7 shlokas
- 1
यद् अदीव्यन्नृणम् अहं बभूवादित्सन्वा संजगर जनेभ्यः
अग्निर्मा तस्माद् इन्द्रश्च संविदानौ प्रमुञ्चताम्
yad adīvyannṛṇam ahaṃ babhūvāditsanvā saṃjagara janebhyaḥ
agnirmā tasmād indraśca saṃvidānau pramuñcatām
- 2
यद्धस्ताभ्यां चकर किल्बिषाण्य् अक्षाणां वग्नुम् उपजिघ्नमानः
उग्रंपश्या च राष्ट्रभृच्च तान्य् अप्सरसाव् अनुदत्ताम् ऋणानि
yaddhastābhyāṃ cakara kilbiṣāṇy akṣāṇāṃ vagnum upajighnamānaḥ
ugraṃpaśyā ca rāṣṭrabhṛcca tāny apsarasāv anudattām ṛṇāni
- 3
उग्रंपश्ये राष्ट्रभृत्किल्बिषाणि यद् अक्षवृत्तम् अनुदत्तम् एतत्
नेन्न ऋणान् ऋणव इत्समानो यमस्य लोके अधिरज्जुर् आय
ugraṃpaśye rāṣṭrabhṛtkilbiṣāṇi yad akṣavṛttam anudattam etat
nenna ṛṇān ṛṇava itsamāno yamasya loke adhirajjur āya
- 4
अव ते हेळ उदुत्तमम् इमं मे वरुण तत्त्वा यामि त्वं नो अग्ने स त्वं नो अग्ने
ava te hel̤a uduttamam imaṃ me varuṇa tattvā yāmi tvaṃ no agne sa tvaṃ no agne
- 5
संकुसुको विकुसुको निरृथो यश्च निस्वनः
ते ये ऽस्मद्यक्ष्मम् अनागसो दूराद्दूरम् अचीचतम्
saṃkusuko vikusuko nirṛtho yaśca nisvanaḥ
te ye 'smadyakṣmam anāgaso dūrāddūram acīcatam
- 6
निर्यक्ष्मम् अचीचते कृत्यां निरृतिं च
तेन यो ऽस्मत्समृच्छातै तम् अस्मै प्रसुवामसि
दुःशंसानुशंसाभ्यां घणेनानुघणेन च
तेनान्यो ऽस्मत्समृच्छातै तम् अस्मै प्रसुवामसि
niryakṣmam acīcate kṛtyāṃ nirṛtiṃ ca
tena yo 'smatsamṛcchātai tam asmai prasuvāmasi
duḥśaṃsānuśaṃsābhyāṃ ghaṇenānughaṇena ca
tenānyo 'smatsamṛcchātai tam asmai prasuvāmasi
- 7
सं वर्चसा पयसा सं तनूभिर् अगन्महि मनसा सं शिवेन
त्वष्टा नो अत्र विदधातु रायो ऽनुमार्ष्टु तन्वो यद्विलिष्टम्
कृत्यां निरृतिं च पञ्च च
saṃ varcasā payasā saṃ tanūbhir aganmahi manasā saṃ śivena
tvaṣṭā no atra vidadhātu rāyo 'numārṣṭu tanvo yadviliṣṭam
kṛtyāṃ nirṛtiṃ ca pañca ca

