14 shlokas
- 1
प्राणं मे पाहि प्राणं मे जिन्व स्वाहा त्वा सुभव सूर्यायेत्य् उपांशुं हूयमानम् अनुप्राणिति
prāṇaṃ me pāhi prāṇaṃ me jinva svāhā tvā subhava sūryāyety upāṃśuṃ hūyamānam anuprāṇiti
- 2
अपानं मे पाह्य् अपानं मे जिन्व स्वाहा त्वा सुभव सूर्यायेत्य् अन्तर्यामम् अन्ववानिति
apānaṃ me pāhy apānaṃ me jinva svāhā tvā subhava sūryāyety antaryāmam anvavāniti
- 3
उत्तरेणाहवनीयं बहिष्पवमानेन स्तुवते
uttareṇāhavanīyaṃ bahiṣpavamānena stuvate
- 4
दक्षिणतो ब्रह्मा मैत्रावरुणश्चोपविश्य
dakṣiṇato brahmā maitrāvaruṇaścopaviśya
- 5
ब्रह्मन्स्तोष्यामः प्रशास्तर् इत्य् उक्तौ
brahmanstoṣyāmaḥ praśāstar ity uktau
- 6
आयुष्मत्य ऋचो मा गात तनूपाः साम्नः स्तुत देवस्य सवितुः प्रसव इति जपित्वा
āyuṣmatya ṛco mā gāta tanūpāḥ sāmnaḥ stuta devasya savituḥ prasava iti japitvā
- 7
ॐ स्तुतेति
oṃ stuteti
- 8
प्रसवः सर्वेषां स्तोत्राणाम्
prasavaḥ sarveṣāṃ stotrāṇām
- 9
असतो मा सद्गमय तमसो मा ज्योतिर्गमयान्तान्मानन्तं गमय मृत्योर्मामृतं गमयेति यजमानः पवमानान् उपसरिष्यन्
asato mā sadgamaya tamaso mā jyotirgamayāntānmānantaṃ gamaya mṛtyormāmṛtaṃ gamayeti yajamānaḥ pavamānān upasariṣyan
- 10
श्येनो ऽसि पत्वा गायत्रच्छन्दा अनु त्वारभे स्वस्ति मा संपारयास्य यज्ञस्योदृचम् इति स्तुते बहिष्पवमाने
śyeno 'si patvā gāyatracchandā anu tvārabhe svasti mā saṃpārayāsya yajñasyodṛcam iti stute bahiṣpavamāne
- 11
सुपर्णो ऽसि पत्वा त्रिष्टुप्छन्दा इति माध्यन्दिने
suparṇo 'si patvā triṣṭupchandā iti mādhyandine
- 12
सखासि पत्वा जगच्छन्दा इत्य् आर्भवे
sakhāsi patvā jagacchandā ity ārbhave
- 13
समान उदर्कः
samāna udarkaḥ
- 14
उपहूता देवा अस्य सोमस्य पवमानस्य विचक्षणस्य भक्ष उप मां देवा ह्वयन्ताम् अस्य सोमस्य पवमानस्य विचक्षणस्य भक्षे मनसा त्वा भक्षयामि वाचा त्वा भक्षयामि प्राणेन त्वा भक्षयामि चक्षुषा त्वा भक्षयामि श्रोत्रेण त्वा भक्षयामीति स्तुते बहिष्पवमाने होता
upahūtā devā asya somasya pavamānasya vicakṣaṇasya bhakṣa upa māṃ devā hvayantām asya somasya pavamānasya vicakṣaṇasya bhakṣe manasā tvā bhakṣayāmi vācā tvā bhakṣayāmi prāṇena tvā bhakṣayāmi cakṣuṣā tvā bhakṣayāmi śrotreṇa tvā bhakṣayāmīti stute bahiṣpavamāne hotā

