29 shlokas
- 1
नवरात्रे ऽभिजिद्विषुवान्विश्वजिच्चतुर्विंशवद् उक्थवर्जम्
आभिप्लविकांस्तु सर्वान्
navarātre 'bhijidviṣuvānviśvajiccaturviṃśavad ukthavarjam
ābhiplavikāṃstu sarvān
- 2
अभि त्वा वृषभा सुत उद्धेद् अभि श्रुताम् अघम्युञ्जन्ति ब्रध्नम् अरुषं चरन्तम् इत्य् आज्यस्तोत्रियाः
abhi tvā vṛṣabhā suta uddhed abhi śrutām aghamyuñjanti bradhnam aruṣaṃ carantam ity ājyastotriyāḥ
- 3
स्वरसामसु आ याहि सुषुमा हि ते इन्द्रम् इद्गाथिनो बृहद् इन्द्रेण सं हि दृक्षस इति
svarasāmasu ā yāhi suṣumā hi te indram idgāthino bṛhad indreṇa saṃ hi dṛkṣasa iti
- 4
शेषम् अभिप्लवस्य द्वितीयादि त्र्यहवत्
पञ्चर्चस्त्व् आवापः
śeṣam abhiplavasya dvitīyādi tryahavat
pañcarcastv āvāpaḥ
- 5
विषुवति सौर्यपृष्ठे उद् उ त्यं जातवेदसम् इति षट्स्तोत्रियः
viṣuvati sauryapṛṣṭhe ud u tyaṃ jātavedasam iti ṣaṭstotriyaḥ
- 6
चित्रं देवानाम् उद् अगाद् अनीकम्तत्सूर्यस्य देवत्वं तन्महित्वम् इति पृष्ठस्तोत्रियानुरूपौ
बण्महाꣳ असि सूर्य श्रायन्त इव सूर्यम् इति वा
इन्द्र क्रतुं न आ भरेन्द्र ज्येष्ठं न आ भरेति वा
citraṃ devānām ud agād anīkamtatsūryasya devatvaṃ tanmahitvam iti pṛṣṭhastotriyānurūpau
baṇmahām̐ asi sūrya śrāyanta iva sūryam iti vā
indra kratuṃ na ā bharendra jyeṣṭhaṃ na ā bhareti vā
- 7
नित्यौ वोत्तरे पक्षे
अनुरूपात्तं वो दस्मम् ऋतीषहम् अभि प्र वः सुराधसम् इति नौधसश्यैतयोनी कामम्
nityau vottare pakṣe
anurūpāttaṃ vo dasmam ṛtīṣaham abhi pra vaḥ surādhasam iti naudhasaśyaitayonī kāmam
- 8
वैश्वानरस्य प्रतिमोपरि द्यौः चित्तश्चिकित्वान्महिषः सुपर्ण इति सूक्तशेषाव् आवपते
vaiśvānarasya pratimopari dyauḥ cittaścikitvānmahiṣaḥ suparṇa iti sūktaśeṣāv āvapate
- 9
विश्वजिति वैराजपृष्ठे यद्द्याव इन्द्र ते शतम्यद् इन्द्र यावतस्त्वम् इति पृष्ठस्तोत्रियानुरूपौ बार्हतौ
viśvajiti vairājapṛṣṭhe yaddyāva indra te śatamyad indra yāvatastvam iti pṛṣṭhastotriyānurūpau bārhatau
- 10
उक्ते योनी
इन्द्र क्रतुं न आ भरेति तृतीयाम्
ukte yonī
indra kratuṃ na ā bhareti tṛtīyām
- 11
इन्द्र त्रिधातु शरणम् इति सामप्रगाथः
indra tridhātu śaraṇam iti sāmapragāthaḥ
- 12
सुकीर्तिवृषाकपी यो जात एव प्रथमो मनस्वान् इति सामसूक्तम् अहीनसूक्तम् आवपते
sukīrtivṛṣākapī yo jāta eva prathamo manasvān iti sāmasūktam ahīnasūktam āvapate
- 13
दशरात्र उक्तः पृष्ठ्यः
daśarātra uktaḥ pṛṣṭhyaḥ
- 14
