35 shlokas
- 1
षडहे ऽभिप्लववद् आज्यस्तोत्रियाः
प्रथमयोर् आवापः पृष्ठस्तोत्रियानुरूपौ च
ṣaḍahe 'bhiplavavad ājyastotriyāḥ
prathamayor āvāpaḥ pṛṣṭhastotriyānurūpau ca
- 2
तृतीये वाजेषु सासहिर्भवेति पञ्चर्चः
tṛtīye vājeṣu sāsahirbhaveti pañcarcaḥ
- 3
चतुर्थे पुरुष्टुतस्य धामभिर् इति नव
caturthe puruṣṭutasya dhāmabhir iti nava
- 4
पञ्चमे यद् इन्द्राहं यथा त्वम् इति पञ्चदश
pañcame yad indrāhaṃ yathā tvam iti pañcadaśa
- 5
षष्ठे अभि प्र गोपतिं गिरेत्य् एकविंशतिः
ṣaṣṭhe abhi pra gopatiṃ girety ekaviṃśatiḥ
- 6
तृतीयादीनां वयं घ त्वा सुतावन्त इति पृष्ठस्तोत्रियानुरूपाः
tṛtīyādīnāṃ vayaṃ gha tvā sutāvanta iti pṛṣṭhastotriyānurūpāḥ
- 7
चतुर्थे तुभ्येद् इमा सवना शूर विश्वेति षट्पुरस्तात्संपातात्
तिस्रो ऽर्धर्चशः
caturthe tubhyed imā savanā śūra viśveti ṣaṭpurastātsaṃpātāt
tisro 'rdharcaśaḥ
- 8
पञ्चमे यच्चिद्धि सत्य सोमपा इति पाङ्क्तं सप्तर्चम्
द्वौ द्वाव् अवसाय पञ्चमं संतनोति
त्रयं वावसाय द्वयम्
pañcame yacciddhi satya somapā iti pāṅktaṃ saptarcam
dvau dvāv avasāya pañcamaṃ saṃtanoti
trayaṃ vāvasāya dvayam
- 9
षष्ठे वि त्वा ततस्रे मिथुना अवस्यव इति सप्त
पदानाम् एकैकम् अवसाय द्वयं संतनोति
द्वयम् अवसाय द्वयम्
ṣaṣṭhe vi tvā tatasre mithunā avasyava iti sapta
padānām ekaikam avasāya dvayaṃ saṃtanoti
dvayam avasāya dvayam
- 10
वने न वा यो न्यधायि चाकन् इत्य् अष्टर्चं च
vane na vā yo nyadhāyi cākan ity aṣṭarcaṃ ca
- 11
मध्यमेष्व् अभिप्लववद् उक्थस्तोत्रियानुरूपाः
madhyameṣv abhiplavavad ukthastotriyānurūpāḥ
- 12
षष्ठे इमा नु कं भुवना सीषधाम हत्वाय देवा असुरान्यद् आयन् इति द्वैपदौ पच्छः
ṣaṣṭhe imā nu kaṃ bhuvanā sīṣadhāma hatvāya devā asurānyad āyan iti dvaipadau pacchaḥ
- 13
अपेन्द्र प्राचो मघवन्न् अमित्रान् इति सुकीर्तिम्
चतुर्थीम् अर्धर्चशः
apendra prāco maghavann amitrān iti sukīrtim
caturthīm ardharcaśaḥ
- 14
वि हि सोतोर् असृक्षतेति वृषाकपिम्
पदावग्राहम् अनवानं द्वितीयेष्व् अवस्यति
तृतीयेषु द्वितीयान्त्यस्वरयोस्तदाद्योश्च न्यूङ्खनिनर्दान्कृत्वा द्वयं संतनोति
vi hi sotor asṛkṣateti vṛṣākapim
padāvagrāham anavānaṃ dvitīyeṣv avasyati
tṛtīyeṣu dvitīyāntyasvarayostadādyośca nyūṅkhaninardānkṛtvā dvayaṃ saṃtanoti
- 15
न्यूङ्खप्रतिगरेषु प्रथमचतुर्थाष्टमद्वादशेषु प्लुतिः
निनर्देष्व् आद्यतृतीययोः
मध्यमः स्वरितः
nyūṅkhapratigareṣu prathamacaturthāṣṭamadvādaśeṣu plutiḥ
ninardeṣv ādyatṛtīyayoḥ
