17 shlokas
- 1
भूमेर्ह वा एतद्विच्छिन्नं देवयजनं यद् अप्राक्प्रवणं यद् अनुदक्प्रवणं यत्कृत्रिमं यत्समविषमम्
bhūmerha vā etadvicchinnaṃ devayajanaṃ yad aprākpravaṇaṃ yad anudakpravaṇaṃ yatkṛtrimaṃ yatsamaviṣamam
- 2
इदं ह त्व् एव देवयजनं यत्समं समूलम् अविदग्धं प्रतिष्ठितं प्रागुदक्प्रवणं समं समास्तीर्णम् इव भवति यत्र ब्राह्मणस्य ब्राह्मणतां विद्याद्ब्रह्मा ब्रह्मत्वं करोतीति
idaṃ ha tv eva devayajanaṃ yatsamaṃ samūlam avidagdhaṃ pratiṣṭhitaṃ prāgudakpravaṇaṃ samaṃ samāstīrṇam iva bhavati yatra brāhmaṇasya brāhmaṇatāṃ vidyādbrahmā brahmatvaṃ karotīti
- 3
वोचे छन्दस्तन्न विन्दामो येनोत्तरम् एमहीति
voce chandastanna vindāmo yenottaram emahīti
- 4
तान्ह पप्रच्छ किं विद्वान्होता हौत्रं करोति किं विद्वान् अध्वर्युर् आध्वर्यवं करोति किं विद्वान् उद्गातौद्गात्रं करोति किं विद्वान्ब्रह्मा ब्रह्मत्वं करोतीति
tānha papraccha kiṃ vidvānhotā hautraṃ karoti kiṃ vidvān adhvaryur ādhvaryavaṃ karoti kiṃ vidvān udgātaudgātraṃ karoti kiṃ vidvānbrahmā brahmatvaṃ karotīti
- 5
वोचे छन्दस्तन्न विन्दामो येनोत्तरम् एमहीति
voce chandastanna vindāmo yenottaram emahīti
- 6
ते ब्रूमो वाग् एव होता हौत्रं करोति
te brūmo vāg eva hotā hautraṃ karoti
- 7
वाचो हि स्तोमाश्च वषट्काराश्चाभिसंपद्यन्ते
vāco hi stomāśca vaṣaṭkārāścābhisaṃpadyante
- 8
ते ब्रूमो वाग् एव होता वाग्ब्रह्म वाग्देव इति
te brūmo vāg eva hotā vāgbrahma vāgdeva iti
- 9
प्राणापानाभ्याम् एवाध्वर्युर् आध्वर्यवं करोति
prāṇāpānābhyām evādhvaryur ādhvaryavaṃ karoti
- 10
प्राणप्रणीतानि ह भूतानि प्राणप्रणीताः प्रणीताः
prāṇapraṇītāni ha bhūtāni prāṇapraṇītāḥ praṇītāḥ
- 11
ते ब्रूमः प्राणापानाव् एवाध्वर्युः प्राणापानौ ब्रह्म प्राणापानौ देव इति
te brūmaḥ prāṇāpānāv evādhvaryuḥ prāṇāpānau brahma prāṇāpānau deva iti
- 12
चक्षुषैवोद्गातौद्गात्रं करोति
cakṣuṣaivodgātaudgātraṃ karoti
- 13
चक्षुषा हीमानि भूतानि पश्यन्ति
cakṣuṣā hīmāni bhūtāni paśyanti
- 14
अथो चक्षुर् एवोद्गाता चक्षुर्ब्रह्म चक्षुर्देव इति
atho cakṣur evodgātā cakṣurbrahma cakṣurdeva iti
- 15
मनसैव ब्रह्मा ब्रह्मत्वं करोति
manasaiva brahmā brahmatvaṃ karoti
- 16
मनसा हि तिर्यक्च दिश ऊर्ध्वं यच्च किंच मनसैव करोति तद्ब्रह्म
manasā hi tiryakca diśa ūrdhvaṃ yacca kiṃca manasaiva karoti tadbrahma
- 17
ते ब्रूमो मन एव ब्रह्मा मनो ब्रह्म मनो देव इति
te brūmo mana eva brahmā mano brahma mano deva iti

