14 shlokas
- 1
अग्निर्वृत्राणि त्वं सोमासि सत्पतिर् इत्य् आज्यभागौ वार्त्रघ्नौ पौर्णमास्याम्
agnirvṛtrāṇi tvaṃ somāsi satpatir ity ājyabhāgau vārtraghnau paurṇamāsyām
- 2
अग्निः प्रत्नेन सोमगीर्भिर् इत्य् अमावास्यायां वृधन्वन्तौ
agniḥ pratnena somagīrbhir ity amāvāsyāyāṃ vṛdhanvantau
- 3
जुषाणो अग्निर् आज्यस्य हविषो वेतु जुषाणः सोम आज्यस्य हविषो वेत्व् इति याज्ये
juṣāṇo agnir ājyasya haviṣo vetu juṣāṇaḥ soma ājyasya haviṣo vetv iti yājye
- 4
अग्निर्मूर्धेत्य् आग्नेयस्य पुरोनुवाक्या
agnirmūrdhety āgneyasya puronuvākyā
- 5
भुवो यज्ञस्येति याज्या
bhuvo yajñasyeti yājyā
- 6
अग्नीषोमाव् इमम् इत्य् उपांशुयाजस्य पुरोनुवाक्या
agnīṣomāv imam ity upāṃśuyājasya puronuvākyā
- 7
जुषाणाव् अग्नीषोमाव् आज्यस्य हविषो वीताम् इति याज्या
juṣāṇāv agnīṣomāv ājyasya haviṣo vītām iti yājyā
- 8
इदम्विष्णुर्वषट्ते विष्णव् इति वैष्णवस्य
idamviṣṇurvaṣaṭte viṣṇav iti vaiṣṇavasya
- 9
जुषाणो वा
juṣāṇo vā
- 10
अग्नीषोमा सवेदसा युवम् एतानि इत्य् अग्नीषोमीयस्य
agnīṣomā savedasā yuvam etāni ity agnīṣomīyasya
- 11
इन्द्राग्नी अवसा प्र चर्षणिभ्य इत्य् ऐन्द्राग्नस्य
indrāgnī avasā pra carṣaṇibhya ity aindrāgnasya
- 12
एन्द्र सानसिं प्र ससाहिष इति सांनाय्यस्य
endra sānasiṃ pra sasāhiṣa iti sāṃnāyyasya
- 13
महान् इन्द्रो य ओजसा महान् इन्द्रो नृवद् इति माहेन्द्रस्य
mahān indro ya ojasā mahān indro nṛvad iti māhendrasya
- 14
इन्द्रं वो विश्वतो मादयस्व हरिभिर् इति इन्द्रस्याप्रतिनिधेः
indraṃ vo viśvato mādayasva haribhir iti indrasyāpratinidheḥ

