत्तिं प्रतिलभ्य शून्यागारं वृक्षमूलं वाभ्युपाश्रयेन्न हि म आर्यैः संप्रयोगो विद्यते
एतेनैव विधिनोत्तमाद् उच्छ्वासाच्चरेत्
नास्यास्मिंल्लोके प्रत्यापत्तिर्विद्यते
कल्मषं तु निर्हण्यते
khaṭvāṅgamdaṇḍārthe karmanāmadheyaṃ prabruvāṇaścaṅkramyeta ko bhrūṇaghne bhikṣām iti
grāme prāṇavṛttiṃ pratilabhya śūnyāgāraṃ vṛkṣamūlaṃ vābhyupāśrayenna hi ma āryaiḥ saṃprayogo vidyate
etenaiva vidhinottamād ucchvāsāccaret
nāsyāsmiṃlloke pratyāpattirvidyate
kalmaṣaṃ tu nirhaṇyate
- 2
यः प्रमत्तो हन्ति प्राप्तम्दोषफलम्
yaḥ pramatto hanti prāptamdoṣaphalam
- 3
सह संकल्पेन भूयः
saha saṃkalpena bhūyaḥ
- 4
एवम् अन्येष्व् अपि दोषवत्सु कर्मसु
evam anyeṣv api doṣavatsu karmasu
- 5
तथा पुण्यक्रियासु
tathā puṇyakriyāsu
- 6
परीक्षार्थो ऽपि ब्राह्मण आयुधं नाददीत
parīkṣārtho 'pi brāhmaṇa āyudhaṃ nādadīta
- 7
यो हिंसार्थम् अभिक्रान्तं हन्ति मन्युर् एव मन्युं स्पृशति न तस्मिन्दोष इति पुराणे
yo hiṃsārtham abhikrāntaṃ hanti manyur eva manyuṃ spṛśati na tasmindoṣa iti purāṇe
- 8
अथाभिशस्ताः समवसाय चरेयुर्धार्म्यम् इति सांशित्येतरेतरयाजका इतरेतराध्यापका मिथो विवहमानाः
athābhiśastāḥ samavasāya careyurdhārmyam iti sāṃśityetaretarayājakā itaretarādhyāpakā mitho vivahamānāḥ
- 9
पुत्रान्संनिष्पाद्य ब्रूयुर्विप्रव्रजतास्मद् एवं ह्य् अस्मत्स्व् आर्याः सम्प्रत्यपत्स्यतेति
putrānsaṃniṣpādya brūyurvipravrajatāsmad evaṃ hy asmatsv āryāḥ sampratyapatsyateti
- 10
अथापि न सेन्द्रियः पतति
athāpi na sendriyaḥ patati
- 11
तद् एतेन वेदितव्यम्
अङ्गहीनो हि साङ्गं जनयति
tad etena veditavyam
aṅgahīno hi sāṅgaṃ janayati
- 12
मिथ्यैतद् इति हारीतः
mithyaitad iti hārītaḥ
- 13
दधिधानीसधर्मा स्त्री भवति
dadhidhānīsadharmā strī bhavati
- 14
यो हि दधिधान्याम् अप्रयतं पय आतच्य मन्थति न तेन धर्मकृत्यं क्रियते
एवम् अशुचि शुक्लं यन्निवर्तते न तेन सह संप्रयोगो विद्यते
yo hi dadhidhānyām aprayataṃ paya ātacya manthati na tena dharmakṛtyaṃ kriyate
evam aśuci śuklaṃ yannivartate na tena saha saṃprayogo vidyate
- 15
अभीचारानुव्याहाराव् अशुचिकराव् अपतनीयौ
abhīcārānuvyāhārāv aśucikarāv apatanīyau
- 16
पतनीयाव् इति हारीतः
patanīyāv iti hārītaḥ
- 17
पतनीयवृत्तिस्त्व् अशुचिकराणां द्वादश मासान्द्वादशार्धमासान्द्वादश द्वादशाहान्द्वादश सप्ताहान्द्वादश त्र्यहान्द्वादशाहं सप्ताहं त्र्यहम् एकाहम्
patanīyavṛttistv aśucikarāṇāṃ dvādaśa māsāndvādaśārdhamāsāndvādaśa dvādaśāhāndvādaśa saptāhāndvādaśa tryahāndvādaśāhaṃ saptāhaṃ tryaham ekāham
- 18
इत्य् अशुचिकरनिर्वेषो यथा कर्माभ्यासः
ity aśucikaranirveṣo yathā karmābhyāsaḥ

