19 shlokas
- 1
मासं दीक्षाः कौण्डपायिनाम् अयनम्
māsaṃ dīkṣāḥ kauṇḍapāyinām ayanam
- 2
क्रीत्वा राजानम् उपनह्योपसद उपेत्याग्निहोत्रेण मासम्
krītvā rājānam upanahyopasada upetyāgnihotreṇa māsam
- 3
दर्शपूर्णमासाभ्यां मासम्
darśapūrṇamāsābhyāṃ māsam
- 4
चातुर्मास्यपर्वणाम् एकैकेन मासम्
cāturmāsyaparvaṇām ekaikena māsam
- 5
त्रिवृत्प्रभृतीनां पञ्चानां पृष्ठ्यस्तोमानाम् एकैकेन मासम्
trivṛtprabhṛtīnāṃ pañcānāṃ pṛṣṭhyastomānām ekaikena māsam
- 6
अष्टादशाहं त्रयस्त्रिंशेन दशरात्रं महाव्रतम् अतिरात्रं चेति
aṣṭādaśāhaṃ trayastriṃśena daśarātraṃ mahāvratam atirātraṃ ceti
- 7
यो होता सो ऽध्वर्युः स पोता
yo hotā so 'dhvaryuḥ sa potā
- 8
यो मैत्रावरुणः स ब्रह्मा स प्रतिहर्ता
yo maitrāvaruṇaḥ sa brahmā sa pratihartā
- 9
य उद्गाता सो ऽच्छावाकः स नेष्टा
ya udgātā so 'cchāvākaḥ sa neṣṭā
- 10
यः प्रस्तोता स ब्राह्मणाच्छंसी स ग्रावस्तुत्
yaḥ prastotā sa brāhmaṇācchaṃsī sa grāvastut
- 11
यः प्रतिप्रस्थाता सो ऽग्नीत्स उन्नेता
yaḥ pratiprasthātā so 'gnītsa unnetā
- 12
सुब्रह्मण्यः सुब्रह्मण्यः
subrahmaṇyaḥ subrahmaṇyaḥ
- 13
गृहपतिर्गृहपतिः
gṛhapatirgṛhapatiḥ
- 14
देशकालसंनिकर्षे ऽवैदेश्याप्रधानस्य वशं नयेत्
deśakālasaṃnikarṣe 'vaideśyāpradhānasya vaśaṃ nayet
- 15
यथादेशम् इतराणि
yathādeśam itarāṇi
- 16
एकाहः संघातम् आपद्यमानो लभेत तायमानरूपाणि
ekāhaḥ saṃghātam āpadyamāno labheta tāyamānarūpāṇi
- 17
सांघातिकाद् एकाहीभवतो निवर्तेरन्
sāṃghātikād ekāhībhavato nivarteran
- 18
अयंयज्ञीयातिप्रैषः सपुरोनुवाक्यः श्वःस्तोत्रिया होत्रकाणां कद्वन्त उक्थमुखीयाश्चाभितष्टीयम् इति तायमानरूपाणि
ayaṃyajñīyātipraiṣaḥ sapuronuvākyaḥ śvaḥstotriyā hotrakāṇāṃ kadvanta ukthamukhīyāścābhitaṣṭīyam iti tāyamānarūpāṇi
- 19
गवाम् एवायनस्याहर्योगः
gavām evāyanasyāharyogaḥ

