22 shlokas
- 1
आमन्त्रितो होतान्तरेणोत्करं प्रणीताश्च प्रतिपद्य दक्षिणेन प्रपदेन बर्हिराक्रमणम्
āmantrito hotāntareṇotkaraṃ praṇītāśca pratipadya dakṣiṇena prapadena barhirākramaṇam
- 2
वेद्यन्तसंमिता पश्चात्पार्ष्णिः
vedyantasaṃmitā paścātpārṣṇiḥ
- 3
विक्रम्य च स्थानम्
vikramya ca sthānam
- 4
अग्नये समिध्यमानायेति संप्रेषितः
agnaye samidhyamānāyeti saṃpreṣitaḥ
- 5
कं प्रपद्ये तं प्रपद्ये यत्ते प्रजापते शरणं छन्दस्तत्प्रपद्ये यावत्ते विष्णो वेद तावत्ते करिष्यामि देवेन सविता प्रसूत आर्त्विज्यम्करिष्यामि नमो ऽग्नये उपद्रष्ट्रे नमो वायव उपश्रोत्रे नम आदित्याय अनुख्यात्रे जुष्टाम् अद्य देवेभ्यो वाचं वदिष्यामि शुश्रूषेण्यां मनुष्येभ्यः स्वधावतीं पितृभ्यः प्रतिष्ठां विश्वस्मै भूताय प्रशास्त आत्मना प्रजया पशुभिः प्रजापतिं प्रपद्ये ऽभयं नो ऽस्तु प्राजापत्यम् अनुवक्ष्यामि वाग् आर्त्विज्यम्करिष्यति वाचं प्रपद्ये भूर्भुवः स्वर् इति जपित्वा
kaṃ prapadye taṃ prapadye yatte prajāpate śaraṇaṃ chandastatprapadye yāvatte viṣṇo veda tāvatte kariṣyāmi devena savitā prasūta ārtvijyamkariṣyāmi namo 'gnaye upadraṣṭre namo vāyava upaśrotre nama ādityāya anukhyātre juṣṭām adya devebhyo vācaṃ vadiṣyāmi śuśrūṣeṇyāṃ manuṣyebhyaḥ svadhāvatīṃ pitṛbhyaḥ pratiṣṭhāṃ viśvasmai bhūtāya praśāsta ātmanā prajayā paśubhiḥ prajāpatiṃ prapadye 'bhayaṃ no 'stu prājāpatyam anuvakṣyāmi vāg ārtvijyamkariṣyati vācaṃ prapadye bhūrbhuvaḥ svar iti japitvā
- 6
त्रिर्हिंकृत्य
trirhiṃkṛtya
- 7
प्र वो वाजा इत्य् उपसंधाय मध्यमया वाचा
pra vo vājā ity upasaṃdhāya madhyamayā vācā
- 8
अग्न आ याहि वीतय ईडेन्य इति तृचौ
agna ā yāhi vītaya īḍenya iti tṛcau
- 9
अग्निं दूतं वृणीमह इत्य् एका
agniṃ dūtaṃ vṛṇīmaha ity ekā
- 10
समिध्यमानो ऽध्वर इत्य् एका
samidhyamāno 'dhvara ity ekā
- 11
तिस्रः साप्तदश्ये
tisraḥ sāptadaśye
- 12
तद् अन्यत्र सायनाभ्यां दर्शपूर्णमासाभ्याम्
tad anyatra sāyanābhyāṃ darśapūrṇamāsābhyām
- 13
समिद्धो ऽग्न आहुतेति द्वे
samiddho 'gna āhuteti dve
- 14
अग्ने महान् असि ब्राह्मण भारतेति प्रणवेन संधाय
agne mahān asi brāhmaṇa bhārateti praṇavena saṃdhāya
- 15
अमुतो ऽर्वाञ्चि यजमानस्य त्रीण्यार्षेयाण्य् अभिव्याहृत्य
amuto 'rvāñci yajamānasya trīṇyārṣeyāṇy abhivyāhṛtya
- 16
षट्तु द्विगोत्रस्य
ṣaṭtu dvigotrasya
- 17
पुरोहितप्रवरेणाब्राह्मणस्य
purohitapravareṇābrāhmaṇasya
- 18
मानवेति वा सर्वेषाम्
mānaveti vā sarveṣām
- 19
देवेद्धो मन्विद्ध ऋषिष्टुतो विप्रानुमदितः कविशस्तो ब्रह्मसंशितो घृताहवन इत्य् अवसाय
deveddho manviddha ṛṣiṣṭuto viprānumaditaḥ kaviśasto brahmasaṃśito ghṛtāhavana ity avasāya
- 20
प्रणीर्यज्ञानां रथीर् अध्वराणाम् अतूर्तो होता तूर्णिर्हव्यवाड् इत्य् अवसाय
praṇīryajñānāṃ rathīr adhvarāṇām atūrto hotā tūrṇirhavyavāḍ ity avasāya
- 21
आस्पात्रम्जुहूर्देवानां चमसो देवपानो ऽराꣳ इव अग्ने नेमिर्देवांस्त्वं परिभूर् असि इत्य् अवसाय
āspātramjuhūrdevānāṃ camaso devapāno 'rām̐ iva agne nemirdevāṃstvaṃ paribhūr asi ity avasāya
- 22
व्यवस्यन्न् आवाहयति देवताः
vyavasyann āvāhayati devatāḥ

