24 shlokas
- 1
ब्रह्म वा अग्निः क्षत्रं सोमः
brahma vā agniḥ kṣatraṃ somaḥ
- 2
तद्यद् उपवसथे ऽग्नीषोमौ प्रणयन्ति
tadyad upavasathe 'gnīṣomau praṇayanti
- 3
ब्रह्मक्षत्राभ्याम् एव तद्यजमानस्य पाप्मानम् अपघ्नन्ति
brahmakṣatrābhyām eva tadyajamānasya pāpmānam apaghnanti
- 4
तद् उ वा आहुर् आसीन एव होतैतां प्रथमाम् अनुब्रूयात्
tad u vā āhur āsīna eva hotaitāṃ prathamām anubrūyāt
- 5
सर्वाणि ह वै भूतानि सोमं राजानं प्रणीयमानम् अनु प्रच्यवन्ते
sarvāṇi ha vai bhūtāni somaṃ rājānaṃ praṇīyamānam anu pracyavante
- 6
तद्यद् आसीनो होतैताम् ऋचम् अन्वाह
tadyad āsīno hotaitām ṛcam anvāha
- 7
तद् एव सर्वाणि भूतानि यथायतनं नियच्छतीति
tad eva sarvāṇi bhūtāni yathāyatanaṃ niyacchatīti
- 8
सावीर्हि देव प्रथमाय पित्र इति सावित्रीं प्रथमाम् अन्वाह
sāvīrhi deva prathamāya pitra iti sāvitrīṃ prathamām anvāha
- 9
सवितृप्रसूततायै
savitṛprasūtatāyai
- 10
सवितृप्रसूतस्य ह वै न काचन रिष्टिर्भवत्य् अरिष्ट्यै
savitṛprasūtasya ha vai na kācana riṣṭirbhavaty ariṣṭyai
- 11
उत्तिष्ठ ब्रह्मणस्पत इत्युत्थापयति प्रैतु ब्रह्मणस्पतिर् इति प्रणयति ब्राह्मणस्पत्ये अभिरूपे अन्वाह
uttiṣṭha brahmaṇaspata ityutthāpayati praitu brahmaṇaspatir iti praṇayati brāhmaṇaspatye abhirūpe anvāha
- 12
ब्रह्म वै ब्रह्मणस्पतिः
brahma vai brahmaṇaspatiḥ
- 13
ब्रह्मणैव तद्यज्ञं समर्धयति
brahmaṇaiva tadyajñaṃ samardhayati
- 14
होता देवो ऽमर्त्य उप त्वाग्ने दिवे दिव इति केवलाग्नेयौ तृचावन्वाह
hotā devo 'martya upa tvāgne dive diva iti kevalāgneyau tṛcāvanvāha
- 15
अग्निं हि पूर्वं हरन्ति
agniṃ hi pūrvaṃ haranti
- 16
तौ वा इतवन्तौ भवतः
tau vā itavantau bhavataḥ
- 17
ह्रियमाणं ह्यग्निं स्तौति
hriyamāṇaṃ hyagniṃ stauti
- 18
स यत्रोपाधिगच्छेद्भूतानां गर्भम् आदध इति
sa yatropādhigacchedbhūtānāṃ garbham ādadha iti
- 19
तद्गर्भकामायै गर्भं ध्यायात्
tadgarbhakāmāyai garbhaṃ dhyāyāt
- 20
लभते ह गर्भम्
labhate ha garbham
- 21
अथाग्नीध्रे ऽग्निं निदधति
athāgnīdhre 'gniṃ nidadhati
- 22
तद् अध्वर्युर् आहुतिं जुहोति
tad adhvaryur āhutiṃ juhoti
- 23
तां सम्प्रत्येताम् अनुब्रूयाद् अग्ने जुषस्व प्रतिहर्य तद्वच इति
tāṃ sampratyetām anubrūyād agne juṣasva pratiharya tadvaca iti
- 24
तस्या एवैषा याज्या जुषस्व प्रतिहर्येत्य् अभिरूपा
tasyā evaiṣā yājyā juṣasva pratiharyety abhirūpā

