8 shlokas
- 1
केशवाद्यैर्द्वादशनामभिर् अद्भिस्तर्पयेत्
keśavādyairdvādaśanāmabhir adbhistarpayet
- 2
अग्निं परिषिच्य सहस्रशीर्षाद्यैर्विष्णोर्नुकाद्यैर्द्वादशनामभिश्चाज्यं चरुं जुहुयात्
agniṃ pariṣicya sahasraśīrṣādyairviṣṇornukādyairdvādaśanāmabhiścājyaṃ caruṃ juhuyāt
- 3
गुडाज्यफलयुक्तं पायसं हविर्विष्णुगायत्र्या देवेशाय निवेद्य पाद्याचमनमुखवासं दद्यात्
guḍājyaphalayuktaṃ pāyasaṃ havirviṣṇugāyatryā deveśāya nivedya pādyācamanamukhavāsaṃ dadyāt
- 4
अग्नेर्दक्षिणे दर्भेषूत्तराग्रेषु दक्षिणाद्य् अर्चयित्वा नारायणाय सहस्रशीर्षाय सहस्राक्षाय सहस्रपादाय परमपुरुषाय परमात्मने परज्योतिषे परब्रह्मणे ऽव्यक्ताय सर्वकारणाय यज्ञेश्वराय यज्ञात्मने विश्वेभ्यो देवेभ्यः सर्वाभ्यो देवताभ्यः साध्येभ्य इत्येतैर्नम इत्यन्तैः पायसं बलिं दत्त्वाज्यम् एभिर्जुहोति
agnerdakṣiṇe darbheṣūttarāgreṣu dakṣiṇādy arcayitvā nārāyaṇāya sahasraśīrṣāya sahasrākṣāya sahasrapādāya paramapuruṣāya paramātmane parajyotiṣe parabrahmaṇe 'vyaktāya sarvakāraṇāya yajñeśvarāya yajñātmane viśvebhyo devebhyaḥ sarvābhyo devatābhyaḥ sādhyebhya ityetairnama ityantaiḥ pāyasaṃ baliṃ dattvājyam ebhirjuhoti
- 5
ब्राह्मणान्पादौ प्रक्षाल्य नवानि वस्त्रोत्तरीयाभरणानि दत्त्वा पुष्पाद्यैः पूजयित्वा द्वादशमूर्तिं ध्यायन्न् उपदंशघृतगुडदधिफलयुक्तं श्वेतम् अन्नं भोजयित्वा यथाशक्ति सुवर्णं दक्षिणां ददाति
brāhmaṇānpādau prakṣālya navāni vastrottarīyābharaṇāni dattvā puṣpādyaiḥ pūjayitvā dvādaśamūrtiṃ dhyāyann upadaṃśaghṛtaguḍadadhiphalayuktaṃ śvetam annaṃ bhojayitvā yathāśakti suvarṇaṃ dakṣiṇāṃ dadāti
- 6
सहस्रशीर्षाद्यैः स्तुत्वा द्वादशनामभिः प्रणमेत्
sahasraśīrṣādyaiḥ stutvā dvādaśanāmabhiḥ praṇamet
- 7
अन्तहोमं जुहोति
antahomaṃ juhoti
- 8
अभीष्टां परां गतिं स गत्वा विष्णोर्लोके महीयते
abhīṣṭāṃ parāṃ gatiṃ sa gatvā viṣṇorloke mahīyate

