16 shlokas
- 1
यज्ञायज्ञियं स्तोत्रम् उपाकरोति होतृचमसम् उपस्पृश्य
yajñāyajñiyaṃ stotram upākaroti hotṛcamasam upaspṛśya
- 2
प्रोर्णुते चेच्छन्न् उद्गातृवत्
prorṇute cecchann udgātṛvat
- 3
पत्नीं सदः प्रवेश्यापरेणोत्तरत उपविष्टामुद्गात्रा समीक्षयति प्रजापतिर्वृषासीति
patnīṃ sadaḥ praveśyāpareṇottarata upaviṣṭāmudgātrā samīkṣayati prajāpatirvṛṣāsīti
- 4
पन्नेजनीभिर् अभिषिञ्चति विवृत्य दक्षिणोरुम्
pannejanībhir abhiṣiñcati vivṛtya dakṣiṇorum
- 5
उद्गात्रानुज्ञाता गच्छति
udgātrānujñātā gacchati
- 6
ईक्षिता वा त्रिः
īkṣitā vā triḥ
- 7
एवा न इन्द्रो मघवेति शस्यमाने ध्रुवं होतृचमसे ऽवनयति ध्रुवं ध्रुवेणेति
evā na indro maghaveti śasyamāne dhruvaṃ hotṛcamase 'vanayati dhruvaṃ dhruveṇeti
- 8
अवनयामिस्थाने गृह्णामीति वा
avanayāmisthāne gṛhṇāmīti vā
- 9
वैश्वानरं यजमानस्य गृहीतश्चेत्
vaiśvānaraṃ yajamānasya gṛhītaścet
- 10
पात्रप्रक्षालनान्ते ऽनुयाजाः समिदादि
pātraprakṣālanānte 'nuyājāḥ samidādi
- 11
उक्थ्यविग्रहणम् उत्तरेष्व् इन्द्रावरुणाभ्याम् इन्द्राबृहस्पतिभ्याम् इन्द्राविष्णुभ्याम् इति
ukthyavigrahaṇam uttareṣv indrāvaruṇābhyām indrābṛhaspatibhyām indrāviṣṇubhyām iti
- 12
स्तुतशस्त्रे अधिके षोडशी चेत्
stutaśastre adhike ṣoḍaśī cet
- 13
तृतीयसवने ऽप्रसवः
tṛtīyasavane 'prasavaḥ
- 14
स्रुग्व्यूहनम् अग्नेर्वनस्पतेर् इन्द्रस्य वसुमतो रुद्रवत आदित्यवत ऋभुमतो विभुमतो वाजवतो बृहस्पतिमतो विश्वदेव्यावतः सोमस्योज्जितिम् इत्य् अग्निर्वनस्पतिर् इन्द्रो वसुमान्रुद्रवान् आदित्यवान् ऋभुमान्विभुमान्वाजवान्बृहस्पतिमान्विश्वदेव्यावान्त्सोमस्तम् अपनुदन्त्व् इति
srugvyūhanam agnervanaspater indrasya vasumato rudravata ādityavata ṛbhumato vibhumato vājavato bṛhaspatimato viśvadevyāvataḥ somasyojjitim ity agnirvanaspatir indro vasumānrudravān ādityavān ṛbhumānvibhumānvājavānbṛhaspatimānviśvadevyāvāntsomastam apanudantv iti
- 15
पशुदेवतावनस्पतिभ्यां वा सोमोपदेशाद् इतरासाम्
paśudevatāvanaspatibhyāṃ vā somopadeśād itarāsām
- 16
सर्वा वा सवनीयसौम्यभावात्
sarvā vā savanīyasaumyabhāvāt

