20 shlokas
- 1
अथातश्चातुर्मास्यानां प्रयोगः
athātaścāturmāsyānāṃ prayogaḥ
- 2
फाल्गुन्यां पौर्णमास्यां चातुर्मास्यानि प्रयुञ्जीत
phālgunyāṃ paurṇamāsyāṃ cāturmāsyāni prayuñjīta
- 3
मुखं वा एतत्संवत्सरस्य यत्फाल्गुनी पौर्णमासी मुखम् उत्तरे फाल्गुन्यौ पुच्छं पूर्वे
mukhaṃ vā etatsaṃvatsarasya yatphālgunī paurṇamāsī mukham uttare phālgunyau pucchaṃ pūrve
- 4
तद्यथा प्रवृत्तस्यान्तौ समेतौ स्याताम् एवम् एवैतत्संवत्सरस्यान्तौ समेतौ भवतः
tadyathā pravṛttasyāntau sametau syātām evam evaitatsaṃvatsarasyāntau sametau bhavataḥ
- 5
तद्यत्फाल्गुन्यां पौर्णमास्यां चातुर्मास्यैर्यजते मुखत एवैतत्संवत्सरं प्रयुङ्क्ते
tadyatphālgunyāṃ paurṇamāsyāṃ cāturmāsyairyajate mukhata evaitatsaṃvatsaraṃ prayuṅkte
- 6
अथो भैषज्ययज्ञा वा एते यच्चातुर्मास्यानि
atho bhaiṣajyayajñā vā ete yaccāturmāsyāni
- 7
तस्माद् ऋतुसंधिषु प्रयुज्यन्ते
tasmād ṛtusaṃdhiṣu prayujyante
- 8
ऋतुसंधिषु वै व्याधिर्जायते
ṛtusaṃdhiṣu vai vyādhirjāyate
- 9
तान्य् एतान्य् अष्टौ हवींषि भवन्ति
tāny etāny aṣṭau havīṃṣi bhavanti
- 10
अष्टौ वै चतसृणां पौर्णमासीनां हवींषि भवन्ति
aṣṭau vai catasṛṇāṃ paurṇamāsīnāṃ havīṃṣi bhavanti
- 11
चतसृणां वै पौर्णमासीनां वैश्वदेवं समासः
catasṛṇāṃ vai paurṇamāsīnāṃ vaiśvadevaṃ samāsaḥ
- 12
अथ यद् अग्निं मन्थन्ति प्रजापतिर्वै वैश्वदेवम्
atha yad agniṃ manthanti prajāpatirvai vaiśvadevam
- 13
प्रजात्या एव
prajātyā eva
- 14
अथैतं दैवं गर्भं प्रजनयति
athaitaṃ daivaṃ garbhaṃ prajanayati
- 15
अथ यत्सप्तदश सामिधेन्यः सप्तदशो वै प्रजापतिः
atha yatsaptadaśa sāmidhenyaḥ saptadaśo vai prajāpatiḥ
- 16
प्रजापतेर् आप्त्यै
prajāpater āptyai
- 17
अथ यत्सद्वन्ताव् आज्यभागाव् असि सन्तीति वै सद्वन्तौ भवतः
atha yatsadvantāv ājyabhāgāv asi santīti vai sadvantau bhavataḥ
- 18
अथ यद्विराजौ संयाज्ये अन्नं वै श्रीर्विराड् अन्नाद्यस्य श्रियो ऽवरुद्ध्यै
atha yadvirājau saṃyājye annaṃ vai śrīrvirāḍ annādyasya śriyo 'varuddhyai
- 19
अथ यन्नव प्रयाजा नवानुयाजा अष्टौ हवींषि वाजिनं नवमं तन्नक्षत्रीयां विराजम् आप्नोति
atha yannava prayājā navānuyājā aṣṭau havīṃṣi vājinaṃ navamaṃ tannakṣatrīyāṃ virājam āpnoti
- 20
अथो आहुर्दशिनीं विराजम् इति प्रयाजानुयाजा हवींष्य् आघाराव् आज्यभागाव् इति
atho āhurdaśinīṃ virājam iti prayājānuyājā havīṃṣy āghārāv ājyabhāgāv iti

