21 shlokas
- 1
ता नदेन विहरति
tā nadena viharati
- 2
प्राणो वै नदस्तस्मात्प्राणो नदन्सर्वः संनदतीव
prāṇo vai nadastasmātprāṇo nadansarvaḥ saṃnadatīva
- 3
नदं व ओदतीनाम् इती३ꣳ उष्णिग् अक्षरैर्भवत्य् अनुष्टुप्पादैर् आयुर्वा उष्णिग्वाग् अनुष्टुप्
nadaṃ va odatīnām itī3m̐ uṣṇig akṣarairbhavaty anuṣṭuppādair āyurvā uṣṇigvāg anuṣṭup
- 4
तद् अस्मिन्न् आयुश्च वाचं च दधाति
tad asminn āyuśca vācaṃ ca dadhāti
- 5
तास्त्रिः प्रथमया पञ्चविंशतिर्भवन्ति पञ्चविंश आत्मा पञ्चविंशः प्रजापतिर्दश हस्त्या अङ्गुलयो दश पाद्या द्वा ऊरू द्वौ बाहू आत्मैव पञ्चविंशस्तम् इमम् आत्मानं पञ्चविंशं संस्कुरुते
tāstriḥ prathamayā pañcaviṃśatirbhavanti pañcaviṃśa ātmā pañcaviṃśaḥ prajāpatirdaśa hastyā aṅgulayo daśa pādyā dvā ūrū dvau bāhū ātmaiva pañcaviṃśastam imam ātmānaṃ pañcaviṃśaṃ saṃskurute
- 6
अथो पञ्चविंशं वा एतद् अहः पञ्चविंश एतस्याह्न स्तोमस्तत्समेन समं प्रतिपद्यते तस्माद्द्वे एव पञ्चविंशतिर्भवन्ति
atho pañcaviṃśaṃ vā etad ahaḥ pañcaviṃśa etasyāhna stomastatsamena samaṃ pratipadyate tasmāddve eva pañcaviṃśatirbhavanti
- 7
इत्य् अध्यात्मं पञ्चविंशः
ity adhyātmaṃ pañcaviṃśaḥ
- 8
अथाधिदैवतम्
athādhidaivatam
- 9
चक्षुः श्रोत्रं मनो वाक्प्राणः ता एताः पञ्च देवता इमं विष्टाः पुरुषं पञ्चो हैवैता देवता अयं विष्टः पुरुषः
cakṣuḥ śrotraṃ mano vākprāṇaḥ tā etāḥ pañca devatā imaṃ viṣṭāḥ puruṣaṃ pañco haivaitā devatā ayaṃ viṣṭaḥ puruṣaḥ
- 10
सो ऽत्रा लोमभ्य आ नखेभ्यः सर्वः साङ्ग आप्यते तस्मात्सर्वाणि भूतान्य् आ पिपीलिकाभ्य आप्तान्य् एव जायन्ते
so 'trā lomabhya ā nakhebhyaḥ sarvaḥ sāṅga āpyate tasmātsarvāṇi bhūtāny ā pipīlikābhya āptāny eva jāyante
- 11
तद् उक्तम् ऋषिणा
tad uktam ṛṣiṇā
- 12
सहस्रधा पञ्चदशान्य् उक्थेति पञ्च हि दशतो भवन्ति यावद्द्यावापृथिवी तावद् इत्तद् इति यावती वै द्यावापृथिवी तावान् आत्मा
sahasradhā pañcadaśāny uktheti pañca hi daśato bhavanti yāvaddyāvāpṛthivī tāvad ittad iti yāvatī vai dyāvāpṛthivī tāvān ātmā
- 13
सहस्रधा महिमानः सहस्रम् इत्य् उक्थान्य् एव तद् अनुमदति महयति
sahasradhā mahimānaḥ sahasram ity ukthāny eva tad anumadati mahayati
- 14
यावद्ब्रह्म विष्ठितं तावती वाग् इति यत्र ह क्व च ब्रह्म तद्वाग्यत्र वा वाक्तद्वा ब्रह्मेत्य् एतत्तद् उक्तं भवति
yāvadbrahma viṣṭhitaṃ tāvatī vāg iti yatra ha kva ca brahma tadvāgyatra vā vāktadvā brahmety etattad uktaṃ bhavati
- 15
एषां वा एषां सूक्तानां नवर्चं प्रथमं नव वै प्राणाः प्राणानां क्ᄆप्त्यै
eṣāṃ vā eṣāṃ sūktānāṃ navarcaṃ prathamaṃ nava vai prāṇāḥ prāṇānāṃ kᄆptyai
- 16
षᄆऋचं भवति षड्वा ऋतव ऋतूनाम् आप्त्यै
ṣaᄆṛcaṃ bhavati ṣaḍvā ṛtava ṛtūnām āptyai
- 17
पञ्चर्चं भवति पञ्चपदा पङ्क्तिः पङ्क्तिर्वा अन्नम् अन्नाद्यस्यावरुद्ध्यै
pañcarcaṃ bhavati pañcapadā paṅktiḥ paṅktirvā annam annādyasyāvaruddhyai
- 18
तृचो भवति
tṛco bhavati
- 19
त्रयो वा इमे त्रिवृतो लोका एषाम् एव लोकानाम् अभिजित्यै
trayo vā ime trivṛto lokā eṣām eva lokānām abhijityai
- 20
ता अभिसंपद्यन्ते बृहतीं छन्दो ऽमृतं देवलोकम् एष आत्मा
tā abhisaṃpadyante bṛhatīṃ chando 'mṛtaṃ devalokam eṣa ātmā
- 21
एवम् उ हैवैवंविद् एतयैव संपदामृतम् एवात्मानम् अभिसंभवति सम्भवति
evam u haivaivaṃvid etayaiva saṃpadāmṛtam evātmānam abhisaṃbhavati sambhavati