छन्दोमेषु इन्द्रा याहि चित्रभानो तम् इन्द्रं वाजयामसि महाꣳ इन्द्रो य ओजसेत्य् आज्यस्तोत्रियाः
chandomeṣu indrā yāhi citrabhāno tam indraṃ vājayāmasi mahām̐ indro ya ojasety ājyastotriyāḥ
- 15
सुरूपकृत्नुम् ऊतय इति द्वादशर्चः
स घा नो योग आ भुवद् इति द्वात्रिंशतम्
वीलु चिद् आरुजत्नुभिर् इति षट्त्रिंशतम् आवपते
surūpakṛtnum ūtaya iti dvādaśarcaḥ
sa ghā no yoga ā bhuvad iti dvātriṃśatam
vīlu cid ārujatnubhir iti ṣaṭtriṃśatam āvapate
- 16
वयं घ त्वा सुतावन्त इत्यादि बण्महाꣳ असि सूर्येत्यन्ताः पृष्ठस्तोत्रियानुरूपौ
vayaṃ gha tvā sutāvanta ityādi baṇmahām̐ asi sūryetyantāḥ pṛṣṭhastotriyānurūpau
- 17
उत्तरयोर् अष्टर्चम् आ सत्यो यातु मघवाꣳ ऋजीषीति चावपते
uttarayor aṣṭarcam ā satyo yātu maghavām̐ ṛjīṣīti cāvapate
- 18
अन्येषु महास्तोत्रेष्व् अष्टर्चम्
य एक इद्विदयते षड् उक्थस्तोत्रियानुरूपौ
anyeṣu mahāstotreṣv aṣṭarcam
ya eka idvidayate ṣaḍ ukthastotriyānurūpau
- 19
द्वितीये अध्वर्यवो ऽरुणं दुग्धम् अंशुम्यस्तस्तम्भ सहसा वि ज्मो अन्तान् अस्तेव सु प्रतरं लायम् अस्यन् इत्य् ऐकाहिकानि
dvitīye adhvaryavo 'ruṇaṃ dugdham aṃśumyastastambha sahasā vi jmo antān asteva su prataraṃ lāyam asyan ity aikāhikāni
- 20
तृतीये अध्वर्यवो ऽरुणम्यो अद्रिभित्प्रथमजा ऋतावा यात्व् इन्द्रः स्वपतिर्मदायेति
tṛtīye adhvaryavo 'ruṇamyo adribhitprathamajā ṛtāvā yātv indraḥ svapatirmadāyeti
- 21
यो अद्रिभिद् इमां धियं सप्तशीर्ष्णीं पिता न इत्य् उभयोर् एकैकं मध्यमस्यादाव् अन्ते वा
yo adribhid imāṃ dhiyaṃ saptaśīrṣṇīṃ pitā na ity ubhayor ekaikaṃ madhyamasyādāv ante vā
- 22
दशमं पृष्ठ्यचतुर्थवद् उक्थवर्जम्
daśamaṃ pṛṣṭhyacaturthavad ukthavarjam
- 23
उत्त्वा मन्दन्त्व् इत्य् आज्यस्तोत्रियः
uttvā mandantv ity ājyastotriyaḥ
- 24
उद् उ त्ये मधुमत्तमा उद् इन्न्व् अस्य रिच्यत इति पृष्ठस्तोत्रियानुरूपौ
ud u tye madhumattamā ud innv asya ricyata iti pṛṣṭhastotriyānurūpau
- 25
पत्नीसंयाजेभ्यो मानसस्तोत्राय कृतसंज्ञाः सदो ऽभिव्रजन्ति
patnīsaṃyājebhyo mānasastotrāya kṛtasaṃjñāḥ sado 'bhivrajanti
- 26
मनसा सर्वम् अभ्रेषे
manasā sarvam abhreṣe
- 27
होत्र आरोहो ऽसि मानसो मनसे त्वा मनो जिन्वेति प्रसौति
hotra āroho 'si mānaso manase tvā mano jinveti prasauti
- 28
आयं गौर् इति चानुमन्त्रयते
āyaṃ gaur iti cānumantrayate
- 29
धृतिर् असि स्वधृतिर् असीत्य् औदुम्बरीं मध्ये ऽन्वालभ्यासते
dhṛtir asi svadhṛtir asīty audumbarīṃ madhye 'nvālabhyāsate