madhyamaḥ svaritaḥ
- 16
निदर्शनम्
nidarśanam
- 17
वि हि सोतोर् असृक्षत नेन्द्रं देवम् अमंसत
यत्रो३ ओ ओ ओ३ ओ ओ ओ ओ३ ओ ओ ओ ओ३ मदद्वृषाकपो३ ओ ओ३ अर्यः पुष्टेषु मत्सखा विश्वस्माद् इन्द्र उक्तरोम्
परा हीन्द्रेति
vi hi sotor asṛkṣata nendraṃ devam amaṃsata
yatro3 o o o3 o o o o3 o o o o3 madadvṛṣākapo3 o o3 aryaḥ puṣṭeṣu matsakhā viśvasmād indra uktarom
parā hīndreti
- 18
प्रतिगरे ओ३ ओ ओ ओ३ ओ ओ ओ ओ३ ओ ओ ओ ओ३
निनर्दस्य मदेथ मदैवो३ ओ ओ३ थामो दैवेति
pratigare o3 o o o3 o o o o3 o o o o3
ninardasya madetha madaivo3 o o3 thāmo daiveti
- 19
इदं जना उप श्रुतेति कुन्तापम् अर्धर्चशः
चतुर्दश पदावग्राहम्
idaṃ janā upa śruteti kuntāpam ardharcaśaḥ
caturdaśa padāvagrāham
- 20
एता अश्वा आ प्लवन्त इत्य् ऐतशप्रलापं पदावग्राहम्
तासाम् उत्तमेन पादेन प्रणौति
etā aśvā ā plavanta ity aitaśapralāpaṃ padāvagrāham
tāsām uttamena pādena praṇauti
- 21
विततौ किरणौ द्वाविति प्रवल्हिकाः
vitatau kiraṇau dvāviti pravalhikāḥ
- 22
इहेत्थ प्राग् अपाग् उदग् अधराग् इति प्रतिराधान्
न संतनोति
ihettha prāg apāg udag adharāg iti pratirādhān
na saṃtanoti
- 23
भुग् इत्य् अभिगत इत्य् आजिज्ञासेन्यास्तिस्रः
bhug ity abhigata ity ājijñāsenyāstisraḥ
- 24
प्रवल्हिकादिषु पञ्चदश प्रतिगराः
pravalhikādiṣu pañcadaśa pratigarāḥ
- 25
दुन्दुभिम् आहननाभ्यां जरितरोथामो दैव
कोशबिले रजनि ग्रन्थेर्दानम् उपानहि पादम्
उत्तमां जनिमां जन्याम् उत्तामां जनीन्वर्त्मन्यात्
अलाबूनि पृषातकान्य् अश्वत्थपलाशं पिप्पीलिकावटः श्वसः विद्युत्श्वा पर्णशदः गोशफो जरितर् इति
पूर्वासु पूर्वेषु
dundubhim āhananābhyāṃ jaritarothāmo daiva
kośabile rajani grantherdānam upānahi pādam
uttamāṃ janimāṃ janyām uttāmāṃ janīnvartmanyāt
alābūni pṛṣātakāny aśvatthapalāśaṃ pippīlikāvaṭaḥ śvasaḥ vidyutśvā parṇaśadaḥ gośapho jaritar iti
pūrvāsu pūrveṣu
- 26
वीमे देवा अक्रंसतेत्य् अतिवादम्
vīme devā akraṃsatety ativādam
- 27
पत्नी यद्दृश्यते जरितर् ओथामो दैव होता विष्टीमेन जरितरोथामो दैवेति प्रतिगरौ
patnī yaddṛśyate jaritar othāmo daiva hotā viṣṭīmena jaritarothāmo daiveti pratigarau
- 28
आदित्या ह जरितर् इति देवनीथम् ऐतशप्रलापवत्
ādityā ha jaritar iti devanītham aitaśapralāpavat
- 29
ॐ ह जरितस्तथा ह जरितर् इति प्रतिगरौ व्यत्यासम्
oṃ ha jaritastathā ha jaritar iti pratigarau vyatyāsam
- 30
त्वम् इन्द्र शर्म रिणा इति भूतेच्छदः
tvam indra śarma riṇā iti bhūtecchadaḥ

