8 shlokas
- 1
तद् इति प्रतिपद्यते तत्तद् इति वा अन्नम् अन्नम् एव तद् अभिप्रतिपद्यते
tad iti pratipadyate tattad iti vā annam annam eva tad abhipratipadyate
- 2
एतां वाव प्रजापतिः प्रथमां वाचं व्याहरद् एकाक्षरद्व्यक्षरां ततेति तातेति
etāṃ vāva prajāpatiḥ prathamāṃ vācaṃ vyāharad ekākṣaradvyakṣarāṃ tateti tāteti
- 3
तथैवैतत्कुमारः प्रथमवादी वाचं व्याहरत्य् एकाक्षरद्व्यक्षरां ततेति तातेति
tathaivaitatkumāraḥ prathamavādī vācaṃ vyāharaty ekākṣaradvyakṣarāṃ tateti tāteti
- 4
तयैव तत्ततवत्या वाचा प्रतिपद्यते
tayaiva tattatavatyā vācā pratipadyate
- 5
तद् उक्तम् ऋषिणा बृहस्पते प्रथमं वाचो अग्रम् इत्य् एतद्ध्येव प्रथमं वाचो अग्रम्
tad uktam ṛṣiṇā bṛhaspate prathamaṃ vāco agram ity etaddhyeva prathamaṃ vāco agram
- 6
यत्प्रैरत नामधेयं दधाना इति वाचा हि नामधेयानि धीयन्ते
yatprairata nāmadheyaṃ dadhānā iti vācā hi nāmadheyāni dhīyante
- 7
यद् एषां श्रेष्ठं यद् अरिप्रम् आसीद् इत्य् एतद्ध्येव श्रेष्ठम् एतद् अरिप्रम्
yad eṣāṃ śreṣṭhaṃ yad aripram āsīd ity etaddhyeva śreṣṭham etad aripram
- 8
प्रेणा तद् एषां निहितं गुहाविर् इतीदम् उ ह गुहाध्यात्मम् इमा देवता अद उ आविर् अधिदैवतम् इत्य् एतत्तद् उक्तं भवति
preṇā tad eṣāṃ nihitaṃ guhāvir itīdam u ha guhādhyātmam imā devatā ada u āvir adhidaivatam ity etattad uktaṃ bhavati

