10 shlokas
- 1
चतुर्थ्याम् अपररात्रे ऽभ्यन्तरतो ऽग्निम् उपसमाधाय दक्षिणतो ब्रह्माणम् उपवेश्योत्तरत उदपात्रं प्रतिष्ठाप्य स्थालीपाकं श्रपयित्वाज्यभागाव् इष्ट्वाज्याहुतीर्जुहोति
caturthyām apararātre 'bhyantarato 'gnim upasamādhāya dakṣiṇato brahmāṇam upaveśyottarata udapātraṃ pratiṣṭhāpya sthālīpākaṃ śrapayitvājyabhāgāv iṣṭvājyāhutīrjuhoti
- 2
अग्ने प्रायश्चित्ते त्वं देवानां प्रायश्चित्तिर् असि ब्राह्मणस्त्वा नाथकाम उपधावामि यास्यै पतिघ्नी तनूस्ताम् अस्यै नाशय स्वाहा
वायो प्रायश्चित्ते त्वं देवानां प्रायश्चित्तिर् असि ब्राह्मणस्त्वा नाथकाम उपधावामि यास्यै प्रजाघ्नी तनूस्ताम् अस्यै नाशय स्वाहा
सूर्य प्रायश्चित्ते त्वं देवानां प्रायश्चित्तिर् असि ब्राह्मणस्त्वा नाथकाम उपधावामि यास्यै पशुघ्नी तनूस्ताम् अस्यै नाशय स्वाहा
चन्द्र प्रायश्चित्ते त्वं देवानां प्रायश्चित्तिर् असि ब्राह्मणस्त्वा नाथकाम उपधावामि यास्यै गृहघ्नी तनूस्ताम् अस्यै नाशय स्वाहा
गन्धर्व प्रायश्चित्ते त्वं देवानां प्रायश्चित्तिर् असि ब्राह्मणस्त्वा नाथकाम उपधावामि यास्यै यशोघ्नी तनूस्ताम् अस्यै नाशय स्वाहेति
agne prāyaścitte tvaṃ devānāṃ prāyaścittir asi brāhmaṇastvā nāthakāma upadhāvāmi yāsyai patighnī tanūstām asyai nāśaya svāhā
vāyo prāyaścitte tvaṃ devānāṃ prāyaścittir asi brāhmaṇastvā nāthakāma upadhāvāmi yāsyai prajāghnī tanūstām asyai nāśaya svāhā
sūrya prāyaścitte tvaṃ devānāṃ prāyaścittir asi brāhmaṇastvā nāthakāma upadhāvāmi yāsyai paśughnī tanūstām asyai nāśaya svāhā
candra prāyaścitte tvaṃ devānāṃ prāyaścittir asi brāhmaṇastvā nāthakāma upadhāvāmi yāsyai gṛhaghnī tanūstām asyai nāśaya svāhā
gandharva prāyaścitte tvaṃ devānāṃ prāyaścittir asi brāhmaṇastvā nāthakāma upadhāvāmi yāsyai yaśoghnī tanūstām asyai nāśaya svāheti
- 3
स्थालीपाकस्य जुहोति प्रजापतये स्वाहेति
sthālīpākasya juhoti prajāpataye svāheti
- 4
हुत्वा हुत्वैतासाम् आहुतीनाम् उदपात्रे संस्रवान्त्समवनीय तत एनां मूर्धन्य् अभिषिञ्चति
या ते पतिघ्नी प्रजाघ्नी पशुघ्नी गृहघ्नी यशोघ्नी निन्दिता तनूर्जारघ्नीं तत एनां करोमि सा जीर्य त्वं मया सहासाव् इति
hutvā hutvaitāsām āhutīnām udapātre saṃsravāntsamavanīya tata enāṃ mūrdhany abhiṣiñcati
yā te patighnī prajāghnī paśughnī gṛhaghnī yaśoghnī ninditā tanūrjāraghnīṃ tata enāṃ karomi sā jīrya tvaṃ mayā sahāsāv iti
- 5
अथैनां स्थालीपाकं प्राशयति प्राणैस्ते प्राणान्त्संदधाम्य् अस्थिभिर् अस्थीनि मांसैर्मांसानि त्वचा त्वचम् इति
athaināṃ sthālīpākaṃ prāśayati prāṇaiste prāṇāntsaṃdadhāmy asthibhir asthīni māṃsairmāṃsāni tvacā tvacam iti
- 6
तस्माद् एवंविच्छ्रोत्रियस्य दारेण नोपहासम् इच्छेद् उत ह्य् एवंवित्परो भवति
tasmād evaṃvicchrotriyasya dāreṇa nopahāsam icched uta hy evaṃvitparo bhavati
- 7
ताम् उदुह्य यथर्तु प्रवेशनम्
tām uduhya yathartu praveśanam
- 8
यथाकामी वा कामम् आ विजनितोः संभवामेति वचनात्
yathākāmī vā kāmam ā vijanitoḥ saṃbhavāmeti vacanāt
- 9
अथास्यै दक्षिणांसम् अधि हृदयम् आलभते
यत्ते सुसीमे हृदयं दिवि चन्द्रमसि श्रितम्
वेदाहं तन्मां तद्विद्यात्पश्येम शरदः शतं जीवेम शरदः शतं शृणुयाम शरदः शतम् इति
athāsyai dakṣiṇāṃsam adhi hṛdayam ālabhate
yatte susīme hṛdayaṃ divi candramasi śritam
vedāhaṃ tanmāṃ tadvidyātpaśyema śaradaḥ śataṃ jīvema śaradaḥ śataṃ śṛṇuyāma śaradaḥ śatam iti
- 10
एवम् अत ऊर्ध्वम्
evam ata ūrdhvam

