18 shlokas
- 1
उपांशु गार्हपत्ये पत्नीसंयाजैश्चरन्ति
upāṃśu gārhapatye patnīsaṃyājaiścaranti
- 2
सोमं त्वष्टारं देवानां पत्नीर् अग्निं गृहपतिम् इति यजति
somaṃ tvaṣṭāraṃ devānāṃ patnīr agniṃ gṛhapatim iti yajati
- 3
राकासिनीवाल्यौ प्रजाकामस्य पूर्वे गृहपतेः
rākāsinīvālyau prajākāmasya pūrve gṛhapateḥ
- 4
आप्यायस्व सं ते पयांसीह त्वष्टारं तन्नस्तुरीपं देवानां पत्नीर् उत ग्ना व्यन्तु राकाम् अहम्यास्ते राके सिनीवालि यासु बाहुर् अग्निर्होता गृहपतिर्वयम् उ त्वा गृहपत इति
āpyāyasva saṃ te payāṃsīha tvaṣṭāraṃ tannasturīpaṃ devānāṃ patnīr uta gnā vyantu rākām ahamyāste rāke sinīvāli yāsu bāhur agnirhotā gṛhapatirvayam u tvā gṛhapata iti
- 5
यथा ह त्यद्वसव इति जपित्वेडाम् उपह्वयते
yathā ha tyadvasava iti japitveḍām upahvayate
- 6
उपहूतेयं यजमानीति वा विकारः
upahūteyaṃ yajamānīti vā vikāraḥ
- 7
इडान्ताः पत्नीसंयाजाः
iḍāntāḥ patnīsaṃyājāḥ
- 8
शंय्वन्ता वा
śaṃyvantā vā
- 9
प्र त्वा मुञ्चामीति वेदं विमुच्य योक्त्रम्
pra tvā muñcāmīti vedaṃ vimucya yoktram
- 10
अञ्जलौ पत्न्याः कृत्वा वेदं च मुक्तम्
añjalau patnyāḥ kṛtvā vedaṃ ca muktam
- 11
अद्भिर्वेद योक्त्रे परिषिञ्चन्जपति
adbhirveda yoktre pariṣiñcanjapati
- 12
कामाय त्वा वेदो ऽसि येन त्वं वेद देवेभ्यो वेदो ऽभवस्तेनास्मभ्यं वेद एधि
वेदो ऽसि वित्तिर् असि विदेयम्कर्मासि करणम् असि क्रियासं सनिर् असि सनितासि सनेयम्
kāmāya tvā vedo 'si yena tvaṃ veda devebhyo vedo 'bhavastenāsmabhyaṃ veda edhi
vedo 'si vittir asi videyamkarmāsi karaṇam asi kriyāsaṃ sanir asi sanitāsi saneyam
- 13
घृतवन्तम्कुलायिनं रायस्पोषं सहस्रिणम्
वेदो ददातु वाजिनम्
इति वेदे पत्नीं वाचयति
ghṛtavantamkulāyinaṃ rāyaspoṣaṃ sahasriṇam
vedo dadātu vājinam
iti vede patnīṃ vācayati
- 14
स तृणानि प्रगृह्यान्तरेणोरू न्यस्यते
sa tṛṇāni pragṛhyāntareṇorū nyasyate
- 15
तन्तुं तन्वन्न् इत्य् उत्तरेण गार्हपत्यम् आ बर्हिषः स्तीर्त्वा
tantuṃ tanvann ity uttareṇa gārhapatyam ā barhiṣaḥ stīrtvā
- 16
आपृणो ऽसि सम्पृणः प्रजया मा पशुभिर् आपृणेति वेदशेषम् उपस्थाय
āpṛṇo 'si sampṛṇaḥ prajayā mā paśubhir āpṛṇeti vedaśeṣam upasthāya
- 17
एतेनाग्ने ब्रह्मणायाड्यज्ञम्जातवेदा अन्तरः पूर्वो ऽस्मिन्निषद्य
सन्वन्सनिं सुविमुचा विमुञ्च धेह्यस्मभ्यं द्रविणम्जातवेदः
इत्य् आहवनीयम् उपस्थाय
etenāgne brahmaṇāyāḍyajñamjātavedā antaraḥ pūrvo 'sminniṣadya
sanvansaniṃ suvimucā vimuñca dhehyasmabhyaṃ draviṇamjātavedaḥ
ity āhavanīyam upasthāya
- 18
उपस्पृश्योत्सृज्यते
upaspṛśyotsṛjyate

