10 shlokas
- 1
अप इष्य होतर् इत्य् उक्तः प्र देवत्रेति द्वादशीं परिहाप्य
apa iṣya hotar ity uktaḥ pra devatreti dvādaśīṃ parihāpya
- 2
नवानूच्यैकादशीम् आहुताव् अप्सु हूयमानायाम्
navānūcyaikādaśīm āhutāv apsu hūyamānāyām
- 3
आवृत्तासु दशमीम्
āvṛttāsu daśamīm
- 4
प्रति यद् आप इति दृश्यमानासु
prati yad āpa iti dṛśyamānāsu
- 5
सम् अन्या इति समायतीषु
sam anyā iti samāyatīṣu
- 6
आपो न देवीर् इति होतृचमसे ऽवनीयमानासु
āpo na devīr iti hotṛcamase 'vanīyamānāsu
- 7
आ धेनव इत्य् आयतीषु सर्वाम् उक्त्वा प्रणवेनावस्यति
ā dhenava ity āyatīṣu sarvām uktvā praṇavenāvasyati
- 8
अध्वर्यव् ऐषीर् अपा३ इत्य् अध्वर्युं पृच्छति
adhvaryav aiṣīr apā3 ity adhvaryuṃ pṛcchati
- 9
उतेव नम्नमुर् इति प्रत्याह
uteva namnamur iti pratyāha
- 10
प्रत्युक्तो निगदं तास्व् अध्वर्यव् आधावेन्द्राय सोमम् ऊर्जस्वन्तं पयस्वन्तं मधुमन्तं वृष्टिवनिं वसुमते रुद्रवत आदित्यवत ऋभुमते विभुमते वाजवते बृहस्पतिमते विश्वदेव्यावते
यस्य पीत्वा मद इन्द्रो वृत्राणि जङ्घनत्
प्र स जन्यानि तारिषः
अम्बय इत्य् अध्यर्धाम् अनूच्य
उपोत्थायाध्वर्युम् अन्वावृत्योत्तराम् अध्यर्धाम् अनूच्य
उपोत्तमां च सूक्तस्य
उत्तमया परिधाय
पर्यावृत्योपविशति
pratyukto nigadaṃ tāsv adhvaryav ādhāvendrāya somam ūrjasvantaṃ payasvantaṃ madhumantaṃ vṛṣṭivaniṃ vasumate rudravata ādityavata ṛbhumate vibhumate vājavate bṛhaspatimate viśvadevyāvate
yasya pītvā mada indro vṛtrāṇi jaṅghanat
pra sa janyāni tāriṣaḥ
ambaya ity adhyardhām anūcya
upotthāyādhvaryum anvāvṛtyottarām adhyardhām anūcya
upottamāṃ ca sūktasya
uttamayā paridhāya
paryāvṛtyopaviśati

