5 shlokas
- 1
वातरशना ह वा ऋषयः श्रमणा ऊर्ध्वमन्थिनो बभूवुस्तान् ऋषयो ऽर्थम् आयंस्ते निलायम् अचरंस्ते ऽनुप्रविशुः कूश्माण्डानि तांस्तेष्व् अन्वाविन्दञ्छ्रद्धया च तपसा च
vātaraśanā ha vā ṛṣayaḥ śramaṇā ūrdhvamanthino babhūvustān ṛṣayo 'rtham āyaṃste nilāyam acaraṃste 'nupraviśuḥ kūśmāṇḍāni tāṃsteṣv anvāvindañchraddhayā ca tapasā ca
- 2
तान् ऋषयो ऽब्रुवन्कथा निलायं चरथेति त ऋषीन् अब्रुवन्नमो वो ऽस्तु भगवन्तो ऽस्मिन्धाम्नि केन वः सपर्यामेति तान् ऋषयो ऽब्रुवन्पवित्रं नो ब्रूत येनारेपसः स्यामेति त एतानि सूक्तान्य् अपश्यन्
tān ṛṣayo 'bruvankathā nilāyaṃ caratheti ta ṛṣīn abruvannamo vo 'stu bhagavanto 'smindhāmni kena vaḥ saparyāmeti tān ṛṣayo 'bruvanpavitraṃ no brūta yenārepasaḥ syāmeti ta etāni sūktāny apaśyan
- 3
यद्देवा देवहेडनं यद् अदीव्यन्न् ऋणम् अहं बभूवायुष्टे विश्वतो दधद् इत्य् एतैर् आज्यं जुहुत वैश्वानराय प्रतिवेदयाम इत्य् उपतिष्ठत यद् अर्वाचीनम् एनो भ्रूणहत्यायास्तस्मान्मोक्ष्यध्व इति
yaddevā devaheḍanaṃ yad adīvyann ṛṇam ahaṃ babhūvāyuṣṭe viśvato dadhad ity etair ājyaṃ juhuta vaiśvānarāya prativedayāma ity upatiṣṭhata yad arvācīnam eno bhrūṇahatyāyāstasmānmokṣyadhva iti
- 4
त एतैर् अजुहवुस्ते ऽरेपसो ऽभवन्
ta etair ajuhavuste 'repaso 'bhavan
- 5
कर्मादिष्व् एतैर्जुहुयात्पूतो देवलोकान्समश्नुते
karmādiṣv etairjuhuyātpūto devalokānsamaśnute

