27 shlokas
- 1
अथोलूखलमुसले प्रक्षाल्य शूर्पं च पश्चाद् अग्नेः प्रागग्रान्दर्भान् आस्तीर्योपसादयति
atholūkhalamusale prakṣālya śūrpaṃ ca paścād agneḥ prāgagrāndarbhān āstīryopasādayati
- 2
अथ हविर्निर्वपति व्रीहीन्वा यवान्वा कंसेन वा चरुस्थाल्या वा
atha havirnirvapati vrīhīnvā yavānvā kaṃsena vā carusthālyā vā
- 3
अमुष्मै त्वा जुष्टं निर्वपामीति देवतानामादेशं सकृद्द्विस्तूष्णीम्
amuṣmai tvā juṣṭaṃ nirvapāmīti devatānāmādeśaṃ sakṛddvistūṣṇīm
- 4
अथ पश्चात्प्राङ्मुखो ऽवहन्तुम् उपक्रमते दक्षिणोत्तराभ्यां पाणिभ्याम्
atha paścātprāṅmukho 'vahantum upakramate dakṣiṇottarābhyāṃ pāṇibhyām
- 5
त्रिःफलीकृतांस्तण्डुलान्त्रिर्देवेभ्यः प्रक्षालयेद् इत्य् आहुर्द्विर्मनुष्येभ्यः सकृत्पितृभ्य इति
triḥphalīkṛtāṃstaṇḍulāntrirdevebhyaḥ prakṣālayed ity āhurdvirmanuṣyebhyaḥ sakṛtpitṛbhya iti
- 7
कुशलशृतम् इव स्थालीपाकं श्रपयेत्प्रदक्षिणम् उदायुवन्
kuśalaśṛtam iva sthālīpākaṃ śrapayetpradakṣiṇam udāyuvan
- 8
शृतम् अभिघार्योदग् उद्वास्य प्रत्यभिघारयेत्
śṛtam abhighāryodag udvāsya pratyabhighārayet
- 9
अग्निम् उपसमाधाय कुशैः समन्तं परिस्तृणुयात्पुरस्ताद्दक्षिणत उत्तरतः पश्चाद् इति
agnim upasamādhāya kuśaiḥ samantaṃ paristṛṇuyātpurastāddakṣiṇata uttarataḥ paścād iti
- 10
सर्वतस्त्रिवृतं पञ्चवृतं वा
sarvatastrivṛtaṃ pañcavṛtaṃ vā
- 11
बहुलम् अयुग्मसंहतम्
bahulam ayugmasaṃhatam
- 12
प्रागग्रैर् अग्रैर्मूलानि छादयन्
prāgagrair agrairmūlāni chādayan
- 13
पश्चाद्वास्तीर्य दक्षिणतः प्राञ्चं प्रकर्षति तथोत्तरेण
paścādvāstīrya dakṣiṇataḥ prāñcaṃ prakarṣati tathottareṇa
- 14
दक्षिणोत्तराण्य् अग्राणि कुर्यात्
dakṣiṇottarāṇy agrāṇi kuryāt
- 15
एष परिस्तरणन्यायः सर्वेष्व् आहुतिमत्सु
eṣa paristaraṇanyāyaḥ sarveṣv āhutimatsu
- 16
परिधीन् अप्य् एके कुर्वन्ति शामीलान्पार्णान्वा
paridhīn apy eke kurvanti śāmīlānpārṇānvā
- 17
उत्तरतो ऽपां पूर्णः स्रुवः प्रणीता
uttarato 'pāṃ pūrṇaḥ sruvaḥ praṇītā
- 18
भवे न वा स्याद् इत्य् एके
bhave na vā syād ity eke
- 19
बर्हिषि स्थालीपाकम् आसाद्येध्मम् अभ्याधायाज्यं संस्कुरुते
barhiṣi sthālīpākam āsādyedhmam abhyādhāyājyaṃ saṃskurute
- 20
सर्पिस्तैलं दधि पयो यवागूम्वा
sarpistailaṃ dadhi payo yavāgūmvā
- 21
तत एव बर्हिषः प्रादेशमात्रे पवित्रे कुरुते
tata eva barhiṣaḥ prādeśamātre pavitre kurute
- 22
ओषधिम् अन्तर्धाय छिनत्ति न नखेन पवित्रे स्थो वैष्णव्याविति
oṣadhim antardhāya chinatti na nakhena pavitre stho vaiṣṇavyāviti
- 23
अथैने अद्भिर् अनुमार्ष्टि विष्णोर्मनसा पूते स्थ इति
athaine adbhir anumārṣṭi viṣṇormanasā pūte stha iti
- 24
संपूयोत्पुनात्य् उदगग्राभ्यां पवित्राभ्याम्
saṃpūyotpunāty udagagrābhyāṃ pavitrābhyām
- 25
अङ्गुष्ठाभ्यां चोपकनिष्ठिकाभ्यां चाङ्गुलिभ्याम् अभिसंगृह्य प्राक्शस्त्रिर् उत्पुनाति देवस्त्वा सवितोत्पुनात्व् अच्छिद्रेण पवित्रेण वसोः सूर्यस्य रश्मिभिर् इति सकृद्यजुषा द्विस्तूष्णीम्
aṅguṣṭhābhyāṃ copakaniṣṭhikābhyāṃ cāṅgulibhyām abhisaṃgṛhya prākśastrir utpunāti devastvā savitotpunātv acchidreṇa pavitreṇa vasoḥ sūryasya raśmibhir iti sakṛdyajuṣā dvistūṣṇīm
- 26
अथैने अद्भिर् अभ्युक्ष्याग्नाव् अप्यर्जयेत्
athaine adbhir abhyukṣyāgnāv apyarjayet
- 27
अथैतद् आज्यम् अधिशृत्योदग् उद्वासयेत्
athaitad ājyam adhiśṛtyodag udvāsayet
- 28
एवम् आज्यस्य संस्करणकल्पो भवतीति
evam ājyasya saṃskaraṇakalpo bhavatīti

