14 shlokas
- 1
विराजि भूमिस्तोमे वनस्पतिसवे त्विष्यपचित्योर् इन्द्राग्न्योः स्तोम इन्द्राग्न्योः कुलाय इन्द्राय मद्वने सुतं यत्सोमम् इन्द्र विष्णवीति
virāji bhūmistome vanaspatisave tviṣyapacityor indrāgnyoḥ stoma indrāgnyoḥ kulāya indrāya madvane sutaṃ yatsomam indra viṣṇavīti
- 2
विराजे ऽग्नेः स्तोमे ऽग्नेः कुलाये ऽग्निं दूतं वृणीमहे अग्निम् ईलिष्वावस इति
virāje 'gneḥ stome 'gneḥ kulāye 'gniṃ dūtaṃ vṛṇīmahe agnim īliṣvāvasa iti
- 3
विनुत्त्यभिभूत्यो राशिमराययोः शदोपशदयोः सम्राट्स्वराजोर्यद् अद्य कच्च वृत्रहन् उभयं शृणवच्च न इति
vinuttyabhibhūtyo rāśimarāyayoḥ śadopaśadayoḥ samrāṭsvarājoryad adya kacca vṛtrahan ubhayaṃ śṛṇavacca na iti
- 4
राजसूयेषु यत्सोमम् इन्द्र विष्णवि अधा हीन्द्र गिर्वणो ऽभ्रातृव्यो अना त्वं त्वं न इन्द्रा भरेति च
चतुरहपञ्चाहाहीनदशाहच्छन्दोमदशाहेषु च
rājasūyeṣu yatsomam indra viṣṇavi adhā hīndra girvaṇo 'bhrātṛvyo anā tvaṃ tvaṃ na indrā bhareti ca
caturahapañcāhāhīnadaśāhacchandomadaśāheṣu ca
- 5
तीव्रसुच्चतुःपर्याययोः साहस्रान्त्ययोर्दशपेये विभ्रंशयज्ञे श्रायन्त इव सूर्यम् इति
tīvrasuccatuḥparyāyayoḥ sāhasrāntyayordaśapeye vibhraṃśayajñe śrāyanta iva sūryam iti
- 6
साद्यःक्रेषु श्येनवर्जम् अहम् इद्धि पितुष्परीति च
sādyaḥkreṣu śyenavarjam aham iddhi pituṣparīti ca
- 7
अतिरात्राणां सर्वस्तोमयोर्मा भूम निष्ट्या इव विधुं दद्राणं सलिलस्य पृष्ठ इति
atirātrāṇāṃ sarvastomayormā bhūma niṣṭyā iva vidhuṃ dadrāṇaṃ salilasya pṛṣṭha iti
- 8
त्रिवृत्पञ्चदशसप्तदशैकविंशत्रिणवत्रयस्त्रिंशनवसप्तदशेषूभयं शृणवच्च नो वयम् एनम् इदा ह्यः पिबा सोमम् इन्द्र मन्दतु त्वेति
trivṛtpañcadaśasaptadaśaikaviṃśatriṇavatrayastriṃśanavasaptadaśeṣūbhayaṃ śṛṇavacca no vayam enam idā hyaḥ pibā somam indra mandatu tveti
- 9
अभिजित्य् अभि प्र गोपतिं गिरेति च
abhijity abhi pra gopatiṃ gireti ca
- 10
अनतिरात्रे ऽभि त्वा वृषभा सुत इति
anatirātre 'bhi tvā vṛṣabhā suta iti
- 11
चतुर्विंश इन्द्रा याहि चित्रभानो मा चिद् अन्यद्वि शंसतेति
caturviṃśa indrā yāhi citrabhāno mā cid anyadvi śaṃsateti
- 12
विश्वजिति य एक इद्विदयत इति
viśvajiti ya eka idvidayata iti
- 13
विषुवतीन्द्र क्रतुं न आ भरेति
viṣuvatīndra kratuṃ na ā bhareti
- 14
स्वरसामाभिप्लवगवायुषि शेषेषु
पृष्ठस्यैकविंश इन्द्रो दधीचो अस्थभिर्विश्वाः पृतना अभिभूतरं नरम् एवा ह्यसि वीरयुर् इति
svarasāmābhiplavagavāyuṣi śeṣeṣu
pṛṣṭhasyaikaviṃśa indro dadhīco asthabhirviśvāḥ pṛtanā abhibhūtaraṃ naram evā hyasi vīrayur iti

