14 shlokas
- 1
आग्रायणम् आदायासिञ्चति पवित्रे ऽधिपूतभृतं प्रतिप्रस्थाता च संस्रवाव् आधवनीयाद् उन्नेतोदञ्चनेन चमसेन वा तत आग्रायणं गृह्णाति
āgrāyaṇam ādāyāsiñcati pavitre 'dhipūtabhṛtaṃ pratiprasthātā ca saṃsravāv ādhavanīyād unnetodañcanena camasena vā tata āgrāyaṇaṃ gṛhṇāti
- 2
उक्थ्यं चोत्तरेष्व् एकया
ukthyaṃ cottareṣv ekayā
- 3
पूतभृत्य् आशिरम् आसिञ्चत्य् आशीर्म ऊर्जम् उत सुप्रजास्त्वम् इषं दधातु द्रविणं सुवर्चसं संजयन्क्षेत्राणि सहसाहम् इन्द्र कृण्वानो ऽन्यान् अधरान्त्सपत्नान् इति
pūtabhṛty āśiram āsiñcaty āśīrma ūrjam uta suprajāstvam iṣaṃ dadhātu draviṇaṃ suvarcasaṃ saṃjayankṣetrāṇi sahasāham indra kṛṇvāno 'nyān adharāntsapatnān iti
- 4
श्रद् अस्मै नर इत्य् एनम् अवेक्षते पत्नी
śrad asmai nara ity enam avekṣate patnī
- 5
समन्वारब्धनिष्क्रमणादि करोति माध्यन्दिनवत्
samanvārabdhaniṣkramaṇādi karoti mādhyandinavat
- 6
पशौ संवदस्वेत्य् उपचयस्थाने
paśau saṃvadasvety upacayasthāne
- 7
प्रातःसवनप्रभृत्य् आ संवादाच्छ्रुतेः शमित्रनुशासनप्रभृतीडान्तं कृत्वा पुरोडाशादि चेडाभक्षात्
prātaḥsavanaprabhṛty ā saṃvādācchruteḥ śamitranuśāsanaprabhṛtīḍāntaṃ kṛtvā puroḍāśādi ceḍābhakṣāt
- 8
चमसैर् एव
camasair eva
- 9
होतृचमसं गृहीत्वाश्राव्याह तृतीयस्य सवनस्य ऋभुमतो विभुमतो वाजवतो बृहस्पतिमतो विश्वदेव्यावतस्तीव्रा३ं आशीर्वत इन्द्राय सोमान्प्रस्थितान्प्रेष्येति
hotṛcamasaṃ gṛhītvāśrāvyāha tṛtīyasya savanasya ṛbhumato vibhumato vājavato bṛhaspatimato viśvadevyāvatastīvrā3ṃ āśīrvata indrāya somānprasthitānpreṣyeti
- 10
आशीर्वत इति शुक्रस्थाने
āśīrvata iti śukrasthāne
- 11
प्राग् इडाभक्षाद्धविर्धाने यथास्वं चमसेषूपास्यन्ति पुरोडाशमात्रा अनुदकाः पिण्डपितृयज्ञवद्दानप्रभृति प्राग् अवघ्राणात्
prāg iḍābhakṣāddhavirdhāne yathāsvaṃ camaseṣūpāsyanti puroḍāśamātrā anudakāḥ piṇḍapitṛyajñavaddānaprabhṛti prāg avaghrāṇāt
- 12
यजमानपितृभ्यो वा तस्य फलाधिकारात्
yajamānapitṛbhyo vā tasya phalādhikārāt
- 13
भक्षयित्वेडाम् उपांश्वन्तर्यामपात्रयोर् अन्यतरेण सावित्रग्रहणं वामम् अद्येति
bhakṣayitveḍām upāṃśvantaryāmapātrayor anyatareṇa sāvitragrahaṇaṃ vāmam adyeti
- 14
काले पात्नीवतमितरेण
kāle pātnīvatamitareṇa

