19 shlokas
- 1
अथ स्तोत्रियविकाराः
atha stotriyavikārāḥ
- 2
एकाहेषु तं ते मदं गृणीमसीति
ekāheṣu taṃ te madaṃ gṛṇīmasīti
- 3
बृहस्पतिसवे तद्वो गाय सुते सचा वयम् एनम् इदा ह्य इति
सवनयोर् उक्थमुखीयतृचपर्यासौ
माध्यन्दिने पर्यासाद्यतृचवर्जम्
bṛhaspatisave tadvo gāya sute sacā vayam enam idā hya iti
savanayor ukthamukhīyatṛcaparyāsau
mādhyandine paryāsādyatṛcavarjam
- 4
गोसवाभिषेचनीययोर्युञ्जन्ति ब्रध्नम् अरुषम् इति
gosavābhiṣecanīyayoryuñjanti bradhnam aruṣam iti
- 5
श्येनसंदंशाजिरवज्रेषु सुरूपकृत्नुम् ऊतय उत्त्वा मन्दन्तु स्तोमास्त्वाम् इद्धि हवामह इति
śyenasaṃdaṃśājiravajreṣu surūpakṛtnum ūtaya uttvā mandantu stomāstvām iddhi havāmaha iti
- 6
अपूर्वे ऽभि त्वा पूर्वपीतय इति
apūrve 'bhi tvā pūrvapītaya iti
- 7
व्रात्यस्तोमेषु आ त्व् एता नि षीदताधा हीन्द्र गिर्वण इति
vrātyastomeṣu ā tv etā ni ṣīdatādhā hīndra girvaṇa iti
- 8
अग्निष्टुत्स्व् ईलेन्यो नमस्यो ऽग्निं दूतं वृणीमहे ऽग्निम् ईलिष्वावसे ऽग्न आ याह्य् अग्निभिर् इति
agniṣṭutsv īlenyo namasyo 'gniṃ dūtaṃ vṛṇīmahe 'gnim īliṣvāvase 'gna ā yāhy agnibhir iti
- 9
तीव्रसुदुपशदोपहव्येष्व् अयम् उ ते सम् अतसीमा उ त्वा पुरूवसो इति
व्युष्टिद्व्यहे च
tīvrasudupaśadopahavyeṣv ayam u te sam atasīmā u tvā purūvaso iti
vyuṣṭidvyahe ca
- 10
गोसवविवधवैश्यस्तोमेष्व् इन्द्रं वो विश्वतस्परि आ नो विश्वासु हव्य इन्द्र इति
gosavavivadhavaiśyastomeṣv indraṃ vo viśvataspari ā no viśvāsu havya indra iti
- 11
प्रतीचीनस्तोमे त्वम् इन्द्र प्रतूर्तिष्व् इति
pratīcīnastome tvam indra pratūrtiṣv iti
- 12
राजि यो राजा चर्षणीनाम् इति
rāji yo rājā carṣaṇīnām iti
- 13
उद्भिद्बलभिदोर्यज्ञ इन्द्रम् अवर्धयद् इति
udbhidbalabhidoryajña indram avardhayad iti
- 14
इन्द्रस्तोम इन्द्र क्रतुं न आ भर तव त्यद् इन्द्रियं बृहद् इति
indrastoma indra kratuṃ na ā bhara tava tyad indriyaṃ bṛhad iti
- 15
विघने सम् अस्य मन्यवे विशस्तद् इद् आस भुवनेषु ज्येष्ठम् इति
vighane sam asya manyave viśastad id āsa bhuvaneṣu jyeṣṭham iti
- 16
सूर्यस्तुत्य् उद् उ त्यं जातवेदसं चित्रं देवानां केतुर् अनीकम् इति
sūryastuty ud u tyaṃ jātavedasaṃ citraṃ devānāṃ ketur anīkam iti
- 17
वज्रे पुनःस्तोमे त्वं न इन्द्रा भरेति
vajre punaḥstome tvaṃ na indrā bhareti
- 18
सर्वजित्य् ऋषभे मरुत्स्तोमे साहस्रान्त्ये तद्वो गाय सुते सचा वयम् एनम् इदा ह्य इति
sarvajity ṛṣabhe marutstome sāhasrāntye tadvo gāya sute sacā vayam enam idā hya iti
- 19
साहस्राद्ययोः स्वादोर् इत्था विषूवत इति
sāhasrādyayoḥ svādor itthā viṣūvata iti

