5 shlokas
- 1
श्वेतकेतुर्हारुणेयः यक्ष्यमाण आस
तं ह पितोवाच कान् ऋत्विजो ऽवृथा इति
स होवाचायं न्व् एव मे वैश्वावसव्यो होतेति
तं ह पप्रच्छ वेत्थ ब्राह्मण वैश्वावसव्य
śvetaketurhāruṇeyaḥ yakṣyamāṇa āsa
taṃ ha pitovāca kān ṛtvijo 'vṛthā iti
sa hovācāyaṃ nv eva me vaiśvāvasavyo hoteti
taṃ ha papraccha vettha brāhmaṇa vaiśvāvasavya
- 2
चत्वारि महान्ती३ इति
वेद भो३ इति होवाच
वेत्थ चत्वारि महताम्महान्ती३ इति
वेद भो३ इति होवाच
वेत्थ चत्वारि व्रतानि३ इति
वेद भो३ इति होवाच
वेत्थ चत्वारि व्रतानां व्रतानी३ इति
वेद भो३ इति होवाच
वेत्थ चत्वारि क्यानी३ इति
वेद भो३ इति होवाच
वेत्थ चत्वारि क्यानां क्यानी३ इति
वेद भो३ इति होवाच
वेत्थ चतुरो ऽर्का३न् इति
वेद भो३ इति होवाच
वेत्थ चतुरो ऽर्काणाम् अर्का३न् इति
वेद भो३ इति होवाच
catvāri mahāntī3 iti
veda bho3 iti hovāca
vettha catvāri mahatāmmahāntī3 iti
veda bho3 iti hovāca
vettha catvāri vratāni3 iti
veda bho3 iti hovāca
vettha catvāri vratānāṃ vratānī3 iti
veda bho3 iti hovāca
vettha catvāri kyānī3 iti
veda bho3 iti hovāca
vettha catvāri kyānāṃ kyānī3 iti
veda bho3 iti hovāca
vettha caturo 'rkā3n iti
veda bho3 iti hovāca
vettha caturo 'rkāṇām arkā3n iti
veda bho3 iti hovāca
- 3
वेत्थार्कम् इति
अथ वै नो भवान्वक्ष्यतीति
वेत्थार्कपर्णे इति
अथ वै नो भवान्वक्ष्यतीति
वेत्थार्कपुष्पे इति
अथ वै नो भवान्वक्ष्यतीति
वेत्थार्ककोश्याव् इति
अथ वै नो भवान्वक्ष्यतीति
वेत्थार्कसमुद्गाव् इति
अथ वै नो भवान्वक्ष्यतीति
वेत्थार्कधाना इति
अथ वै नो भवान्वक्ष्यतीति
वेत्थार्काष्ठीलाम् इति
अथ वै नो भवान्वक्ष्यतीति
वेत्थार्कमूलम् इति
अथ वै नो भवान्वक्ष्यतीति
vetthārkam iti
atha vai no bhavānvakṣyatīti
vetthārkaparṇe iti
atha vai no bhavānvakṣyatīti
vetthārkapuṣpe iti
atha vai no bhavānvakṣyatīti
vetthārkakośyāv iti
atha vai no bhavānvakṣyatīti
vetthārkasamudgāv iti
atha vai no bhavānvakṣyatīti
vetthārkadhānā iti
atha vai no bhavānvakṣyatīti
vetthārkāṣṭhīlām iti
atha vai no bhavānvakṣyatīti
vetthārkamūlam iti
atha vai no bhavānvakṣyatīti
- 4
स ह वै यत्तद् उवाच वेत्थ चत्वारि महान्ति वेत्थ चत्वारि महतां महान्तीत्य् अग्निर्महांस्तस्य महतो महद् ओषधयश्च वनस्पतयश्च
तद्ध्य् अस्यान्नम्
वायुर्महान्
तस्य महतो महद् आपः
तद्ध्य् अस्यान्नम्
आदित्यो महान्
तस्य महतो महच्चन्द्रमाः
तद्ध्य् अस्यान्नम्
पुरुषो महान्
तस्य महतो महत्पशवः
तद्ध्य् अस्यान्नम्
एतान्य् एव चत्वारि महान्ति
एतानि चत्वारि महतां महान्ति
एतान्य् एव चत्वारि व्रतानि
एतानि चत्वारि व्रतानां व्रतानि
एतान्य् एव चत्वारि क्यानि
एतानि चत्वारि क्यानां क्यानि
एत एव चत्वारो ऽर्काः
एते चत्वारो ऽर्काणाम् अर्काः
sa ha vai yattad uvāca vettha catvāri mahānti vettha catvāri mahatāṃ mahāntīty agnirmahāṃstasya mahato mahad oṣadhayaśca vanaspatayaśca
taddhy asyānnam
vāyurmahān
tasya mahato mahad āpaḥ
taddhy asyānnam
ādityo mahān
tasya mahato mahaccandramāḥ
taddhy asyānnam
puruṣo mahān
tasya mahato mahatpaśavaḥ
taddhy asyānnam
etāny eva catvāri mahānti
etāni catvāri mahatāṃ mahānti
etāny eva catvāri vratāni
etāni catvāri vratānāṃ vratāni
etāny eva catvāri kyāni
etāni catvāri kyānāṃ kyāni
eta eva catvāro 'rkāḥ
ete catvāro 'rkāṇām arkāḥ
- 5
अथ ह वै यत्तद् उवाच वेत्थार्कम् इति पुरुषं हैव तद् उवाच
वेत्थार्कपर्णे इति कर्णौ हैव तद् उवाच
वेत्थार्कपुष्पे इत्य् अक्षिणी हैव तद् उवाच
वेत्थार्ककोश्याव् इति नासिके हैव तद् उवाच
वेत्थार्कसमुद्गाव् इत्य् ओष्ठौ हैव तद् उवाच
वेत्थार्कधाना इति दन्तान्हैव तद् उवाच
वेत्थार्काष्ठीलाम् इति जिह्वां हैव तद् उवाच
वेत्थार्कमूलम् इत्य् अन्नं हैव तद् उवाच
स एषो ऽग्निर् अर्को यत्पुरुषः
स यो हैतम् एवम् अग्निम् अर्कम्पुरुषम् उपास्ते ऽयम् अहम् अग्निर् अर्को ऽस्मीति विद्यया हैवास्यैष आत्मन्न् अग्निर् अर्कश्चितो भवति
atha ha vai yattad uvāca vetthārkam iti puruṣaṃ haiva tad uvāca
vetthārkaparṇe iti karṇau haiva tad uvāca
vetthārkapuṣpe ity akṣiṇī haiva tad uvāca
vetthārkakośyāv iti nāsike haiva tad uvāca
vetthārkasamudgāv ity oṣṭhau haiva tad uvāca
vetthārkadhānā iti dantānhaiva tad uvāca
vetthārkāṣṭhīlām iti jihvāṃ haiva tad uvāca
vetthārkamūlam ity annaṃ haiva tad uvāca
sa eṣo 'gnir arko yatpuruṣaḥ
sa yo haitam evam agnim arkampuruṣam upāste 'yam aham agnir arko 'smīti vidyayā haivāsyaiṣa ātmann agnir arkaścito bhavati

