6 shlokas
- 1
आत्मन्पश्यन्सर्वभूतानि न मुह्येच्चिन्तयन्कविः
आत्मानं चैव सर्वत्र यः पश्येत्स वै ब्रह्मा नाकपृष्ठे विराजति
ātmanpaśyansarvabhūtāni na muhyeccintayankaviḥ
ātmānaṃ caiva sarvatra yaḥ paśyetsa vai brahmā nākapṛṣṭhe virājati
- 2
निपुणो ऽणीयान्बिसोर्णाया यः सर्वम् आवृत्य तिष्ठति
वर्षीयांश्च पृथिव्या ध्रुवः सर्वम् आरभ्य तिष्ठति
स इन्द्रियैर्जगतो ऽस्य ज्ञानाद् अन्योन्यस्य ज्ञेयात्परमेष्ठी विभाजः
तस्मात्कायाः प्रभवन्ति सर्वे स मूलं शाश्वतिकः स नित्यः
nipuṇo 'ṇīyānbisorṇāyā yaḥ sarvam āvṛtya tiṣṭhati
varṣīyāṃśca pṛthivyā dhruvaḥ sarvam ārabhya tiṣṭhati
sa indriyairjagato 'sya jñānād anyonyasya jñeyātparameṣṭhī vibhājaḥ
tasmātkāyāḥ prabhavanti sarve sa mūlaṃ śāśvatikaḥ sa nityaḥ
- 3
दोषाणां तु विनिर्घातो योगमूल इह जीविते
निर्हृत्य भूतदाहीयान्क्षेमं गच्छति पण्डितः
doṣāṇāṃ tu vinirghāto yogamūla iha jīvite
nirhṛtya bhūtadāhīyānkṣemaṃ gacchati paṇḍitaḥ
- 4
अथ भूतदाहीयान्दोषान् उदाहरिष्यामः
atha bhūtadāhīyāndoṣān udāhariṣyāmaḥ
- 5
क्रोधो हर्षो रोषो लोभो मोहो दम्भो द्रोहो मृषोद्यम् अत्याशपरीवादावसूया काममन्यू अनात्म्यम् अयोगस्तेषां योगमूलो निर्घातः
krodho harṣo roṣo lobho moho dambho droho mṛṣodyam atyāśaparīvādāvasūyā kāmamanyū anātmyam ayogasteṣāṃ yogamūlo nirghātaḥ
- 6
अक्रोधो ऽहर्षो ऽरोषो ऽलोभो ऽमोहो ऽदम्भो ऽद्रोहः सत्यवचनम् अनत्याशो ऽपैशुनम् अनसूया संविभागस्त्याग आर्जवं मार्दवं शमो दमः सर्वभूतैर् अविरोधो योग आर्यम् आनृशंसं तुष्टिर् इति सर्वाश्रमाणां समयपदानि तान्य् अनुतिष्ठन्विधिना सार्वगामी भवति
akrodho 'harṣo 'roṣo 'lobho 'moho 'dambho 'drohaḥ satyavacanam anatyāśo 'paiśunam anasūyā saṃvibhāgastyāga ārjavaṃ mārdavaṃ śamo damaḥ sarvabhūtair avirodho yoga āryam ānṛśaṃsaṃ tuṣṭir iti sarvāśramāṇāṃ samayapadāni tāny anutiṣṭhanvidhinā sārvagāmī bhavati

