21 shlokas
- 1
प्रादुर्भूतेषु नक्षत्रेषु निष्क्रम्य जपन्ति युवं तम् इन्द्रापर्वता पुरोयोधा यो नः पृतन्याद् अप तं तम् इद्धतं वज्रेन तं तम् इद्धतम्
दूरे चत्ताय छन्त्सद्गहनं यद् इनक्षत्
अस्माकं शत्रून्परि शूर विश्वतो दर्मा दर्षीष्ट विश्वत इति
prādurbhūteṣu nakṣatreṣu niṣkramya japanti yuvaṃ tam indrāparvatā puroyodhā yo naḥ pṛtanyād apa taṃ tam iddhataṃ vajrena taṃ tam iddhatam
dūre cattāya chantsadgahanaṃ yad inakṣat
asmākaṃ śatrūnpari śūra viśvato darmā darṣīṣṭa viśvata iti
- 2
अध्वर्युपथेन गत्वा दक्षिणपश्चाद् अग्नेर् उपविश्य कामान्कामयित्वा यद् इहोनम् अकर्म यद् अत्यरीरिचाम प्रजापतिं तत्पितरम् अप्येत्व् इति
adhvaryupathena gatvā dakṣiṇapaścād agner upaviśya kāmānkāmayitvā yad ihonam akarma yad atyarīricāma prajāpatiṃ tatpitaram apyetv iti
- 3
तिष्ठन्तो वाचम् आह्वयन्ते वाग् ऐतु वाग् उपैतु वाग् उप मैतु वाग् इति
tiṣṭhanto vācam āhvayante vāg aitu vāg upaitu vāg upa maitu vāg iti
- 4
सुब्रह्मण्यां च
subrahmaṇyāṃ ca
- 5
अनधीयानः सुब्रह्मण्यो३म् इति त्रिः
anadhīyānaḥ subrahmaṇyo3m iti triḥ
- 6
महाव्रते सुरूपकृत्नुम् ऊतय इत्य् आज्यस्तोत्रियः
mahāvrate surūpakṛtnum ūtaya ity ājyastotriyaḥ
- 7
ईङ्खयन्तीर् अपस्युव इत्य् आवपते
अभिप्लवस्तोत्रियांश्च
īṅkhayantīr apasyuva ity āvapate
abhiplavastotriyāṃśca
- 8
माध्यन्दिने होत्रकाः कूर्चान्कृत्वोपविशन्ति
mādhyandine hotrakāḥ kūrcānkṛtvopaviśanti
- 9
कुम्भिनीर्मार्जालीयं परियान्तीर् अनुमन्त्रयते
गाव एव सुरभयो गावो गुग्गुलुगन्धयः
गावो घृतस्य मातरस्ता इह सन्तु भूयसीर् इदं मधु
न वै गावो मङ्गीरस्य गङ्गाया उदकं पपुः
पपुः सरस्वत्या नद्यास्ताः प्राच्यः संजिगाहिर इदं मधु
एता वयं प्लवामहे शम्याः प्रतरता इव
निकीर्य तुभ्यम् अभ्य आसं गीः कोश्वोष्यौर्यदा गिर इदं मधु
यदा राघटी वरदो व्याघ्रं मङ्गीरदास गौः
जनः स भद्रम् एधति राष्ट्रे राज्ञः परिक्षित इति
kumbhinīrmārjālīyaṃ pariyāntīr anumantrayate
gāva eva surabhayo gāvo guggulugandhayaḥ
gāvo ghṛtasya mātarastā iha santu bhūyasīr idaṃ madhu
na vai gāvo maṅgīrasya gaṅgāyā udakaṃ papuḥ
papuḥ sarasvatyā nadyāstāḥ prācyaḥ saṃjigāhira idaṃ madhu
etā vayaṃ plavāmahe śamyāḥ prataratā iva
nikīrya tubhyam abhya āsaṃ gīḥ kośvoṣyauryadā gira idaṃ madhu
yadā rāghaṭī varado vyāghraṃ maṅgīradāsa gauḥ
janaḥ sa bhadram edhati rāṣṭre rājñaḥ parikṣita iti
- 10
इदं मध्व् इदं मध्व् इति
idaṃ madhv idaṃ madhv iti
- 11
पत्नीशाले भूमिदुन्दुभिम् औष्ट्रेणापिनद्धं पुच्छेनाघ्नन्त्य् उच्चैर्घोषः उप श्वासयेति
patnīśāle bhūmidundubhim auṣṭreṇāpinaddhaṃ pucchenāghnanty uccairghoṣaḥ upa śvāsayeti
- 12
तीर्थदेशे राजानम् अन्यं वा मर्माणि त इति
tīrthadeśe rājānam anyaṃ vā marmāṇi ta iti
- 13
संनद्धम् इन्द्रो जयातीत्य् अनुमन्त्रयते
saṃnaddham indro jayātīty anumantrayate
- 14
संनद्धाय मधुपर्कम् आहारयति
तं स ब्राह्मणेन प्रतिग्राहयति
saṃnaddhāya madhuparkam āhārayati
taṃ sa brāhmaṇena pratigrāhayati
- 15
वनस्पते वीड्वङ्ग इत्य् अभिमन्त्रितं रथम् आरोहयति
vanaspate vīḍvaṅga ity abhimantritaṃ ratham ārohayati
- 16
उद्धर्षन्ताम् इत्य् आरूढम् अनुमन्त्रयते
uddharṣantām ity ārūḍham anumantrayate
- 17
अवसृष्टा परा पतेति चतुर्थीम् इषुम् अवसृष्टाम्
avasṛṣṭā parā pateti caturthīm iṣum avasṛṣṭām
- 18
स यदा ब्राह्मणधनं गृह्णाति तद्यजमानो निष्क्रीणाति
sa yadā brāhmaṇadhanaṃ gṛhṇāti tadyajamāno niṣkrīṇāti
- 19
त्रिकद्रुकेषु महिषः प्रो ष्व् अस्मै पुरोरथम् इति स्तोत्रियानुरूपौ
trikadrukeṣu mahiṣaḥ pro ṣv asmai puroratham iti stotriyānurūpau
- 20
तीव्रस्याभिवयसो अस्य पाहीति चतुर्विंशतिम् आवपते
tīvrasyābhivayaso asya pāhīti caturviṃśatim āvapate
- 21
अथ ज्योतिष्टोमेनाग्निष्टोमेनात्मनिष्क्रयणेन सहस्रदक्षिणेन पृष्ठशमनीयेन त्वरेत
atha jyotiṣṭomenāgniṣṭomenātmaniṣkrayaṇena sahasradakṣiṇena pṛṣṭhaśamanīyena tvareta

