3 shlokas
- 1
कुमार्या भ्राता शमीपलाशमिश्रांल्लाजान् अञ्जलिनाञ्जलाव् आवपति
kumāryā bhrātā śamīpalāśamiśrāṃllājān añjalināñjalāv āvapati
- 2
ताञ्जुहोति संहतेन तिष्ठती अर्यमणं देवं कन्या अग्निम् अयक्षत
स नो अर्यमा देवः प्रेतो मुञ्चतु मा पतेः स्वाहा
इयं नार्य् उपब्रूते लाजान् आवपन्तिका
आयुष्मान् अस्तु मे पतिर् एधन्तां ज्ञातयो मम स्वाहा
इमांल्लाजान् आवपाम्य् अग्नौ समृद्धिकरणं तव
मम तुभ्यं च संवननं तद् अग्निर् अनुमन्यताम् इयं स्वाहेति
tāñjuhoti saṃhatena tiṣṭhatī aryamaṇaṃ devaṃ kanyā agnim ayakṣata
sa no aryamā devaḥ preto muñcatu mā pateḥ svāhā
iyaṃ nāry upabrūte lājān āvapantikā
āyuṣmān astu me patir edhantāṃ jñātayo mama svāhā
imāṃllājān āvapāmy agnau samṛddhikaraṇaṃ tava
mama tubhyaṃ ca saṃvananaṃ tad agnir anumanyatām iyaṃ svāheti
- 3
अथास्यै दक्षिणं हस्तम्गृह्णाति साङ्गुष्ठं गृभ्णामि ते सौभगत्वाय हस्तं मया पत्या जरदष्टिर्यथासः
भगो ऽर्यमा सविता पुरन्धिर्मह्यं त्वादुर्गार्हपत्याय देवाः
अमो ऽहम् अस्मि सा त्वं सा त्वम् अस्य् अमो ऽहम्
सामाहम् अस्मि ऋक्त्वं द्यौर् अहं पृथिवी त्वं ताव् एहि विवहावहै सह रेतो दधावहै प्रजां प्रजनयावहै पुत्रान्विन्दावहै बहून्ते सन्तु जरदष्टयः संप्रियौ रोचिष्णू सुमनस्यमानौ पश्येम शरदः शतं जीवेम शरदः शतं शृणुयाम शरदः शतम् इति
athāsyai dakṣiṇaṃ hastamgṛhṇāti sāṅguṣṭhaṃ gṛbhṇāmi te saubhagatvāya hastaṃ mayā patyā jaradaṣṭiryathāsaḥ
bhago 'ryamā savitā purandhirmahyaṃ tvādurgārhapatyāya devāḥ
amo 'ham asmi sā tvaṃ sā tvam asy amo 'ham
sāmāham asmi ṛktvaṃ dyaur ahaṃ pṛthivī tvaṃ tāv ehi vivahāvahai saha reto dadhāvahai prajāṃ prajanayāvahai putrānvindāvahai bahūnte santu jaradaṣṭayaḥ saṃpriyau rociṣṇū sumanasyamānau paśyema śaradaḥ śataṃ jīvema śaradaḥ śataṃ śṛṇuyāma śaradaḥ śatam iti

