39 shlokas
- 1
दशसून्नयति
daśasūnnayati
- 2
माध्यन्दिनस्य सवनस्य निष्केवल्यस्य भागस्य शुक्रवतो मधुश्चुत इन्द्राय सोमान्प्रस्थितान्प्रेष्येति
mādhyandinasya savanasya niṣkevalyasya bhāgasya śukravato madhuścuta indrāya somānprasthitānpreṣyeti
- 3
मन्थीवत इति वा मधुश्चुत स्थाने
manthīvata iti vā madhuścuta sthāne
- 4
इडां भक्षयित्वा शालाद्वार्ये दाक्षिणहोमः
iḍāṃ bhakṣayitvā śālādvārye dākṣiṇahomaḥ
- 5
वासःप्रबद्धं हिरण्यं हवन्याम् अवधाय चतुर्गृहीतम् उद् उ त्यम् इति
vāsaḥprabaddhaṃ hiraṇyaṃ havanyām avadhāya caturgṛhītam ud u tyam iti
- 6
चित्रं देवानाम् इति द्वितीयाम्
citraṃ devānām iti dvitīyām
- 7
आग्नीध्रीये ऽग्ने नयेति
āgnīdhrīye 'gne nayeti
- 8
अयं न इत्य् अपराम् अश्वं चेद्युक्तं दद्याद् अयुक्तं वा
ayaṃ na ity aparām aśvaṃ cedyuktaṃ dadyād ayuktaṃ vā
- 9
वासोहिरण्ये ददाति
vāsohiraṇye dadāti
- 10
सहिरण्यो यजमानः शालां पूर्वेण तिष्ठन्न् अभिमन्त्रयते दक्षिणा बहिर्वेदि तिष्ठतीर्दक्षिणतो रूपेण व इति
sahiraṇyo yajamānaḥ śālāṃ pūrveṇa tiṣṭhann abhimantrayate dakṣiṇā bahirvedi tiṣṭhatīrdakṣiṇato rūpeṇa va iti
- 11
गवां शतं द्वादशं वातिक्रामति
gavāṃ śataṃ dvādaśaṃ vātikrāmati
- 12
मन्थौदनतिलमाषाश्च
manthaudanatilamāṣāśca
- 13
अन्तरा शालासदसी दक्षिणेनाग्नीध्रं तीर्थेन
antarā śālāsadasī dakṣiṇenāgnīdhraṃ tīrthena
- 14
सुब्रह्मण्यां च प्रेष्यति वा
subrahmaṇyāṃ ca preṣyati vā
- 15
आग्नीध्राद् अनुगच्छति सुन्वन्
āgnīdhrād anugacchati sunvan
- 16
प्रागनुवाचनाच्च
prāganuvācanācca
- 17
सदो गच्छति वि स्वर् इति
sado gacchati vi svar iti
- 18
प्रेक्षते यतस्व सदस्यैर् इति सदस्यान्
prekṣate yatasva sadasyair iti sadasyān
- 19
ब्राह्मणम् अद्येत्य् आग्नीध्रगमनम्
brāhmaṇam adyety āgnīdhragamanam
- 20
उपविश्य हिरण्यम् अस्मै ददात्य् अस्मद्राता इति
upaviśya hiraṇyam asmai dadāty asmadrātā iti
- 21
आत्रेयाय चाग्नीध्रवत्सदसः पुरस्ताद् उपविष्टाय क आत्रेयं क आत्रेयम् इति त्रिर् उक्त्वा सकृच्छेषम् अहालेयम् अवालेयम् अकौद्रेयम् अशौभ्रेयम् अवामरथ्यम् अगौपवनम् इति
ātreyāya cāgnīdhravatsadasaḥ purastād upaviṣṭāya ka ātreyaṃ ka ātreyam iti trir uktvā sakṛccheṣam ahāleyam avāleyam akaudreyam aśaubhreyam avāmarathyam agaupavanam iti
- 22
ऋत्विग्भ्यो दक्षिणा ददाति
ṛtvigbhyo dakṣiṇā dadāti
- 23
पृथक्शतानि पुरुषभेदात्
pṛthakśatāni puruṣabhedāt
- 24
प्रतिविभागो वा कर्मप्राधान्यात्
prativibhāgo vā karmaprādhānyāt
- 25
यथारम्भं द्वादश द्वादशाद्येभ्यः षट्षड्द्वितीयेभ्यश्चतस्रश्चतस्रस्तृतीयेभ्यस्तिस्रस्तिस्र इतरेभ्यः
yathārambhaṃ dvādaśa dvādaśādyebhyaḥ ṣaṭṣaḍdvitīyebhyaścatasraścatasrastṛtīyebhyastisrastisra itarebhyaḥ
- 26
ब्रह्मोद्गातृहोतृभ्यः
brahmodgātṛhotṛbhyaḥ
- 27
अध्वर्युभ्यां च हविर्धान उपविष्टाभ्याम्
adhvaryubhyāṃ ca havirdhāna upaviṣṭābhyām
- 28
अग्नये त्वेति हिरण्यं प्रतिगृह्णीतः
agnaye tveti hiraṇyaṃ pratigṛhṇītaḥ
- 29
रुद्राय त्वेति गाम्
rudrāya tveti gām
- 30
बृहस्पतये त्वेति वासः
bṛhaspataye tveti vāsaḥ

