14 shlokas
- 1
नोपरिशायी स्यान्न गायनो न नर्तनो न सरणो न निष्ठीवेत्
nopariśāyī syānna gāyano na nartano na saraṇo na niṣṭhīvet
- 2
यद् उपरिशायी भवत्य् अभीक्ष्णं निवासा जायन्ते
yad upariśāyī bhavaty abhīkṣṇaṃ nivāsā jāyante
- 3
यद्गायनो भवत्य् अभीक्ष्णश आक्रन्दान्धावन्ते
yadgāyano bhavaty abhīkṣṇaśa ākrandāndhāvante
- 4
यन्नर्तनो भवत्य् अभीक्ष्णशः प्रेतान्निर्हरन्ते
yannartano bhavaty abhīkṣṇaśaḥ pretānnirharante
- 5
यत्सरणो भवत्य् अभीक्ष्णशः प्रजाः संविशन्ते
yatsaraṇo bhavaty abhīkṣṇaśaḥ prajāḥ saṃviśante
- 6
यन्निष्ठीवति मध्य एव तदात्मनो निष्ठीवति
yanniṣṭhīvati madhya eva tadātmano niṣṭhīvati
- 7
स चेन्निष्ठीवेद्दिवो नु माम्यद् अत्रापि मधोर् अहं यद् अत्रापि रसस्य मे इत्य् आत्मानम् अनुमन्त्रयते
sa cenniṣṭhīveddivo nu māmyad atrāpi madhor ahaṃ yad atrāpi rasasya me ity ātmānam anumantrayate
- 8
यद् अत्रापि मधोर् अहं निरष्ठविषम् अस्मृतम् अग्निश्च तत्सविता च पुनर्मे जठरे धत्तां यद् अत्रापि रसस्य मे परापपातास्मृतं तद् इहोपह्वयामहे तन्म आप्यायतां पुनर् इति
yad atrāpi madhor ahaṃ niraṣṭhaviṣam asmṛtam agniśca tatsavitā ca punarme jaṭhare dhattāṃ yad atrāpi rasasya me parāpapātāsmṛtaṃ tad ihopahvayāmahe tanma āpyāyatāṃ punar iti
- 9
न श्मशानम् आतिष्ठेत्
na śmaśānam ātiṣṭhet
- 10
स चेद् अभितिष्ठेद् उदकं हस्ते कृत्वा यदीदम् ऋतुकाम्येत्य् अभिमन्त्र्य जपन्त्सम्प्रोक्ष्य परिक्रामेत्
sa ced abhitiṣṭhed udakaṃ haste kṛtvā yadīdam ṛtukāmyety abhimantrya japantsamprokṣya parikrāmet
- 11
समयायोपरिव्रजेत्
samayāyoparivrajet
- 12
यदीदम् ऋतुकाम्याघं रिप्रम् उपेयिम अन्धः श्लोण इव हीयतां मा नो ऽन्वागाद् अघं यत इति
yadīdam ṛtukāmyāghaṃ ripram upeyima andhaḥ śloṇa iva hīyatāṃ mā no 'nvāgād aghaṃ yata iti
- 13
अथ हैतद्देवानां परिषूतं यद्ब्रह्मचारी
atha haitaddevānāṃ pariṣūtaṃ yadbrahmacārī
- 14
तद् अप्य् एतद् ऋचोक्तं देवानाम् एतत्परिषूतम् अनभ्यारूढं चरति रोचमानं तस्मिन्सर्वे पशवस्तत्र यज्ञास्तस्मिन्न् अन्नं सह देवताभिर् इति ब्राह्मणम्
tad apy etad ṛcoktaṃ devānām etatpariṣūtam anabhyārūḍhaṃ carati rocamānaṃ tasminsarve paśavastatra yajñāstasminn annaṃ saha devatābhir iti brāhmaṇam

