28 shlokas
- 1
सो वा एतद् उपवसथे ऽग्नौ प्रणीयमान आगच्छत्
so vā etad upavasathe 'gnau praṇīyamāna āgacchat
- 2
तां देवास्तत्राभजन्त
tāṃ devāstatrābhajanta
- 3
तस्माद् उ तत्र प्रथमत एवोच्चैर् अनुब्रूयात्
tasmād u tatra prathamata evoccair anubrūyāt
- 4
यथैनाम् आगताम् अनुबुध्येरन्नाभक्तां यज्ञे
yathainām āgatām anubudhyerannābhaktāṃ yajñe
- 5
प्र देवं देव्या धियेति प्रवन्तं तृचं प्रह्रियमाणायान्वाह
pra devaṃ devyā dhiyeti pravantaṃ tṛcaṃ prahriyamāṇāyānvāha
- 6
इडायास्त्वा पदे वयम् इति
iḍāyāstvā pade vayam iti
- 7
इयं वा इडा
iyaṃ vā iḍā
- 8
अस्यां हीदं सर्वम् ईट्टे
asyāṃ hīdaṃ sarvam īṭṭe
- 9
जातवेदो निधीमहीति निहितवतार्धर्चेन निधीयमानम् अनुस्तौति
jātavedo nidhīmahīti nihitavatārdharcena nidhīyamānam anustauti
- 10
अग्ने विश्वेभिः स्वनीक देवैः सीद होतः स्व उ लोके चिकित्वान्नि होता होतृषदने विदान इति सन्नवतीभिः सन्नम् अनुस्तौति
agne viśvebhiḥ svanīka devaiḥ sīda hotaḥ sva u loke cikitvānni hotā hotṛṣadane vidāna iti sannavatībhiḥ sannam anustauti
- 11
त्वं दूतस्त्वम् उ नः परस्पा इति दूतवत्या परिदधाति
tvaṃ dūtastvam u naḥ paraspā iti dūtavatyā paridadhāti
- 12
अभिरूपा अन्वाह
abhirūpā anvāha
- 13
यद्यज्ञे अभिरूपं तत्समृद्धं यज्ञस्यैव समृद्ध्यै
yadyajñe abhirūpaṃ tatsamṛddhaṃ yajñasyaiva samṛddhyai
- 14
ता वा अष्टौ भवन्ति
tā vā aṣṭau bhavanti
- 15
एताभिर्वै देवाः सर्वा अष्टीर् आश्नुवत
etābhirvai devāḥ sarvā aṣṭīr āśnuvata
- 16
तथो एवैतद्यजमान एताभिर् एव सर्वा अष्टीर् अश्नुते
tatho evaitadyajamāna etābhir eva sarvā aṣṭīr aśnute
- 17
त्रिः प्रथमया त्रिर् उत्तमया द्वादश सम्पद्यन्ते
triḥ prathamayā trir uttamayā dvādaśa sampadyante
- 18
द्वादश वै मासाः संवत्सरः
dvādaśa vai māsāḥ saṃvatsaraḥ
- 19
संवत्सरस्यैवाप्त्यै
saṃvatsarasyaivāptyai
- 20
ताः समनूक्ता अष्टादश गायत्र्यः सम्पद्यन्ते
tāḥ samanūktā aṣṭādaśa gāyatryaḥ sampadyante
- 21
आग्नेयम् एव छन्दोभिः
āgneyam eva chandobhiḥ
- 22
यस्य ह कस्य च षट्समानस्य छन्दसस्ता गायत्रीम् अभिसंपद्यन्ते
yasya ha kasya ca ṣaṭsamānasya chandasastā gāyatrīm abhisaṃpadyante
- 23
यस्य सप्त ता उष्णिहम्
yasya sapta tā uṣṇiham
- 24
यस्याष्टौ ता अनुष्टुभम्
yasyāṣṭau tā anuṣṭubham
- 25
यस्य नव ता बृहतीम्
yasya nava tā bṛhatīm
- 26
यस्य दश ताः पङ्क्तिम्
yasya daśa tāḥ paṅktim
- 27
यस्य एकादश तास्त्रिष्टुभम्
yasya ekādaśa tāstriṣṭubham
- 28
यस्य द्वादश ता जगतीम्
yasya dvādaśa tā jagatīm

