6 shlokas
- 1
तं देवाः प्राणयन्त स प्रणीतः प्रातायत प्रातायीती३ं तत्प्रातर् अभवत्समागाद् इती३ं तत्सायम् अभवद् अहर् एव प्राणो रात्रिर् अपानः
taṃ devāḥ prāṇayanta sa praṇītaḥ prātāyata prātāyītī3ṃ tatprātar abhavatsamāgād itī3ṃ tatsāyam abhavad ahar eva prāṇo rātrir apānaḥ
- 2
वाग् अग्निश्चक्षुर् असाव् आदित्यश्चन्द्रमा मनो दिशः श्रोत्रं स एष प्रहितां संयोगो ऽध्यात्मम् इमा देवता अद उ आविर् अधिदैवतम् इत्य् एतत्तद् उक्तं भवति
vāg agniścakṣur asāv ādityaścandramā mano diśaḥ śrotraṃ sa eṣa prahitāṃ saṃyogo 'dhyātmam imā devatā ada u āvir adhidaivatam ity etattad uktaṃ bhavati
- 3
एतद्ध स्म वै तद्विद्वान् आह हिरण्यदन्वैदो न तस्येशे यन्मह्यं न दद्युर् इति प्रहितां वा अहम् अध्यात्मं संयोगं निविष्टं वेदैतद्ध तत्
etaddha sma vai tadvidvān āha hiraṇyadanvaido na tasyeśe yanmahyaṃ na dadyur iti prahitāṃ vā aham adhyātmaṃ saṃyogaṃ niviṣṭaṃ vedaitaddha tat
- 4
अनीशानानि ह वा अस्मै भूतानि बलिं हरन्ति य एवं वेद
anīśānāni ha vā asmai bhūtāni baliṃ haranti ya evaṃ veda
- 5
तत्सत्यं सद् इति प्राणस्तीत्य् अन्नं यम् इत्य् असाव् आदित्यस्तद् एतत्त्रिवृत्त्रिवृद् इव वै चक्षुः शुक्लं कृष्णं कनीनिकेति
tatsatyaṃ sad iti prāṇastīty annaṃ yam ity asāv ādityastad etattrivṛttrivṛd iva vai cakṣuḥ śuklaṃ kṛṣṇaṃ kanīniketi
- 6
स यदि ह वा अपि मृषा वदति सत्यं हैवास्योदितं भवति य एवम् एतत्सत्यस्य सत्यत्वं वेद
sa yadi ha vā api mṛṣā vadati satyaṃ haivāsyoditaṃ bhavati ya evam etatsatyasya satyatvaṃ veda

