31 shlokas
- 1
अथ केवलं सोमं प्राञ्चं हरन्ति
atha kevalaṃ somaṃ prāñcaṃ haranti
- 2
तस्मात्केवलीः सौमीर् अन्वाह
tasmātkevalīḥ saumīr anvāha
- 3
सोमो जिगाति गातुविद् इतीतवत्तृचम् अनुब्रुवन्न् अनुसमेति
somo jigāti gātuvid itītavattṛcam anubruvann anusameti
- 4
अथाध्वर्युर् आहवनीये पुनराहुतिं जुहोति
athādhvaryur āhavanīye punarāhutiṃ juhoti
- 5
तां सम्प्रत्य् एताम् अनुब्रूयाद् उप प्रियं पनिप्नतम् इति
tāṃ sampraty etām anubrūyād upa priyaṃ panipnatam iti
- 6
तस्या एवैषा याज्याहुतीवृधम् इत्य् अभिरूपा
tasyā evaiṣā yājyāhutīvṛdham ity abhirūpā
- 7
अथ पूर्वया द्वारा राजानं प्रपादयन्ति
atha pūrvayā dvārā rājānaṃ prapādayanti
- 8
तस्मिन्प्रपाद्यमाने तम् अस्य राजा वरुणस्तम् अश्विना इति
tasminprapādyamāne tam asya rājā varuṇastam aśvinā iti
- 9
व्रजं च विष्णुः सखिवाꣳ अपोर्णुत इत्य् अभिरूपां प्रपाद्यमानायान्वाह
vrajaṃ ca viṣṇuḥ sakhivām̐ aporṇuta ity abhirūpāṃ prapādyamānāyānvāha
- 10
अन्तश्च प्रागा अदितिर्भवासीति प्रपन्नवतीं प्रपन्नाय
antaśca prāgā aditirbhavāsīti prapannavatīṃ prapannāya
- 11
श्येनो न योनिं सदनं धिया कृतं गणानां त्वा गणपतिं हवामहे अस्तभ्नाद्द्याम् असुरो विश्ववेदा इति सन्नवतीभिः सन्नम् अनुस्तौति
śyeno na yoniṃ sadanaṃ dhiyā kṛtaṃ gaṇānāṃ tvā gaṇapatiṃ havāmahe astabhnāddyām asuro viśvavedā iti sannavatībhiḥ sannam anustauti
- 12
एवा वन्दस्व वरुणं बृहन्तम् इत्य् आशीर्वत्या परिदधाति
evā vandasva varuṇaṃ bṛhantam ity āśīrvatyā paridadhāti
- 13
अभिरूपा अन्वाह
abhirūpā anvāha
- 14
यद्यज्ञे अभिरूपं तत्समृद्धं यज्ञस्यैव समृद्ध्यै
yadyajñe abhirūpaṃ tatsamṛddhaṃ yajñasyaiva samṛddhyai
- 15
ता वै विंशतिम् अन्वाह
tā vai viṃśatim anvāha
- 16
ता विराजम् अभिसंपद्यन्ते
tā virājam abhisaṃpadyante
- 17
वैराजः सोमः
vairājaḥ somaḥ
- 18
अन्नं विराड् अन्नं सोमः
annaṃ virāḍ annaṃ somaḥ
- 19
अन्नेन तद् अन्नाद्यं समर्धयति
annena tad annādyaṃ samardhayati
- 20
त्रिः प्रथमया त्रिरुत्तमया चतुर्विंशतिः सम्पद्यन्ते
triḥ prathamayā triruttamayā caturviṃśatiḥ sampadyante
- 21
चतुर्विंशतिर्वै संवत्सरस्यार्धमासाः
caturviṃśatirvai saṃvatsarasyārdhamāsāḥ
- 22
संवत्सरस्यैवाप्त्यै
saṃvatsarasyaivāptyai
- 23
एवं नु यदि पूर्वया द्वारा राजानं प्रपादयेयुः
evaṃ nu yadi pūrvayā dvārā rājānaṃ prapādayeyuḥ
- 24
यद्य् उ वापरया
yady u vāparayā
- 25
तेनैव होतानुसमियात्
tenaiva hotānusamiyāt
- 26
आत्मा वै यज्ञस्य होता
ātmā vai yajñasya hotā
- 27
प्राणः सोमः
prāṇaḥ somaḥ
- 28
नेत्प्राणादात्मानम् अपादधानीति
netprāṇādātmānam apādadhānīti
- 29
उत्तरतो दक्षिणा तिष्ठन्परिदधाति
uttarato dakṣiṇā tiṣṭhanparidadhāti
- 30
यशो वै सोमो राजान्नाद्यम्
yaśo vai somo rājānnādyam

