13 shlokas
- 1
तद् आहुः किं छन्दः का देवताग्नेः शिर इति
गायत्री छन्दो ऽग्निर्देवता शिरः
tad āhuḥ kiṃ chandaḥ kā devatāgneḥ śira iti
gāyatrī chando 'gnirdevatā śiraḥ
- 2
किं छन्दः का देवता ग्रीवा इति
उष्णिक्छन्दः सविता देवता ग्रीवाः
kiṃ chandaḥ kā devatā grīvā iti
uṣṇikchandaḥ savitā devatā grīvāḥ
- 3
किं छन्दः का देवतानूकम् इति
बृहती छन्दो बृहस्पतिर्देवतानूकम्
kiṃ chandaḥ kā devatānūkam iti
bṛhatī chando bṛhaspatirdevatānūkam
- 4
किं छन्दः का देवता पक्षाव् इति
बृहद्रथन्तरे छन्दो द्यावापृथिवी देवते पक्षौ
kiṃ chandaḥ kā devatā pakṣāv iti
bṛhadrathantare chando dyāvāpṛthivī devate pakṣau
- 5
किं छन्दः का देवता मध्यम् इति
त्रिष्टुप्छन्द इन्द्रो देवता मध्यम्
kiṃ chandaḥ kā devatā madhyam iti
triṣṭupchanda indro devatā madhyam
- 6
किं छन्दः का देवता श्रोणी इति
जगती छन्द आदित्यो देवता श्रोणी
kiṃ chandaḥ kā devatā śroṇī iti
jagatī chanda ādityo devatā śroṇī
- 7
किं छन्दः का देवता यस्माद् इदम्प्राणाद्रेतः सिच्यत इति
अतिछन्दाश्छन्दः प्रजापतिर्देवता
kiṃ chandaḥ kā devatā yasmād idamprāṇādretaḥ sicyata iti
atichandāśchandaḥ prajāpatirdevatā
- 8
किं छन्दः का देवता यो ऽयम् अवाङ्प्राण इति
यज्ञायज्ञियं छन्दो वैश्वानरो देवता
kiṃ chandaḥ kā devatā yo 'yam avāṅprāṇa iti
yajñāyajñiyaṃ chando vaiśvānaro devatā
- 9
किं छन्दः का देवतोरू इति
अनुष्टुप्छन्दो विश्वे देवा देवतोरू
kiṃ chandaḥ kā devatorū iti
anuṣṭupchando viśve devā devatorū
- 10
किं छन्दः का देवताष्ठीवन्ताव् इति
पङ्क्तिश्छन्दो मरुतो देवताष्ठीवन्तौ
kiṃ chandaḥ kā devatāṣṭhīvantāv iti
paṅktiśchando maruto devatāṣṭhīvantau
- 11
किं छन्दः का देवता प्रतिष्ठे इति
द्विपदा छन्दो विष्णुर्देवता प्रतिष्ठे
kiṃ chandaḥ kā devatā pratiṣṭhe iti
dvipadā chando viṣṇurdevatā pratiṣṭhe
- 12
किं छन्दः का देवता प्राणा इति
विछन्दाश्छन्दो वायुर्देवता प्राणाः
kiṃ chandaḥ kā devatā prāṇā iti
vichandāśchando vāyurdevatā prāṇāḥ
- 13
किं छन्दः का देवतोनातिरिक्तानीति
न्यूनाक्षरा छन्द आपो देवतोनातिरिक्तानि
सैषात्मविद्यैव
एतन्मयो हैवैता देवता एतम् आत्मानम् अभिसंभवति
न हात्रान्या लोक्यताया आशीर् अस्ति
kiṃ chandaḥ kā devatonātiriktānīti
nyūnākṣarā chanda āpo devatonātiriktāni
saiṣātmavidyaiva
etanmayo haivaitā devatā etam ātmānam abhisaṃbhavati
na hātrānyā lokyatāyā āśīr asti

