5 shlokas
- 1
स वा एष उपयंश्चतुर्धोपैत्य् अग्निं पादेनाचार्यं पादेन ग्रामं पादेन मृत्युं पादेन
sa vā eṣa upayaṃścaturdhopaity agniṃ pādenācāryaṃ pādena grāmaṃ pādena mṛtyuṃ pādena
- 2
स यद् अहरहः समिध आहृत्य सायं प्रातर् अग्निं परिचरेत्तेन तं पादम् अवरुन्द्धे यो ऽस्याग्नौ भवति
sa yad aharahaḥ samidha āhṛtya sāyaṃ prātar agniṃ paricarettena taṃ pādam avarunddhe yo 'syāgnau bhavati
- 3
स यद् अहरहर् आचार्याय कर्म करोति तेन तं पादम् अवरुन्द्धे यो ऽस्याचार्ये भवति
sa yad aharahar ācāryāya karma karoti tena taṃ pādam avarunddhe yo 'syācārye bhavati
- 4
स यद् अहरहर्ग्रामं प्रविश्य भिक्षाम् एव परीप्सति न मैथुनं तेन तं पादम् अवरुन्द्धे यो ऽस्य ग्रामे भवति
sa yad aharahargrāmaṃ praviśya bhikṣām eva parīpsati na maithunaṃ tena taṃ pādam avarunddhe yo 'sya grāme bhavati
- 5
स यत्क्रुद्धो वाचा न कंचन हिनस्ति पुरुषात्पुरुषात्पापीयान् इव मन्यमानस्तेन तं पादम् अवरुन्द्धे यो ऽस्य मृत्यौ भवति
sa yatkruddho vācā na kaṃcana hinasti puruṣātpuruṣātpāpīyān iva manyamānastena taṃ pādam avarunddhe yo 'sya mṛtyau bhavati

