8 shlokas
- 1
तद् इद् आस भुवनेषु ज्येष्ठम् इति प्रतिपद्यते यद्वै ज्येष्ठं तन्महन्महद्वद्रूपसमृद्धम् एतस्याह्नो रूपम्तां सु ते कीर्तिं मघवन्महित्वेति महद्वद्रूपसमृद्धम् एतस्याह्नो रूपम्
tad id āsa bhuvaneṣu jyeṣṭham iti pratipadyate yadvai jyeṣṭhaṃ tanmahanmahadvadrūpasamṛddham etasyāhno rūpamtāṃ su te kīrtiṃ maghavanmahitveti mahadvadrūpasamṛddham etasyāhno rūpam
- 2
भूय इद्वावृधे वीर्यायेति वीर्यवद्रूपसमृद्धम् एतस्याह्नो रूपम्
bhūya idvāvṛdhe vīryāyeti vīryavadrūpasamṛddham etasyāhno rūpam
- 3
नृणाम् उ त्वा नृतमं गीर्भिर् उक्थैर् इत्य् उक्थं वा एतद् अहर् उक्थवद्रूपसमृद्धम् एतस्याह्नो रूपम्
nṛṇām u tvā nṛtamaṃ gīrbhir ukthair ity ukthaṃ vā etad ahar ukthavadrūpasamṛddham etasyāhno rūpam
- 4
न्यूनाक्षरे प्रथमे पदे विहरति न्यूने वै रेतः सिच्यते न्यूने प्राणा न्यूने ऽन्नाद्यं प्रतिष्ठितम् एतेषां कामानाम् अवरुद्ध्यै
nyūnākṣare prathame pade viharati nyūne vai retaḥ sicyate nyūne prāṇā nyūne 'nnādyaṃ pratiṣṭhitam eteṣāṃ kāmānām avaruddhyai
- 5
एतान्कामान् अवरुन्धे य एवं वेद
etānkāmān avarundhe ya evaṃ veda
- 6
द्वे दशाक्षरे भवत उभयोर् अन्नाद्ययोर् उपाप्त्यै यच्च पद्वद्यच्चापादकम् इति
dve daśākṣare bhavata ubhayor annādyayor upāptyai yacca padvadyaccāpādakam iti
- 7
अष्टादशाष्टादशाक्षराणि भवन्ति यानि दश नव प्राणा आत्मैव दशमः सात्मनः संस्कृतिर् अष्टावष्टा उद्यन्ते
aṣṭādaśāṣṭādaśākṣarāṇi bhavanti yāni daśa nava prāṇā ātmaiva daśamaḥ sātmanaḥ saṃskṛtir aṣṭāvaṣṭā udyante
- 8
अश्नुते यद्यत्कामयते य एवं वेद
aśnute yadyatkāmayate ya evaṃ veda

