13 shlokas
- 1
अग्नयः सगराः सगराः स्थ सगरेण नाम्ना रौद्रेणानीकेन पात माग्नयः पिपृत मा नमो वो ऽस्तु मा मा हिंसिष्टेति सर्वान्
agnayaḥ sagarāḥ sagarāḥ stha sagareṇa nāmnā raudreṇānīkena pāta māgnayaḥ pipṛta mā namo vo 'stu mā mā hiṃsiṣṭeti sarvān
- 2
अध्वनो अधिपतिर् असि स्वस्ति नो ऽद्यास्मान्देवयाने पथि स्ताद् इत्य् आदित्यम् उपस्थाय मैत्रावरुणप्रभृतय उदञ्चो ऽच्छावाकं परिहाप्य पूर्वया द्वारा सदः प्रसर्पन्ति
adhvano adhipatir asi svasti no 'dyāsmāndevayāne pathi stād ity ādityam upasthāya maitrāvaruṇaprabhṛtaya udañco 'cchāvākaṃ parihāpya pūrvayā dvārā sadaḥ prasarpanti
- 3
विश्वे देवा अनु मा प्रसर्पतेन्द्र त्रिधातु शरणं यत इन्द्र भयामहे सदसस्पतिम् अद्भुतम् इति जपन्तो ऽग्रेणोत्तरेण सर्वान्धिष्ण्यान्गच्छन्ति
viśve devā anu mā prasarpatendra tridhātu śaraṇaṃ yata indra bhayāmahe sadasaspatim adbhutam iti japanto 'greṇottareṇa sarvāndhiṣṇyāngacchanti
- 4
दक्षिणधिष्ण्यो दक्षिणधिष्ण्यः पूर्वो गत्वा स्वस्य स्वस्य धिष्ण्यस्य पश्चाद् उपविशति
dakṣiṇadhiṣṇyo dakṣiṇadhiṣṇyaḥ pūrvo gatvā svasya svasya dhiṣṇyasya paścād upaviśati
- 5
उत्तरेण सदो गत्वा ब्रह्मापरया द्वारा सदः प्रपद्य दक्षिणेन मैत्रावरुणं गत्वा यथासनम् आस्ते
uttareṇa sado gatvā brahmāparayā dvārā sadaḥ prapadya dakṣiṇena maitrāvaruṇaṃ gatvā yathāsanam āste
- 6
नासंस्थिते सवने ऽपरया द्वारा निःसर्पन्ति
nāsaṃsthite savane 'parayā dvārā niḥsarpanti
- 7
अन्तरेण होतुर्मैत्रावरुणस्य च धिष्ण्याव् अधिष्ण्यानां विसंस्थितसंचरः
antareṇa hoturmaitrāvaruṇasya ca dhiṣṇyāv adhiṣṇyānāṃ visaṃsthitasaṃcaraḥ
- 8
उत्तरेण स्वं स्वं धिष्ण्यं धिष्ण्यवताम्
uttareṇa svaṃ svaṃ dhiṣṇyaṃ dhiṣṇyavatām
- 9
पश्चार्धेनाग्नीध्रीयस्योदञ्चः
paścārdhenāgnīdhrīyasyodañcaḥ
- 10
मार्जालीयस्य वा दक्षिणा
mārjālīyasya vā dakṣiṇā
- 11
अव्यावर्तमानाश्च प्रत्यायन्ति
avyāvartamānāśca pratyāyanti
- 12
ऊर्ध्वं प्रातःसवनात्समस्तोपस्थानप्रभृतिना प्रसर्पन्ति
ūrdhvaṃ prātaḥsavanātsamastopasthānaprabhṛtinā prasarpanti
- 13
आदित्योपस्थानं रात्रिपर्यायेष्व् आश्विने च न विद्यते न विद्यते
ādityopasthānaṃ rātriparyāyeṣv āśvine ca na vidyate na vidyate

