7 shlokas
- 1
तदाक्रम्य बलं मन्त्राः सर्वज्ञबलशालिनः
प्रवर्तन्तेऽधिकाराय करणानीव देहिनाम्
tadākramya balaṃ mantrāḥ sarvajñabalaśālinaḥ
pravartante'dhikārāya karaṇānīva dehinām
- 2
तत्रैव सम्प्रलीयन्ते शान्तरूपा निरञ्जनाः
सहाराधकचित्तेन तेनैते शिवधर्मिणः
tatraiva sampralīyante śāntarūpā nirañjanāḥ
sahārādhakacittena tenaite śivadharmiṇaḥ
- 3
यस्मात्सर्वमयो जीवः सर्वभावसमुद्भवात्
तत्संवेदनरूपेण तादात्म्यप्रतिपत्तितः
yasmātsarvamayo jīvaḥ sarvabhāvasamudbhavāt
tatsaṃvedanarūpeṇa tādātmyapratipattitaḥ
- 4
तस्माच्छब्दार्थचिन्तासु न सावस्था न या शिवः
भोक्तैव भोग्यभावेन सदा सर्वत्र संस्थितः
tasmācchabdārthacintāsu na sāvasthā na yā śivaḥ
bhoktaiva bhogyabhāvena sadā sarvatra saṃsthitaḥ
- 5
इति वा यस्य संवित्तिः क्रीडात्वेनाखिलं जगत्
स पश्यन्सततं युक्तो जीवन्मुक्तो न संशयः
iti vā yasya saṃvittiḥ krīḍātvenākhilaṃ jagat
sa paśyansatataṃ yukto jīvanmukto na saṃśayaḥ
- 6
अयमेवोदयस्तस्य ध्येयस्य ध्यायिचेतसि
तदात्मतासमापत्तिर् इच्छतः साधकस्य या
ayamevodayastasya dhyeyasya dhyāyicetasi
tadātmatāsamāpattir icchataḥ sādhakasya yā
- 7
यमेवामृतप्राप्तिर् अयम् एवात्मनो ग्रहः
इयं निर्वाणदीक्षा च शिवसद्भावदायिनी
yamevāmṛtaprāptir ayam evātmano grahaḥ
iyaṃ nirvāṇadīkṣā ca śivasadbhāvadāyinī

